عملت مفتاح سبير و صلحت الكونتاكت .تجربه للافاده

**m7nsh** · 26-05-2014 12:13 AM

السلام عليكم ياشباب .. يا رب تكونو بصحه وبخير ..

امبارح رحت لواحد بتاع مفاتيح اعمل مفتاح للفيكترا 97 بتاعتى ( معايا مفتاح واحد بس و طبعا حاجه رخمه جدا ) قالى هاعمله ب 100 قلتله توكل على الله ( الراجل دا فى الحى العاشر مدينه نصر اسمه محمد مختار .. كان فى واحد فى التامن جمب المنهل قالى 150 قبل كدا ونفضتله ) المهم قعد يشتغل و طلعه تمام بالفحمه.. وكان فى مشكله عندى ان المفتاح بيخرج من الكونتاكت و العربيه دايره او على وضع acc ظبط الريش برده عشان المشكله دى و كان فى حاجه كمان قابلتنى فى اخر شهر حوالى مرتين وهى انى اجى ادور العربيه المفتاح مش راضى يدخل فى الكونتاكت اصلا كانك عامل لوك للدركسيون ..حد عنده فكره عن المشكله دى ؟ ..هو قالى انه ظبط الحكايه دى برده خلاص ,, و خد 20 جند زياده ع التظابيط دى ,,

مستنى اراءكم وتعليقاتكم ..

**loda80** · 26-05-2014 12:57 AM

ازيك يا محمد عامل اية الف مبروك فعلا الاسبير دا مهم جدا وبذات لا قدر الله اذا ضاع اللى معاك اما بقى المشكلة اللى عندك فانا متابع معاك ومستنيين رأى الخبراء

**o0Hanafi0o** · 26-05-2014 06:50 AM

متعفرش لو حبيت عمل سبير بريموت ممكن يتكلف كام ؟؟ والى معاك امبوليزر ولا عادى ؟؟

**amr elsisi** · 26-05-2014 08:08 AM

مبروك عليك

**haisam ali** · 26-05-2014 07:41 PM

المشاركة الأصلية كتبت بواسطة m7nsh

العربيه فيها ايموبيليزر .. ومعنديش فكره للاسف يتكلف كام سبير بريموت ..

الف مبروك ياستاذ محمد ..... وبعدين انت بقالك بتاع شهر مش باين كل ده بتصلح الكونتاك ...!!!! هههههههه ياراجل فعلا بقلق انتوا بتروحوا فين ..... برضه أستاذ محمود maam مش بشوفه من زمان ..... أبقوا خشوا اثبتوا حاله بس انما كده ماينفعش خاااااالص

**A.Sattar** · 27-05-2014 09:19 AM

مبروك يا باشا وإنشاء الله متحتاجهوش
100 جنيه حلو اوي بيتهيئلي
ممكن رقم تليفونه او عنوانه بالتفصيل عشان عايز اعمل سبير انا كمان
بس هو عملك المفتاح بالفحمة بالبرمجة بكل حاجة صح؟؟؟؟