ايهما افضل ميجان ٢٠٠٦ الي ٢٠٠٨ ولا ماذدا ٣ من ٢٠٠٦ الي ٢٠٠٨

**Alaa H Ghannam** · 25-05-2014 10:33 AM

ارجو الاستفاده من اراءكم انا عايز اشتري عربيه في حدود ٧٥٠٠٠ maximum و الان انا محتار بين رينو ميجان من ٢٠٠٦ال ٢٠٠٨ او ماذدا ٣ من ٢٠٠٦ الي ٢٠٠٨ ايضا انا كنت راكب في الاول mercedes benz c 180 2000 بس دا ايام العز هههه و بعدين لانوس و بعدين نيسان و دلوقتي بيرسونا معلش علي الاطاله بس من عشمي بقي انا قلت العربيات الي ركبتها عشان الساده اللي هيتكرمو بالرد يكون عندهم background شكرا مقدما لكل الي هيرد و اتمني تكوين صداقت مع الاعضاء شكراا

**khaled_rafea** · 25-05-2014 11:03 AM

الماذدا بال 75 حتبقى الفئة الأولى , انا شايف الماذدا اشيك فى الشكل من وجهة نظرى, العربيتين ممتازين, الميجان بال 75 ممكن تلاقى حاجة هاى لاين او بانوراما, اللى يفصل فى الموضوع الحالة, دور على حالة نضيفة فى حدود اللى معاك

**تامر.محمد** · 25-05-2014 11:19 AM

مبدئيا الميجان خليها phase2 , اللي هي الفيس ليفت
لو هانقارن بسرعة كده
التسارع : المازدا
الثبات : اظن المازدا لكن الميجان كويسة
المساحة الداخلية و الشنطة : الميجان اوسع بكتير
الفخامة الداخلية : الميجان اشيك بكتير
الشكل الخارجي : اذواق و بالنسبة لي الاتنين حلوين
الكماليات : مش عارف ايهما افضل , الميجان فئاتها فيها كماليات كويسة
الاعتمادية : الميجان مش ملكة الاعتمادية , لكن عموما phase2 معقولة , المازدا مش عارف
توافر قطع الغيار : الميجان متوفرة جدا , اصلي و استيراد و تجاري , المازدا اكيد اقل
اسعار قطع الغيار : لما كنت بافاضل بينهم ايام ما كنت باشتري لقيت ان الميجان ارخص بصورة ملحوظة
التكييف : بحكم ان المازدا ياباني فأكيد المازدا

الخلاصة في رأيي , اللي عايز عربية رياضية عليه و على المازدا , اللي عايز عربية عائلية و عملية عليه و على الميجان
ممكن حد يلاحظ اني منحاز للميجان في المقارنة دي , ده مش بحكم اني راكبها لكن بحكم اني عملت نفس المقارنة ايام ما كنت باشتري و بالنسبة لي فخامة التابلوه داخليا و توافر و اسعار قطع الغيار حسمت اختياري وقتها