صيانة 80000 كم ....

**acasper3d** · 24-05-2014 05:43 PM

السلام عليكم ...

اعضاء جروب نيسان المحترمين.,,,

للأسف انا محصليش شرف التعرف شخصيا علي اعضاءالجروب ولا فكرت اروح المقابلات بتاعت الجروب ... بس وممكن الوحيد الي شوفت من اعضاء الجروب هوا الاستاذ المحترم /احمد مصطفي ,,, هوا اكيد مش عارفني لأني شوفت فترة صغيره عند الحاج احمد مشعل في جينز كار ... كنت بعمل عزل للأرضية بتاعت عربيتي..... بس انا سعيد اني معاكم علي الاقل في الجروب...

بعد الدخله الحلوة ديه نيجي للمضمون ...

انا العربية ان شاء الله عملها صيانة 80000 كم .... وبما اني متعود عادة علي توكيل السبع نظرا لأن الفنين مدربيين شوية عن اوتو ايجيب ... بس مش عارف كده ساعات بحن لأوتو ايجيب

ان شاء الله انا هجيب زيت موتور Top Tech 4100 ,
زيت فتيس Top Tech 1200
زيت فرامل DOT 4

كلهم من Liqui Moily

بس باقي قطع الغيار ولوازم الصيانة من التوكيل عادي ....

السادة الكرام .... اروح اي من التوكيلين .. السبع ام اوتو ايحيب .. وليه .... ولو فيه اي حد عنده اضافة او استفسار ان تحت امركم .....مع العلم اني رايح ان شاء الله يوم السبت 31/5/2014

**khalid tarek** · 24-05-2014 09:45 PM

متابع

**matawfeek** · 25-05-2014 12:19 PM

متابع جدا و يا ريت حد يقوللى اروح فين عشان اجيب من الاخر
انا اشتريت تيدا 2007 سيدان و عاملة 86 الف كيلو و عاوز اروح اكشف كشف محترم و اعمل صيانة ال 80 الف
هحتاج زيوت و بعض السيور و الفلاتر و بوجيهات و محتار ناس تقول اوتو ايجيبت و ناس تقول اوعى تروح مودرن موتورز و ناس تقوللى روح الحرفيين عند العالمية مهندس احمد نوفل افضل من التوكيل و حافظ التيدا . افيدونا

**acasper3d** · 02-06-2014 05:51 PM

تم حجز الصيانة في مركز السبع ... ونسيان عامله خصم 20% علي المصنعية وقطع الغيار...
ان شاء الله معاد الصيانة بكره ...
ةعمل تقرير بما تم في الصيانة وقطه الغيار..

**matawfeek** · 03-06-2014 11:49 AM

باشا احنا فى انتظارك ضرورى تقلنا عملت ايه

و عاوز اعرف الخصم ال 20 % ده على هايمشى على التيدا 2007 ولا الصنى بس ولا الاحدث شوية من 2007 ولا ايه؟ ضرورى تطمنا

على فكرة انا روحت كشفت فى مركز العالمية اللى قولت عليه و متبسطتش قوى بس جبت من عنده اسعار قطع الغيار اللى هاحتاجها.

و ده لينك للصفحة اللى عليها الموضوع
http://www.nilemotors.net/Nile/422368-2007-2.html
بالتوفيق و ماتنساش انا مستنى تقرير كامل

**acasper3d** · 08-06-2014 12:32 PM

المشاركة الأصلية كتبت بواسطة matawfeek

باشا احنا فى انتظارك ضرورى تقلنا عملت ايه

و عاوز اعرف الخصم ال 20 % ده على هايمشى على التيدا 2007 ولا الصنى بس ولا الاحدث شوية من 2007 ولا ايه؟ ضرورى تطمنا

على فكرة انا روحت كشفت فى مركز العالمية اللى قولت عليه و متبسطتش قوى بس جبت من عنده اسعار قطع الغيار اللى هاحتاجها.

و ده لينك للصفحة اللى عليها الموضوع
http://www.nilemotors.net/Nile/422368-2007-2.html
بالتوفيق و ماتنساش انا مستنى تقرير كامل

الاستاذ المحترم ... اسف جدا علي التأخير

http://www.nilemotors.net/Nile/42540...post3875614049

واي استفسار انا في الخدمة

**matawfeek** · 09-06-2014 10:01 AM

شكرا لذوقك و شكرا للأهتمام
انا بس عاوز اتأكد بخصوص الخصم هل فى السبع و اتو ايجيبت ولا السبع بس و مدته قد ايه
انا اصلى شارى التيدا دى جديد و حاليا عاملة 88 الف و هحتاج اعمل صيانة شاملة و الاهم منها الكشف المحترم الشامل بمعنى الكلمة اللى مايحتاجش منى انى اسأله بعدها مثلا بصيت على النور يقوللى ليه هو فيه حاجة ؟ طب عرفت لمبة الايرباج مابتنورش ليه يقوللى هى مابتنورش ؟ اقوله انا طب عرفت انا دفعت ال 400 جنيه كشف على ايه؟ :)
بخلاف انى هحتاج حاجات تقيلة شوية اهمها قاعدة موتور و مساعد امامى و حساس vti و حاجات كده.

عموما الف شكر على الاهتمام و على التقرير المحترم ده انت كده عرفتنى تفاصيل و اسعار حاجات كتير مهمة هحتاجها.

الف شكر و جزاك الله خير