اشترى 127 توب ايطالى موديل 77 ولا لأ

**Hossam_Hemaia** · 26-05-2014 04:40 PM

السلام عليكم ورحمة الله وبركاته،،
انا يا جماعه لسه عضو جديد فى المنتدى واتمنى ان اهل الخبره هنا يساعدونى ... انا معروض عليا عربيه فيات 127 توب ايطالى موديل 77 انا رحت شوفتها وخدت معايا صنايعى معرفه قالى ان الميكانيكا بتاعتها كويسه بس محتاجه شغل سمكره مرمات فى الحوض وعند الدواسات وشويه فى الشنطه .. بس قالى الشاسيه بتاعها سليم ... دلوقتى انا محتار هل اشترى العربيه دى كبدايه ليا خاصة ان سعرها 4750 وقالى هتصرف عليها 2000 يظبطولك العربيه وانا اول مره اشترى عربيات وبصراحه فضلت اجيب حاجه بسعر قليل علشان اتعلم فيها.
الحاجه التانية المهمه جدا بالنسبالى هل قطع غيار العربيه دى متوفره ولا لأ ... وهل ممكن يتسقط فيها موتور عربيه 127 احدث ياريت تفيدونى ضرورى جدا وربنا يبارك فيكم.

**shiko85** · 26-05-2014 05:08 PM

المشاركة الأصلية كتبت بواسطة Hossam_Hemaia

السلام عليكم ورحمة الله وبركاته،،
وعليكم السلام ورحمة الله وبركاته
انا يا جماعه لسه عضو جديد فى المنتدى واتمنى ان اهل الخبره هنا يساعدونى ...
اهلا بك فالمنتدى
انا معروض عليا عربيه فيات 127 توب ايطالى موديل 77 بس محتاجه شغل سمكره مرمات فى الحوض وعند الدواسات وشويه فى الشنطه .. سعرها 4750 و هتصرف 2000
انا اول مره اشترى عربيات وبصراحه فضلت اجيب حاجه بسعر قليل علشان اتعلم فيها.
طيب ايه البديل ؟؟ يعنى لو مش هتشترى العربيه دى هل عندك بديل تانى ؟ اقصد معاك فلوس تقدر تشترى بيها عربيه تانيه ؟ ولا لأ
لو لأ يبقى توكل على الله و اشتريها لو معاك فلوس تانيه تقدر تجيب عربيه احسن على الأقل موديل احدث يبقى اشترى التانيه و انسى دى خالص
الحاجه التانية المهمه جدا بالنسبالى هل قطع غيار العربيه دى متوفره ولا لأ ... وهل ممكن يتسقط فيها موتور عربيه 127 احدث ياريت تفيدونى ضرورى جدا وربنا يبارك فيكم.
للأسف انا معنديش اجابه بس اكيد الأعضاء تقدر ترد على حضرتك

**rotanamasoud** · 26-05-2014 05:35 PM

ركبتها من زمان ايام ما كانت بتوصل ل20 الف
السعر لو خلصت على 4500 ده الحاجه الوحيده اللى تخلينى اقولك اشتريها
هى عربيات مش عمليه وبتفتح مصروف بالامانه شهرتها اللى بتبيعها
اكتر حاجه مش عمليه فيها العفشه لو بتسافر بتتربط كل 1000 كيلو ولو سبتها تحس ان العربيه بتشخلل من تحت
المحرك الحديث اللى يركب عليها هو محرك الاونو حيعفرتها ويجريها ال1000 سى سى
يعنى لو 4500 سعرها و1500 سمكره وبويه و1000 اى شغل فاضل تبقى واقفه عليك ب7 ممكن تكون صفقه جيده مقابل السعر

**Hossam_Hemaia** · 26-05-2014 05:37 PM

اشكرك يا اخى على اهتمامك وردك عليا بس انا للاسف ده المبلغ اللى معايا اقدر ادفعه .. انا بس عاوز اعرف هل الموديلات القديمة دى مبقالهاش قطع غيار متوفره ولا ليها ارجو الرد من اعضاء المنتدى بارك الله فيكم

**Hossam_Hemaia** · 26-05-2014 05:40 PM

اشكرك يا اخ rotanamasoud على اهتمامك بس السؤال اللى مش لاقيله جواب لحد دلوقتى هل قطع غيارها متوفره ولا هتتعبنى علشان اجيبلها قطع غيار ؟؟.. انا جايبها بغرض انى اتعلم عليها بدل ما اجيب حاجه اغلى وابوظها.. وبشكر كل اعضاء المنتدى على اهتمامهم

**shiko85** · 26-05-2014 05:54 PM

المشاركة الأصلية كتبت بواسطة hossam_hemaia

اشكرك يا اخى على اهتمامك وردك عليا بس انا للاسف ده المبلغ اللى معايا اقدر ادفعه ..

ربنا يكرمك و يرزقك من وسع ان شاء الله

**Hossam_Hemaia** · 26-05-2014 06:14 PM

اشكرك يا اخ SHiko وربنا يوسع عليك وعلينا
بالنسبه لمشاركه الاخ rotanamasoud فا انا مش هسافر بيها غير على فترات واكيد قبل ما اسافر هشيك عليها
الحاجه التانيه بالنسبه للمصاريف بتاعتها بتبقى فى حدود قد ايه بافتراض انى محافظ على العربيه ومبهلكهاش بالنسبه لقطع الغيار متوفره خاصة العفشه..؟! اانا اسف انى بكرر السؤال ده لان لو قطع غيارها هتتعبنى على ما اجيبها يبقا بناقص منها خالص.

**rotanamasoud** · 26-05-2014 07:01 PM

والله كانت كل حاجتها موجوده ايام ما اشتريتها واعتقد لحد دلوقت عموما تنزل نزله للمكان اللى فيه بتوع قطع الغيار لمنطقتك وتسئل مش حتخسر حاجه

**Hossam_Hemaia** · 26-05-2014 07:25 PM

rotanamasoud تسلم يا اخى على النصيحه واشكرك جدا ودى فعلا فكره كويسه انى اسأل فى اقرب مكان ليا والاماكن القريبة منى كتير فى الحرفيين وعين شمس وعزبة شلبى
عموما انا هتوكل على الله واشتريها واشدها بالفين ولا الفين ونص واهى تقعد معايا شوية اتعلم عليها وربنا المستعان.

**amr khater** · 26-05-2014 07:26 PM

قطع غيار الميكنيكا موجوده ورخيصه ومشتركه في حجات كتير مع ١٢٧ العاديه انما الفوانيس والاكسسوار عموما نادر شويه سواء جديد او استيراد

الموضوع: اشترى 127 توب ايطالى موديل 77 ولا لأ

LinkBack

أدوات الموضوع

عرض

-

-

-

-

المواضيع المتشابهه

هو الجنط مومو ايطالى ايطالى وله ايطالى صينى :)

127 ايطالى موديل 73

127 ايطالى موديل 72 للبيع

بيع فسبا ايطالى موديل 81

للبيع سياره 128 موديل 75 ايطالى

الكلمات الدلالية لهذا الموضوع

المفضلات

المفضلات

ضوابط المشاركة