ايه سبب ان ال 516 بتعوم منى فوق ال 110 كده

**SuperTest** · 24-05-2014 01:35 AM

السلام عليكم ورحمة الله وبركاته

حضراتكم عرفتوا انى جبت 516 موديل 2011

لسا معملتش غير انى غيرت البوجيهات وظبط الكوتش على 32 قدام و 30 ورا ، وبرضه حاسس انه مهوى كده بفكر ازوده ل 35 عادى ولا ايه النظام ؟؟

المفروض التلات الجاى ان شاء الله هغير سير الكاتينة والبلية والزيت والفلتر وتيل الفرامل الامامى والخلفى،، والعربية بترمى منى يمين ، هروح اعملها ظبط زوايا ايه رأيكم؟؟

المهم انى اول السرعه ما بتوصل 110 فما فوق العربية بتخف منى واحسها بتروح وتيجى كده يمين وشمال

الغلطه فين؟؟ لانى اعرف ان العربية دى المفروض ثابته لحد 160 مثلا

كمان ايه المفروض اغيره تانى غير الحاجات اللى قلت عليها فوق دى

**hilal** · 24-05-2014 06:06 AM

لازم تكشف ع العفشة اولا وقبل كل شيء

**fourseasons** · 24-05-2014 06:08 AM

ايه يا باشا مختفى فين.عموما الف مبروك و يديك خيرها و يكفيك شرها.بالنسبة للعومان و الحدفة اليمين روح ضبط زواية عنعد بنزينة مصر ال فى اول شارع بورسعيد ال قدام نادى المحافظة.عند الشيخ مجدى فى اتنين شغالين هناك متعملش غير عند الشيخ مجدى.وبالنسبة لمنظر الكاوتش متشغلش بالك بيه المهم الضغط ال فيه عشان هو بيقى شكله كده انا كمان عندى كده. ومتغيرش حاجة مش محتاجة تتغير عشان الأصلى ال فى العربية مش حتتعوض.وربنا يوفققك

**automea** · 24-05-2014 08:01 AM

اضبط الضغط على البارد وشوف الكتالوج عايزك تضبط على كام واضبط زوايا

**دكتور خالد** · 24-05-2014 04:58 PM

ال 516 عربية تقيلة وثابتة جدا على الطريق و فى المنحنيات ... اكيد فى حاجة فى العفشة او فى الغالب الزوايا مش مظبوطة .... بالنسبة للكاوتش 32 كويس جدا وبلاش اكتر من كده علشان هتحس بالنقر و المطبات جامد و كمان الجو حر والكاوتش ممكن لا قدر الله يضرب

**J A G U A R** · 24-05-2014 06:11 PM

اظبط زوايا ورصص عجل بالمره

**hugan** · 24-05-2014 10:41 PM

مبدئيا اضبط ضغط الكاوتش علي 30 مش 32
قبل العفشجي روح لبتاع زوايا محترم هو اللي هايحدد لك العفشه فيها ايه لو سليمه
يبقي هايظبط زوايا بس
لو فيها حاجه هاتصلحها وتظبط زوايا بعد كده
في الغالب ها تلاقي العومان سببه الزوايا
ان شاء الله لما تغير كاوتش بعد كده
غير بالمقاس الاكبر
15/60 مش 15/55

**SuperTest** · 26-05-2014 06:00 PM

المشاركة الأصلية كتبت بواسطة hugan

مبدئيا اضبط ضغط الكاوتش علي 30 مش 32
قبل العفشجي روح لبتاع زوايا محترم هو اللي هايحدد لك العفشه فيها ايه لو سليمه
يبقي هايظبط زوايا بس
لو فيها حاجه هاتصلحها وتظبط زوايا بعد كده
في الغالب ها تلاقي العومان سببه الزوايا
ان شاء الله لما تغير كاوتش بعد كده
غير بالمقاس الاكبر
15/60 مش 15/55

ظلط الكاوتش كله علي 30 .. ورحت زوايا قالي مش هظبطلك مشكلتك كوتش

رحت لبتاع الكوتش بدل الاتنين اللي قدام مع بعض بقت بترمي شمال ههههه بس خفيف. قعدت اعمل كروس وبدلت كل الاحتمالات ونزلت جنط من الاستبن مكان جنط قالي هو السبب ولسا بترمي يمين بس خفيف ..

المهم اكتشفت عند بتاع الكوتش ان 3 فرد مقاس 55 العادي وفرده ورا شمال مقاس 65 .. مش عارف صاحبها كان عامل كده ازاى.. شاكك ان دي اللي بترمي وتعوم ؟؟ بتاع الكوتش بيقولى طالما ورا خلاص

المشاركة الأصلية كتبت بواسطة vipper_san

هو فى شوية حاجات عدت عليا فى موضوع الثبات
1- لو مقاس العربية متغير لـ 60 بدل55 بيأثر على الثبات شوية
2- لو مساعدين لانسر عشان اعلى 1 سم
3- العفشة وخصوصا البطاحات
4- العربية بترمى يمين ده عيب فى طرمبة الباور
5- كان فى حد كاتب عن الكبالن الداخلية انها كانت مأثرة عالثبات

كله 55 ماعدا واحده 65
مساعدين الاصلي بتوعها والعفشه ناعمه

طيب طرمله الباور دي بتتعمل عند مين وبكام

المرايات عندى خدت كام خبطه كده.. والقاعده بتاعتهم فكت من مسمار. دى الزقها وﻻ بتتفك

والفوجات مش شغاله. بكام الاتنين وﻻ ممكن يكونوا مش محروقين ؟