الموضوع: ما لا تعرفه عن بريليناس v5

من خلال فترة بحثي عن العربية الي اشتريها ، كان البريليناس v5 احد الموديلات المرشحة بقوة خاصة ان بدور على عربية سعرها لا يتجاوز ١٦٠ الف جنيه ، تكون مرتفعة عن الارض سواء كانت 4x4 or MPV

بدون مقدمات ، دي المعلومات الي وصلتلها :
- العربية فيها موتور ميتسوبيشي مايفك ... دي مش معلومة كاملة
المعلومة الكاملة ان الموتور تصتنيع بريليانس بترخيص من ميتسوبيشي

- خلال فترة بحثي ، كنت كل ما ادور قلائيني بيطلع نتائج البحث كلها حاجات مصرية ، حتى لما بيدور بالانجليزي ... وكنت مستغرب هي ليه العربية مش بتتباع في امريكا او اوروبا ... هي اينعم اكيد مش بالكفاءة اللازمة مقارنة بالعربيات الاوروبي و الكوري و الياباني ... بس ما الداستر موجودة في اوروبا وبتتباع ومعمول ليها ريفيوز كتير ...
بعد بحث ، السبب ان بريليانس خدت نجمة واحده من خمس نجوم في اختبارات السلامة الاوروبية
دا كان سبب كفيل انها تبيع في اوروبا كلها اقل من ٧٠٠ عربية ، و توقف تصديرها للسوق الاوروبي من ٢٠١٠ لانهم معندهمش خطط ولا الرعبة انهم يحسنوا معامل الامان في العربية

- الفتيس في العربية حتى الان مش قادر اوصل لمعلومة مؤكدة فيه ، التوكيل مرة قالي متسوبيشي و مرة قالي بتاع هيونداي سوناتا ... انا مش قادر انفي ولا أأكد المعلومة ، نزلت شارع دمشق اسأل محلات قطع الغيار :
- اولا محلات قطع الغيار قليلة مقارنة بالكوري و الياباني ... حوالي خمس محلات في الشارع
- ثانيا : محدش عنده فكره عن العربية نهائي ... وسبب رئيسي ان اقدم عربية في السوق لسه مخلصة ٣ سنين ضمان بتوعها ، وبالتالي محدش كان بيروحلهم اصلا


- الموتور نوعه MIVEK 4A92
Mitsubishi 4A9 engine - Wikipedia, the free encyclopedia

ومن ضمن المعلومات الغلط انه اتقال ان دا نفس موتور ميتسوبيشي جالانت ... الموتور دا ركب طبقا للموقع :
2004 Mitsubishi Colt
2007 Mitsubishi Lancer
2004-2006 Smart Forfour
2011 Haima 2
2011 Brilliance fav


- العقشة بتاعت العربية التوكيل قالي انه عفشة تصميم ألماني ، وتصنيع بريليانس ، دي معلومة مش قادر أأكدها او انفيها حتى الان


اكتر سبب مخلي الموضوع مجهول ، هو ان الشركات الصينية في الدرجة الاولي بتغطي احتياجات السوق الصيني في الاساس ، والتصدير بالنسبة ليها شيء ثانوي ، لاحظ انك بتتكلم عن سوق قوامه اكتر من مليار بني أدم

وبالتالي ، موقع الشركة حتى نفسه مش عارف اوصله ، النسخة الانجليزي مش شغالة ، مش عارف اذا كان فيه نسخة بلغة تانية ولا لأ حتى لو صيني

- بيتقال ان العربية خط انتجاها هو نفس خط انتاج بي ام دبليو اكس١ ، ودا الي حد ما ممكن يطلع صحيح
خاصة ان الشركة بتنتج الموديل دا في الصين ، وغالبا حتستغل خط الانتاج لتصنيع عربياتها ايضا ... بس خلي بالك من حاجات مهم ان العربية مش في الاساس خط انتاج ... الاهم الخامات المستخدمة في صناعتها ، والتكنولوجيا ، خط الانتاج غير مؤثر بالدرجة الاولي في كفاءة العربية
الي ممكن يفرق هو جودة العامل الي حيقفل العربية

--------------------------------------------------
كل الكلام الي فوق دا مش معناه ان العربية وحشة أو حلوة

في ناس اشترت العربية بالفعل و بتشكر فيها ، ودول كانوا السبب الي خلاني افكر فيها من البداية

انا بس قررت ان اشارككم المعلومات الي جمعتها عشان اكمل بقية الصورة للي بيفكر يشتريها مع التأكيد ان ٧٠٪ من التقييم هو تقييم استخدام العربية

اسمح لي اضيف للمعلومات دي
- برليانس اوتو تعتبر بمقايس السوق الصينيه شركه صغيره هي تقريبا تاسع اكبر مصنع عربيات في الصين مبيعاتها في الصين كانت تقريبا 750 الف عربيه العام الماضي منهم تقريبا 350 الف عربيه BMW
- الشركه مملوكه لمجموعه اسمها chuahin holding بحسب الكلام الرسمي للمجموعه دي ان معندمهش اي نيه سابقا او في المستقبل القريب للبيع خارج الصين بشكل مباشر بمعني لو وكيل عايز العربيه يشتريها و يدخلها السوق بتاعه علي حسابه.
- العربيه دخلت اختبارات التصادم في اوروبا عن طريق مستورد في اوروبا وفشلت فيه تماما بعدها الشركه ادخلت بعض التحسينات في الامان وده رفع سعر العربيه و هو نفس السبب اللي منع و المستورد ليها في اوروبا من ادخالها مره تانيه اختبارات التصادم لأنه هيكون علي حسابه - تقريبا لازم علي الاقل سبع عربيات من كل موديل تدخل الاختبار- ورفض برليانس انها تخفض سعرها للمستورد-الكلام من نفس الurl اللي انت ضايفه :)- كان عامل لوقف الاستيراد بالاضافه ان المستورد الاوروبي نفسه افلس في 2010.
- الشركه في الصين هي المصنع لمواتير ال BMW و الميكروباصت اللي بتصنعها و من العام القادم هتستغني عن مواتير الميتسوبيشي في البرليانس باخري من تصنعها اما انها هي المصنع للمواتير المتسوبيشي المستخدمه حاليا بترخيص منهم مش عارف ايه دقه العلومه دي.
- اختبارات الامان اللي انا شوفتها اللي بتواريخ بعد 2009 كلها معموله في الصين بواسطه c-ncap بالمناسبه ملوش اي علاقه ب Europe ncap و لا اعتقد انه دقيق.