استفساؤ عن نوبيرا 1

**msfmagdy** · 25-05-2014 02:26 PM

اية رأيكم فى نوبيرا 1 من حيث توافر قطع الغيرا واسعارها وهل هى احسن ولا نوبيرا 2

**moko_2004** · 25-05-2014 03:05 PM

بص يا صديقي
النوبيرا الون شكلا وثباتا احسن من التو
بالنسبة لتوفر قطع الغيار زي بعض عدا الصاج الخارجي و الفوانيس قليلين حبة بس موجودين اما بالنسبة للتو تلاقيهم عند البقال
بالنسبة للسرعة الون اسرع من التو سنة بسيطة جدا مع العلم ان الون موتور 1500 و التو 1600
لاعادة البيع لا التو اسهل في اعادة البيع لانك ممكن تبيع التو بأكتر من 45 الف الون مستحيل تعدى 40 الف لو فابريكة
للتطوير الون بتستجيب افضل في التطوير و تسقيط المواتير و تعديل الفرامل وخلافة وخصوصا الون البريميوم لانها متجهزة بسبويلر و فتحة سقف

**msfmagdy** · 25-05-2014 09:49 PM

طب انا معايا 37 ممكن الاقى حاجة حلوة ولا لا

**moko_2004** · 25-05-2014 11:03 PM

بالمبلغ دة تلاقى ون وحالتها معقولة جدا
مثلا الموتور ممتاز و العفشة و الدواخل فابريكة ورشة حزام او نظافة

**MOSTAFA . AHMED** · 26-05-2014 09:17 AM

النوبيرا 1 زي النوبيرا 2 بالضبط
ماعدا الشكل الخارجي بس حاجه النوبيرا 1 موجوده يعني مش نادره وعلى فكره رخيصة مش غاليه
انا شاري مرايا ب 100 جنيه وفانوس امامي ب 150 طبعا الاسعار ده استعمال خارج
وعلى فكره المكنه 1500 في النوبيرا 1 بطلع 110 حصان

**modyegypt** · 26-05-2014 10:22 AM

على فكرة نفس الابواب كمان
وبالنسبة للسعر اغلى من ال40 مش اقل
دا الاكسنت بيطلب فيها من غير بور37

**MOSTAFA . AHMED** · 26-05-2014 10:27 AM

نفس الابواب ومرايات النوبيرا 2 بتركب على النوبيرا 1 عادي

**zendo** · 26-05-2014 02:59 PM

هتقارن بين نوبيرا 1 كورى او استيراد بنوبيرا 2 مصرى يبقى كده بتظلم نوبيرا 2 انت تقارن بين الاتنين استيراد كورى او اوروبى او خليجى لو حطيتهم فى مقارنة يبقى النوبيرا 2 تكسب بمراحل لانها اخدى 150 نقطة زياده عن نوبيرا ا ده كلام المصنع مش كلامى بعنى احنا لو اتشقلبنا وقعدنا نبرر مينفعش نقول ان النوبيرا ا احسن ومفيش حد بيطلع للاسواء
اولا النوبيرا 2 نزلت علشان تعالج مشاكل نوبيرا 1 من شمكل خارجى فى الشنطة وثبات النوبيرا 2 احسن
ثانيا المشكلة الاهم وهى الفتيس فتيس النوبيرا 1 معيوب ونزل بة مشاكل ام بقى عمك الكورى وقف اصدارها سنة 98 وقالك لا احنا كده هنخسر وسمعتنا وكده فراح اخترع اختراع عجيب عربية اسمها نوبيرا 2 شكل احسن فى الشنطة والبودى اوبشن اعلى امكانيات كتيرة من تحكم فى الطارة وكاسيت وتكييف تاتش وعالجو المشكلة الاهم بقى وهى الفتيس يا معلم الفتيس فى النوبيرا 2 الاستيراد حاجة تانية فتيس كهربا يه منة نوعين بمقاس وبدون فية زراريت هولد وباور كده تحس انك راكب عربيات حديثة كده موديل الفينات والفتيس ده بدون مشاكل بس حط الزيت بتاعة صح وحافظ على صيانتة زى الكتالوج ما بيقول وطبعا بقى غير ان الصاج احسن فى الاستيرادتقريبا زى 1 مش هنختلف
ملحوظة انا بتكلم عن الاستيراد بمشتملتها بالنسية لنوبيرا 2 مش المصرى اللى ابتدى يتصنع من سنة 2004 النوبيرا 2 الاستيراد من سنة 99 -2003 وانا مستغرب من الناس اللى بتقول 1 احسن من 2 تعالى عندنا فى بورسعيد وانت هتعرف ان النوبيرا 1 اخده سمعة وحشة بسبب كثرة اعطالها من فتيس وحرارة وموتور بيجيب زيت انما 2 حاجة تانية واسئل مجرب ارجو اكون افادتكم

**Sherif Mandoor** · 26-05-2014 06:01 PM

المشاركة الأصلية كتبت بواسطة zendo

هتقارن بين نوبيرا 1 كورى او استيراد بنوبيرا 2 مصرى يبقى كده بتظلم نوبيرا 2 انت تقارن بين الاتنين استيراد كورى او اوروبى او خليجى لو حطيتهم فى مقارنة يبقى النوبيرا 2 تكسب بمراحل لانها اخدى 150 نقطة زياده عن نوبيرا ا ده كلام المصنع مش كلامى بعنى احنا لو اتشقلبنا وقعدنا نبرر مينفعش نقول ان النوبيرا ا احسن ومفيش حد بيطلع للاسواء
اولا النوبيرا 2 نزلت علشان تعالج مشاكل نوبيرا 1 من شمكل خارجى فى الشنطة وثبات النوبيرا 2 احسن
ثانيا المشكلة الاهم وهى الفتيس فتيس النوبيرا 1 معيوب ونزل بة مشاكل ام بقى عمك الكورى وقف اصدارها سنة 98 وقالك لا احنا كده هنخسر وسمعتنا وكده فراح اخترع اختراع عجيب عربية اسمها نوبيرا 2 شكل احسن فى الشنطة والبودى اوبشن اعلى امكانيات كتيرة من تحكم فى الطارة وكاسيت وتكييف تاتش وعالجو المشكلة الاهم بقى وهى الفتيس يا معلم الفتيس فى النوبيرا 2 الاستيراد حاجة تانية فتيس كهربا يه منة نوعين بمقاس وبدون فية زراريت هولد وباور كده تحس انك راكب عربيات حديثة كده موديل الفينات والفتيس ده بدون مشاكل بس حط الزيت بتاعة صح وحافظ على صيانتة زى الكتالوج ما بيقول وطبعا بقى غير ان الصاج احسن فى الاستيرادتقريبا زى 1 مش هنختلف
ملحوظة انا بتكلم عن الاستيراد بمشتملتها بالنسية لنوبيرا 2 مش المصرى اللى ابتدى يتصنع من سنة 2004 النوبيرا 2 الاستيراد من سنة 99 -2003 وانا مستغرب من الناس اللى بتقول 1 احسن من 2 تعالى عندنا فى بورسعيد وانت هتعرف ان النوبيرا 1 اخده سمعة وحشة بسبب كثرة اعطالها من فتيس وحرارة وموتور بيجيب زيت انما 2 حاجة تانية واسئل مجرب ارجو اكون افادتكم

يباشا مين قال ان موتور 1 بيجيب زيت الموتورين واحد الاستيراد وبعدين ال1 مفيهاش اعطال ولا مشاكل فى الفتيس المانيوال انما المشاكل فى الفتيس الكهربا اما النوع التاني من الفتيس المدفع مافهوش مشاكل اما بالنسبه للشكل النوبيرا 1 شكلها الامامى احسن من ال2 والعكس فى الشنطه ال2 اجمل
ام الصالون فى ال2 اشيك واجمل من سيارات حديثه

**zendo** · 27-05-2014 12:56 AM

المشاركة الأصلية كتبت بواسطة sherif mandoor

يباشا مين قال ان موتور 1 بيجيب زيت الموتورين واحد الاستيراد وبعدين ال1 مفيهاش اعطال ولا مشاكل فى الفتيس المانيوال انما المشاكل فى الفتيس الكهربا اما النوع التاني من الفتيس المدفع مافهوش مشاكل اما بالنسبه للشكل النوبيرا 1 شكلها الامامى احسن من ال2 والعكس فى الشنطه ال2 اجمل
ام الصالون فى ال2 اشيك واجمل من سيارات حديثه

انا بتكلم على الاوتوماتيك فى نوبيرا 1 فية مشاكل كتير الفتيس الكهربا احسن من الفتيس المدفع لانة بدون مشاكل ومعمر وانا عندى فتيس كهربا والعربية ماشية 188000 كيلو وعمرة ما زعلنى وعلى فكرة فيه اختلاف فى موتور نوبيرا 1 عن 2 فى وش السلندر لو جايه من المصنع بس الناس هنا بتعدل وبتركب بتاع 2 عادى وعلى فكرة الفتيس المدفع بياخد من 9-12 كيلو زيت فتيس الفتيس الاوتوماتيك فى نوبيرا 2 الاستراد هو احسن فتيس الفتيس الكهربا والواير مشاكلة كتير