عايز اسقط موتور لـلانشيا ديدرا

**M_OSMAN88** · 25-05-2014 05:04 PM

يا جماعة انا معايا لانشيا ديدرا 1600 وكنت عايز اسقط موتور لانشيا دلتا 2000 تيربو او موتور لانشيا ديدرا انتجرالى كامل بالعفشة الأمامية والخلفية( 835a8.000 .
بس السؤالى اللولبى هلاقيلة قطع غيار وسيرفس

**kaza** · 26-05-2014 12:25 AM

لقيتة فين وبكام انا عايز الموتور دة

**M_OSMAN88** · 27-05-2014 02:34 PM

المشاركة الأصلية كتبت بواسطة kaza

لقيتة فين وبكام انا عايز الموتور دة

لسة ملقتوش بس بسأل ناس علية ممكن يكون صادف حد من الأعضاء وشافة فى مكان بس لو ملقتوش هدور على الـ 2000 تيربو العادى بتاعها او بتاع التيمبرا علشان تكلفة تركيب تيربو بتعدى تمن الموتور نفسة

**khaled_k21** · 27-05-2014 02:53 PM

استاذنا / أ محمد

ممكن اعرف ليه تكلفه تركيب الموتور التربو اعلي من سعر الموتور ؟

جزاك الله كل خير

**besso33** · 28-05-2014 12:00 AM

وماله بس موتور الديدرا؟؟ العربية بموتورها كويسة جدا

**M_OSMAN88** · 02-06-2014 06:18 PM

بالنسبة لسؤال الأستاذ خالد تكلفة تركيب التيربو اعلى من تكلفة تركيب موتور كامل بمشتملاتة لان التيربو بيركب بالأكسسوار بتاعة وبيبقى فية تعديل فى مانيفولد العادم وممكن يتطلب تصنيع ماانيفولد استانليس ستيل لو هيركب التيربو على بوسط عالى اكتر من 1 بار وتعديل فى الرشاشات الرشاشات أكبر وغير الوقت .
اما بالنسبة لتسقيط موتور تيربو هيبقى تفك القديم وتركب الجديد مش هتعدل فى الموتور نفسة

**M_OSMAN88** · 02-06-2014 06:23 PM

المشاركة الأصلية كتبت بواسطة besso33

وماله بس موتور الديدرا؟؟ العربية بموتورها كويسة جدا

بأمانة الموتور اللى معايا مش مزعلنى خالص بالعكس عامل معايا الجلاشة (الصح) بس بدور على تسارع اعلى مش سرعة أعلى.
بس لسة بعمل دراسة جدوى علشان مبدئية علشان المفروض الموتور دة يركب بعفشتة علشان الطنابير مختلفة والفرامل الخلفية لـ 2000 cc سكاكسين مش طنابير وغير كدة فية حجات تانية فى حوض العربية هيتغير مكانة زى قربة المياة والمساحات وصلات التكيف

**khaled_k21** · 03-06-2014 01:03 AM

شكرا استاذ محمد علي التوضيح
ان عارف ان حضرتك نفسك في تسارع اعلي لكن هل تكلفه تسقيط الموتور و التعديلات الخطيره دي اللي اعتقد انها محتاجه صنايعيه محترفه مش فك و تركيب زي اغلبهم مع احترامي الكامل للجميع بالاضافه للوقت و نسب المخاطرة في النجاح هل كل دا يساوي الحصول علي نسبه تسارع اعلي
ارجو ان تتقبل راي هي فعلا مخاطرة كبيره جدا لانك ممكن تبوظ العربيه بسبب اخطاء الاخرين اللي ربنا يكفيك شرها

عموما ربنا يباركلك و يسهلك الامور و يديك اللي انت عايزة

و اشكرك علي سعه صدرك و تقبل راي

اخيك
خالد

**M_OSMAN88** · 03-06-2014 05:37 PM

المشاركة الأصلية كتبت بواسطة khaled_k21

شكرا استاذ محمد علي التوضيح
ان عارف ان حضرتك نفسك في تسارع اعلي لكن هل تكلفه تسقيط الموتور و التعديلات الخطيره دي اللي اعتقد انها محتاجه صنايعيه محترفه مش فك و تركيب زي اغلبهم مع احترامي الكامل للجميع بالاضافه للوقت و نسب المخاطرة في النجاح هل كل دا يساوي الحصول علي نسبه تسارع اعلي
ارجو ان تتقبل راي هي فعلا مخاطرة كبيره جدا لانك ممكن تبوظ العربيه بسبب اخطاء الاخرين اللي ربنا يكفيك شرها

عموما ربنا يباركلك و يسهلك الامور و يديك اللي انت عايزة

و اشكرك علي سعه صدرك و تقبل راي

اخيك
خالد

بص يا خالد حتة ان الموضوع فية مخاطرة وتعديل والكلام دة كلة بالنسبة لى الموضوع سهل جدا بالمقارنة بطبيعة عملى فى الشغل كمهندس. لما بروح للصنايعى اقلة اعملى كذا مش يبص على العربية وممكن يفتى ببقى عارف المشكلة اية قبل ما اروحلة ودة مبيحصلش الا مع بتاع العفشة بس اى حاجة تانية فى العربيةانا اللى بعملها بأيدى الموضوع بس عايز عدة ومكان تشتغل فية

**khaled_k21** · 03-06-2014 11:01 PM

ما شاء الله يا باشا

و الله الكلام اللي بتقوله كله مظبوط
احيانا انا باحاول افهم حاجات في العربيه و دي جايه منين و رايحه فين و لازمتها ايه
كله بيديني خبرة طبعا و زي ما سعادتك بتقول هو الموضوع بس عده و مكان و وقت

غير كده الواحد لو عنده كل دا يفك العربيه حته حته و يفهمها زي ما بيرتب دولاب هدومه او درج مكتبه
هايبقي حافظ كل حته فيها و ايه شعلها لانها في الاخر اي عربيه حتي الحديث علي الاخر

بني ادم اللي صممها عنده عقل زي اللي عندنا بس عايزة تفتيح دماغ و ابقي اسطي ميكا كهرو عفشجي
مممتاز

و الا ايه رايك ؟؟