تعديل هام فى دورة التبريد للاسكودا فليشيا - بالصور

**morsi33** · 15-04-2009 08:31 PM

من واقع التجربة حدث الاتى :0
عندما غيرت الماسورة الحديدة اللوجودة بالدورة واعادة المياه الى العربية مرة اخرى لم تعمل المروحة عند90 كما كانت عليه وبعد محاولات عديدة عرفت السبب ؟؟
المشكلة ان المياه لا تصل الى الثيرموستات كويس
والحل هو فك الثرموثتات نفسه قليلا حتى تخرج المياه منه اثناء دوران المحرك وبعدها اربط عليه تانى وشوف النتيجة وادعيلى .

**hanyreload** · 17-04-2009 11:13 AM

طبعا مجهود رائع الله ينور واسمحلى اخد منك استشاره
انا عندى سكودا 95 وارد المانيا اول مجت من بره لقيت المروحه بتشتغل عند حراره 110 وتفصل عند 100 بس بصراحه انا خفت اسيبها على كده وغيرت الثرموستات لواحد اققل 70/82 فاصبحت الحراره ثابته لا تتعدى ال90 لكن المروحه شغاله على طول طول مانا ماشى هو الموضوع ده بقاله سنه تقريبا والبطاريه حتى الان بحاله جيده والحمد لله.
انا مش عارف اسيبها على كده ولا ارجع الثرموستات القديم واخليها ذى الفابريقه بتاعتها يا ريت تقولى رايك.وشكرا.

**ZALABANY** · 17-04-2009 11:56 AM

على فكره فكرتك هايله جدا وتنفع نواه لمشروع
تتعمل قطعة الغيار دي وهاتلاقيلها رواج في كل العربيات القديمه اللي بتعاني من مشاكل السخونه 128 و 127 والشاهين والتمبرا

**egycome** · 05-04-2010 10:31 PM

ممتازة الفكرة الف شكر

**EngAhmedSayed** · 07-04-2010 07:47 PM

بسم الله ما شاء الله
انا بحييك على الفكره الجميله و هى تعديل بسيط و يعتبر مهم بالنسبه العربيه الاسكودا الفليشيا
و الناس بتزعم انها بتسخن جامد لالالالالا الكلام ده مش مظبوط اى دورة تبريد فى اى عربيه فيها خلال تؤدى الى عدم انتظام الحراره
و على فكره فى ناس كتير ميعرفوش انو العربيه دى عند الكوعه فى محبس دخول المياه للماتور بيفتح و بيقفل مع درجة الحرارة السينسور يفضل يتلغى لانى درجة الحراره فى مصر غير اوربا علشان الثلج
المهم انا احيك على الفكره

**viva2010** · 02-09-2011 04:02 AM

بجد احب اشكرك جدا انا لسه جايب العربيه موديل 2000 الشتا اللي فات وكان صاحبها حاطط لها ثرموستات 128 اللي بيشتغل 82-68 وطبعا لحسلي البطاريه لان المروحه زهقت من كتر ما اشتغلت ولما ركبت الثرموستات 90-80 بقت المروحه بتشتغل عند 100 وساعات 110 فأنت ريحتني جدا باللي انت عملته ده لاني كنت هلف نفس لفتك بس ان شاء الله هنفذ فكرتك لانها هي اسلم واحسن حل

**abdalah_hashem** · 02-09-2011 08:05 AM

انا شايف انة بيقيس درجة حرارة خرج الريداتير لانة
1- بيبقى حاسب معدل انتقال الحرارة من الموتور الى المياة الباردة اللى داخلة لية
يعنى لما تكون درجة حرارة الموتور س ودرجة المياة ع هو حاسب ان اعلى درجة للمياة عشان يبقى افضل انتقال حرارة هتبقى كذا

فبيقيس درجة حرارة المية اللى داخلة الموتور طول ما هى اعلى من الرقم كذا دية يشغل المراوح عشان تبرد لما تقل عن درجة كذا دية يوقف المراوح

الاخ صاحب الموضوع اللى عملة انة خلى المقياس يقرا درجة الحرارة الخارجة من الموتور وبالتالى فهى عالية جدا عن اللى خارجة من الردياتير اللى المفروض ان الترموستات يقيسها
فبالتالى المراوح تشتغل اكتر والتبريد المحسوس مننا احنا ان العربية مش بتسخن يبقى فعلا تبريد اكتر

فكرة كويسة بس مش عارف ممكن تيجى على حساب عمر المراوح الافتراضى

**abdalah_hashem** · 02-09-2011 08:08 AM

كمان ليا تعليق

انا شايف انك عامل وصلة تى مستخدم فيها ماسورة pvc لو استخدمت ماسورة معدنية يبقى افضل
منعا وتجنبا لحدوث اى تلف بالماسورة ال pvcنتيجة سخونة المياه
وشكرا
تمنياتى بالتوفيق

**sakr_skoda** · 05-09-2011 10:07 PM

موضوع اكثر من رائع وانا سأنفذ تلك الفكرو ولاكن ليس بماسورة ولذق واشياء قد تادى الى تسريب مياة ولاكن بحرف tبوصة ....* اما فكرة الأخ هانى بعمل مفتاح لتشغيل المروحة مباشر له عواقب كثيرة ووخيمة ففى ذات الأيام نسيت المروحة شغالة وعند خروجى من العمل وجدت البطارية فى خبر كان وكانت مشكل أدى زوبه زقة ويوم....*