الموضوع: تقرير صيانة 10000 كم للاليزيه و اصلاح حادث بالتوكيل

قدر الله و ما شاء فعل اي حاجة بسيطة المهم انك بخير

أولاً الحمد لله على سلامتك ، ثانياً المهندس هشام من الناس الممتازين هناك و المهندس كريم برضه لو اتعاملت معاه راجل فى منتهى الذوق و بيفهم كويس قوى...بالنسبة للتيل أنا أعتقد ان تيل السى 4 موديلات 2004 - 2010 ممكن يركب عندك ، ده المفروض ان الأصلى منه أجود من بتاع الايليزيه و بيقعد من 20000 ل 25000 لواحد سواقته عادية يعنى شد متوسط مش كتير ، و لو واحد سواقته هادية خالص و مفيش شد تقريباً ممكن يكمل معاه 30000 كم

مبروك ياباشا

بس الفانوس بقى بـ 1600 وشوية وهو كان نازل بـ 1400 بالضريبة
الظاهر مفيش فايدة

المشاركة الأصلية كتبت بواسطة civilpharaoh

قدر الله و ما شاء فعل اي حاجة بسيطة المهم انك بخير

متشكر ليك يا باشا

المشاركة الأصلية كتبت بواسطة Hema_Basha

الف مبروك يا سمسم علي الصيانة عقبال المليون ان شاء الله

الله يبارك فيك يا هيما بنتعلم من مشاركاتك وصيانة المليون اكيد انت هتروح و تحكيلنا بقى انت سابقنا بكيلومترات كتير ما شاء الله

المشاركة الأصلية كتبت بواسطة Hema_Basha

برضوا زي البيجو يعني التيل ميقغدش اكتر من 12 او 13 الف كم او زي حالاتي ميكملش عشرة

ولاد عم ما انت عارف , ومعاكم فى الموضوع التيل الـ EBC ان شاء الله

المشاركة الأصلية كتبت بواسطة hamaka

أولاً الحمد لله على سلامتك ، ثانياً المهندس هشام من الناس الممتازين هناك و المهندس كريم برضه لو اتعاملت معاه راجل فى منتهى الذوق و بيفهم كويس قوى...بالنسبة للتيل أنا أعتقد ان تيل السى 4 موديلات 2004 - 2010 ممكن يركب عندك ، ده المفروض ان الأصلى منه أجود من بتاع الايليزيه و بيقعد من 20000 ل 25000 لواحد سواقته عادية يعنى شد متوسط مش كتير ، و لو واحد سواقته هادية خالص و مفيش شد تقريباً ممكن يكمل معاه 30000 كم

الله يسلمك يا باشا , لم يسعدنى الحظ بالتعامل مع المهندس كريم لسه , بس كويس انك طمنتنى

انا برضه كنت فكرت فى موضوع التيل ده و كنت متاكد ان فى تيل من هيركب عليها من اى من موديلات ستروين التانية زى ما تيل الـ 301 طلع هو بتاع الـ 207 و كنت بفكر فعلا افك التيل و انزل لاى حد بتاع قطع غيار فرنساوى اسال عليه , ان شاء الله هشوف موضوع تيل الـ c4 ده او الـ 207

حضرتك كنت بتجيب تيل الـ c4 بكام ؟ و ماركته ايه ؟ و هل فى منه مضروب ؟

المشاركة الأصلية كتبت بواسطة amrelsaqqa

مبروك ياباشا

بس الفانوس بقى بـ 1600 وشوية وهو كان نازل بـ 1400 بالضريبة
الظاهر مفيش فايدة

الله يبارك فيك يا عمرو

انا مهتمتش اعرف سعر اى حاجة عشان كنت معتمد على التوكيل , بس انا لما راجعت لستة الاسعار اللى عندى لقيتهم كاتبين فى اخر الورقة ان الاسعار طبقا لسعر العملة الحالى . و طبعا لو اتكلمت معاه هيكون الرد معروف ان الدولار و اليورو سعرهم زاد و باقى الكلام معروف

بس انا اللى استفذنى الصراحة مش سعر الفانوس انما سعر الكارتيرة , كتير اوى على حتة بلاستيك