انا و الdsg و الحيرة !!

**Amr_wael** · 24-05-2014 01:37 PM

السلام عليكم و رحمة الله و بركاته
بعد ما لفيت على عربيات كتير جدا في كل الفئات السعرية اللي من 160 الف لحد 190 الف مفيش حاجة سحرتني زي الاميرة seat leon و جمال تصميمها الخارجي و تصميم الداخلي الانيق جدا
و بعد ما كنت مقدم عليها بشدة و واخد قرار ان هي دي العربية اللي مستنيها من زمان فجأة طلعتلي مشكلة الفتيس dsg و الكلام الكتيرا اللي بيتقال عليه :(
فهل في موديلات 2014 تم حل مشاكل الفتيس دا ؟! او في ضمان ؟ :(
و هل هو فعلا فتيس كله مشاكل كدا ؟ ولا في مبالغة و تهويل ؟
شكرا :)

**SYD** · 24-05-2014 01:42 PM

في البداية أحب أرحب بيك في قسم سيات نايل موتورز

الليون سيارة جميلة فعلاً وتستحق الأقتناء

أقرأ الموضوع دة وبعدين نتكلم لو احتاجت تسأل تاني علي حاجة في الDsg

اول تقرير كامل ومصور لسيات ابيزا 2014 بعد الاستلام حصري للمنتدي

تحياتي

**Amr_wael** · 24-05-2014 01:54 PM

المشاركة الأصلية كتبت بواسطة SYD

في البداية أحب أرحب بيك في قسم سيات نايل موتورز

الليون سيارة جميلة فعلاً وتستحق الأقتناء

أقرأ الموضوع دة وبعدين نتكلم لو احتاجت تسأل تاني علي حاجة في الDsg

اول تقرير كامل ومصور لسيات ابيزا 2014 بعد الاستلام حصري للمنتدي

تحياتي

الف شكر لحضرتك و احب اشكرك جدا على سرعة الرد و دا عشمي في قسم سيات الرائع
انا كنت قريت التقرير دا قبل كدا بس دا عن سيات ابيزا و مش لاقي اي تقرير من الاعضاء عن الليون
الفكرة عن دي برضه عربية جديدة لسة معملتش عدد كيلوهات كتير و تقريبا مشاكل الDSg حسب ما فهمت بتظهر بعد 40 الف كيلو !

**Amr_wael** · 24-05-2014 01:56 PM

المشاركة الأصلية كتبت بواسطة ahmed.Elashy

الواحد اتعلم هنا من المنتدي انك لو قادر و هتحافظ عليه هاته وهوا هيريحك جدا وهتكسب منه كتير
خايف منه ومش هتحافظ عليه يبقي بلاش عشان متظلمش نفسك وتعيش ف حيره
بس متضيعش الليون من ايدك عربيه تحفه بمعني الكلمه
وهتوفر ف البنزين بطريقه لن تتخيلها العربيه متسحبش بنزين خالص بسبب الفتيس اللي انت متخوف منه

فعلا من اهم ميزات العربية و الفتيس توفير البنزين + التجميع السريع رغم ان الموتور 1200 سي سي فقط
بس بمعنى ايه احافظ عليه ؟ هل الطريقة الوحيدة اني اجيب n في الاشارة ؟ و هل دا حل عملي فعلا ؟
او المقصود الصيانة الدورية ؟

**ahmed.Elashy** · 24-05-2014 02:19 PM

المحافظه عليه انك تبقي عارف امتي تجيب d وامتي تجيب s ف الفتيس
في ف المنتدي مواضيع بتشرح الموضوع ده بالتفصيل
بس الفتيس بيقلب غياراته علطول ف لو طريق كله مطبات هتلاقي كل شويه تطلع سبع غيارات و تنزل سبع غيارات ودا طبعا غلط ع الفتيس
انما لو هتجبها علي السبورت ع السرعه المتوسطه ف الطريق اخرك الغيار التالت ف بتريح الموتور والعربيه برده بيبقي سحبها حلو وبتجمع علطول
دا غير طبعا صيانتك الدوريه مهمه للعربيه ككل وبتحفظ حقك ف التوكيل بتبقي بالنسبالهم واحد محافظ علي عربيته ف لو حصل اي حاجه لاقدر الله في اي جزء ف العربيه مستقبلا بيبقي الموضوع سهل وبيغيروه علطول علي حسابهم وكبيبقاش عندهم حجه انك مش محافظ علي العربيه او مش بتصونها و الكلام ده
المشكله انك لو فكرت تغير الليون صعب تلاقي نفس فئتها
عندك ياسيدي الجولف بس اغلي طبعا ونفس الفتيس
عندك نيسان جوك بس باب واحد و الناس بتقول ضيقه ومحدش بيجبها انا عن نفسي حاببها
عندك برده فورد فييستا عربيه تحفه بس الفتيس بتاعها برده عليه مشاكل عشان نوعيه الطرق ف مصر

**Amr_wael** · 24-05-2014 02:32 PM

المشاركة الأصلية كتبت بواسطة ahmed.Elashy

المحافظه عليه انك تبقي عارف امتي تجيب d وامتي تجيب s ف الفتيس
في ف المنتدي مواضيع بتشرح الموضوع ده بالتفصيل
بس الفتيس بيقلب غياراته علطول ف لو طريق كله مطبات هتلاقي كل شويه تطلع سبع غيارات و تنزل سبع غيارات ودا طبعا غلط ع الفتيس
انما لو هتجبها علي السبورت ع السرعه المتوسطه ف الطريق اخرك الغيار التالت ف بتريح الموتور والعربيه برده بيبقي سحبها حلو وبتجمع علطول
دا غير طبعا صيانتك الدوريه مهمه للعربيه ككل وبتحفظ حقك ف التوكيل بتبقي بالنسبالهم واحد محافظ علي عربيته ف لو حصل اي حاجه لاقدر الله في اي جزء ف العربيه مستقبلا بيبقي الموضوع سهل وبيغيروه علطول علي حسابهم وكبيبقاش عندهم حجه انك مش محافظ علي العربيه او مش بتصونها و الكلام ده
المشكله انك لو فكرت تغير الليون صعب تلاقي نفس فئتها
عندك ياسيدي الجولف بس اغلي طبعا ونفس الفتيس
عندك نيسان جوك بس باب واحد و الناس بتقول ضيقه ومحدش بيجبها انا عن نفسي حاببها
عندك برده فورد فييستا عربيه تحفه بس الفتيس بتاعها برده عليه مشاكل عشان نوعيه الطرق ف مصر

انا شوفت الفورد فيستا عربية صغيرة جدا جدا
و البديل الامثل هو النيسان جوك بس شكلها مقارنة بالليون فرق كبير لصالح الليون
حتى الاوبل استرا شوفتها و لم اقتنع بها 100% مش شبابي نهائي و سحبها تقيل جدا جدا جاد
طب السؤال هل لحد دلوقتي في حد اشتكى من الفتيس dsg في موديلات 2014 ؟

**ahmed.Elashy** · 24-05-2014 02:46 PM

انا كنت امبارح ف التوكيل وسالت المهندس قاللي نفس الكلمتين
(لا محدش بيشتكي منه دا زي الفل وعدلوا في الموديلات الجديده)
مش هنتاكد غير لما السنه دي واللي بعديها يعدوا عشان العربيات تبقي عملت كيلومترات
متهيالي من بعد ٢٠١٢ محدش اشتكي زي الاول
وفي ناس الفتيس عملت بيه غوق الميت الف
بالتوفيق

**Amr_wael** · 24-05-2014 02:58 PM

المشاركة الأصلية كتبت بواسطة ahmed.elashy

انا كنت امبارح ف التوكيل وسالت المهندس قاللي نفس الكلمتين
(لا محدش بيشتكي منه دا زي الفل وعدلوا في الموديلات الجديده)
مش هنتاكد غير لما السنه دي واللي بعديها يعدوا عشان العربيات تبقي عملت كيلومترات
متهيالي من بعد ٢٠١٢ محدش اشتكي زي الاول
وفي ناس الفتيس عملت بيه غوق الميت الف
بالتوفيق

كلام يبشر بالخير الف شكر لحضرتك :)

**Mohamedjetta** · 24-05-2014 04:10 PM

انا من ملاك الجيتا dsg السبع سرعات (مش بتاعتي بتاعت الوالد بس انا اللي بسوقها دايما )و عيبه الوحيد ان الكلتشات مش بتستحمل الزحمه نهائي وممكن تغير بعد 30 الف او 40 الف بس لو استعملت الفتيس صح انك ف الزحمه تكون ع المانويل او s بس انا بحس ان s بيخلي الموتور مضايق ومعلي صوته و يفضل تستخدم المانويل عشان يكون فيه تحكم و الصراحه يا باشا ان كل يوم ببقي بفكر ف الفتيس ومتوتر لو انت من النوع ده هتتعب اوي
وتحياتي ليك وفعلا الشكاوي مختفيه اوي بعد 2012
نسيت اقولك الفتيس ده فيه رزعة خفيفه كده لما تعمل كيك داون و تفرمل عشان شفت حاجه مفاجاءه قدامك
وفيه اصوات الشخلله