ارجو الرد الأفادة بالرد الفصل من حضراتكم (بخصوص الصيغة القانونية للتوكيل)

**وائل ابو يوسف** · 24-05-2014 12:32 PM

السلام عليكم أصدقائى الأعزاء فى هذا الموقع الرائع الحمد لله بفضل الله ومشورات هذا الموقع الرائع أشتريت سيارة دايهاتسو تريوس موديل 2000 سيارة رائعة ........المهم السيارة بها تصريح سير ينتهى فى شهر 9 ونهاية الفحص 2017 فالبائع عمل لى توكيل كاتب فيه البيع للنفس وللغير والتوكيل للغير والتعامل مع المرور واستخراج شهادات بيانات ومخالفات . فأحد أصدقائى قال لى مش هاينفع تجدد تصريح السير وتستفيد بقترة الرخصة المتبقية وهى 3 سنين مش قليلة عشان مش كاتب فى التوكيل والتجديد والترخيص فرجعت للبائع عشان يروح الشهر العقارى يضيف التجديد و الترخيص فقال لى مضافة كلمة أشمل وهى التعامل مع المرور بيشمل تجدد وترخص وكل حاجة فمش عارف قلقان أرجو من حضراتكم الأفادة عشان انا فعلا بثق فى رائيكم والف الف شكر
اخوكم وائل ابو يوسف

تم تعديل العنوان
ليعبر عن محتوى الموضوع
مشرف ب 5

**Mohamed_abdo** · 24-05-2014 12:35 PM

الموضوع سهل روح المرور وريهم التوكيل وهما يقولولك ينفع ولا لأ

**ahmedfouad** · 24-05-2014 12:49 PM

اعتقد تمشى عادى

**ahmedelrayan** · 24-05-2014 01:12 PM

المشاركة الأصلية كتبت بواسطة وائل ابو يوسف

السلام عليكم أصدقائى الأعزاء فى هذا الموقع الرائع الحمد لله بفضل الله ومشورات هذا الموقع الرائع أشتريت سيارة دايهاتسو تريوس موديل 2000 سيارة رائعة ........المهم السيارة بها تصريح سير ينتهى فى شهر 9 ونهاية الفحص 2017 فالبائع عمل لى توكيل كاتب فيه البيع للنفس وللغير والتوكيل للغير والتعامل مع المرور واستخراج شهادات بيانات ومخالفات . فأحد أصدقائى قال لى مش هاينفع تجدد تصريح السير وتستفيد بقترة الرخصة المتبقية وهى 3 سنين مش قليلة عشان مش كاتب فى التوكيل والتجديد والترخيص فرجعت للبائع عشان يروح الشهر العقارى يضيف التجديد و الترخيص فقال لى مضافة كلمة أشمل وهى التعامل مع المرور بيشمل تجدد وترخص وكل حاجة فمش عارف قلقان أرجو من حضراتكم الأفادة عشان انا فعلا بثق فى رائيكم والف الف شكر
اخوكم وائل ابو يوسف

كلام صديق حضرتك صح مادام مش مكتوب فى التوكيل التجديد والترخيص يبقى مش هينفع تستفاد بالمدة دى وموضوع التعامل مع المرور معناه انك تقدر تطلع مخالفات للعربية وشهادة بيانات فقط لاغير

**وائل ابو يوسف** · 24-05-2014 01:36 PM

استاذ احمد ماهو مكتوب فى التوكيل استخراج شهادات بيانات ومخالفات والتعامل مع المرور ... ماتفسير حضرتك للجملة ده

**m.abdelsalam** · 24-05-2014 01:49 PM

المشاركة الأصلية كتبت بواسطة ahmedelrayan

كلام صديق حضرتك صح مادام مش مكتوب فى التوكيل التجديد والترخيص يبقى مش هينفع تستفاد بالمدة دى وموضوع التعامل مع المرور معناه انك تقدر تطلع مخالفات للعربية وشهادة بيانات فقط لاغير

التعامل مع المرور المقصود به كما ذكر الاستاذ / أحمد أنك تقدر تطلع شهادة مخالفات أو شهادة بيانات أو لاقدر الله إذا ما تم سحب الرخصة لأية مخالفة يمكنك التعامل مع المرور واستردادها ولا يمكنك بأي حال الترخيص أو التجديد الا بعد البيع لنفسك او للغير

**m.abdelsalam** · 24-05-2014 02:22 PM

http://www.nilemotors.net/Nile/42236-a.html
هذا الرابط به الاستفسار عن صيغة توكيل البيع

**heeshooheeshoo** · 24-05-2014 07:45 PM

كلام الأخوة الذين سبقوا بالرد واف وشاف وهو أنك لا تستطيع تجديد الترخيص بموجب هذا التوكيل مادام لم يذكر صراحة بالتوكيل كلمة "الترخيص" وهذا طبعا ليس سهوا
فكلمة ترخيص فى التوكيل يمكن أن تؤدى إلى إستطاعة المشترى تجديد الترخيص بإسم المالك السابق "البائع" إلى ماشاء الله