الموضوع: هجيب عربية زيرو ومحتاج مساعدة من الخبراء

المشاركة الأصلية كتبت بواسطة elmoshaxs

السلام عليكم
اولا انا محتار خالص وناوى اجيب عربية زيرو ان شاء الله انا معنديش خبرة خالص فى العربيات ومحتاج مساعدة
1- اهم حاجة شاغلة بالى قطع الغيار اسعارها تكون مش غالية اوى وعلى فكرة مش هتعمد على التوكيل جامد علشان الاسعار اكيد هتكون اغلى من برا ؟ صح ؟
2- العربية مش ناوى ابعيها خالص يعنى هجيب عربية تفضل معايا اطول فترة ربنا يديكم الصحة
3- العربية تكون كويسة وجامدة ومتكونش خفيفة وساج العربية متين شوية
4- تكون واسعة من ورا

انواع العربيات هتكون

1- سانديرو ستيب واي 100,900 ج.م
2- تويوتا ياريس 123,900 ج.م
3- شيفورلية اوبترا 128,000 ج.م
4- jt لانسر 131,500 ج.م

على العموم اخر سعر خالص ليا هيكون لانسر 131 الف لو فى اى اقتراحات تانية فى السعر دا يبقى كويس ياريت من الناس الخبيرة تفيدينى فى عربية تفضل معايا علطول وتكون كويسة وتستحمل

اختياراتك مظبوطه وانا اديتلك الالوان علشان تشوف الانسب
طبعا هات اللانسر وانت مغمض لانها اعتماديه وموثوق فيها

ولو عايز تركب عربيه مريحه وصاجها جامد وتعيش معاك يبقى السانديرو بس التكنولجيا فيها عاليه وهتغلبك فى الصيانه شويه