الموضوع: تانى مشاكل ال 301

بسم الله الرحمن الرحيم

السلام عليكم ورحمه الله وبركاته

تانى مشكلة فى العربية بعد مشكلة التيل والتصفير وهى البوجيهات اغلب الناس بتروح التوكيل علشان مشكلة لمبة التشيك بتنور وبيقولك بنزين وخلينى اقول المشكلة قبل ماتحصل معايا شوفتها فى صيانه العشر الاف

دخلت عربية 301 عاملة 3000 كيلو فى فرع غمرة روحت اتكلمت معاه خير مالها عربيتك قالى اللمبة بتنور وكلمتهم بعتولى ونش وحاسبت عليه قولتله يا راجل انت غلطان عربيتك 3000 كيلو وتحاسب على ونش

المهم فضلوا يلعبوا فى العربية وطلعلوا ازازة كده ويقول شم البنزين اه ده فعلا خفيف انت بتمون منين من وطينة لا بلاش مون من غيرها

كلمته قولتله المشكلة من عندهم مش من البنزين جاب الفنى وقاله طيب فضى العربية من البنزين قالوا مفيش داعى هتمشى معاك قولتله يعنى معقولة البنزين بقى حلو دلوقتى والعربية تمشى بيه ماهو لو وحش هيتشال وبعدين هى ال 301 هىنزل بس اللى ماشية فى مصر ما كل العربيات بتحط بنزين خلص حوارنا على كده وسبته يتكلم مع المهندس ومشيت بعد ماخلصت الصيانة

نزلت انا حصلت معايا المشكلة وتقريبا بسبب انى سبت التانك يخلص علشان احدد متوسط الاستهلاك ونزلت تانى يوم بدور والاقى لمبة التشيك روحت فرع صلاح سالم قابلنى اول مهندس مشكلة بنزين اتفضل بتمون منين من موبيل لا وحشه تانى مهندس بتمون منين من شيل لا وحشة يجى مدير الادارة خليك فى وطنية وامارات مصر خلص لعب وتنضيف فى العربية بيدور لمبة التشيك منورة بيقولى البوجيهات وحشه ولو اتكررت معاك تانى هتغيرها بره الضمان قولتلله بلاش نسبق الاحداث لما تحصل يبقى نشوف وقتها

وخلاصه الكلام توكيل زبالة مبيعترفش بمشاكل العربية منزل قطع غيار استهلاكية غير اعتمادية مع سعر عالى العربية ده غير الكذب والحورات فى كل مشكلة

النهاية توكيل ملوش اى لازمة ومنصحش حد يجيب العربية بسببة ولازم يا يبقى لينا واقفة معاه ياما نشوف مركز صيانة او قطع غيار من بارة

المشاركة الأصلية كتبت بواسطة abohend

معاك حق في كل كلمة
و أنا قلت كده من البداية (توكيل بيجو تعبان و مفيش تغيير ملحوظ حتب بعد طفرة المبيعات)

حتى الآن المشاكل مقدور عليها و متخليش الواحد يقفل من العربية (تيل و بوجيهات)

لكن استمرار الوكيل في سياسة التطنيش و إلقاء اللوم على العميل و البنزين و الإستخدام و ....إلخ هي المشكلة الحقيقية

أنا بتخيل لو واحد لا قدر الله عنده مشكلة في موتور و لا فتيس و التوكيل كالعادة إستخدم نفس الأسلوب الرخيص في التهرب هيبقى الوضع ايه؟؟؟

زى مانت قلت مشاكل مقدور عليها البوجيهات مش مشكلة كبيرة لسعرها القليل بالنسبة للسعر التيل اللى وصل لفوق ال 650 بالمصنعية وهما الخسرانين لو حد فينا جرب ال تيل 207 واشتغل معاه وسعره 200 جنية واكيد هيقعد اكتر

لقدر الله حصل حاجة فى عربية حد دى ضمان مفهاش كلام مش هيقولك استهلاكى ولا هيبقى فيه مخرج للكلام وربنا يسترها

انا فعلا ندمان عن الكلام والدفاع الغير عادى اللى الواحد كان بيدافعه عن العربية والتوكيل