دسك واسطوانه ده ولا ايه؟ - جولف 4

**windows9x** · 28-05-2014 01:49 PM

انا عندى العربيه لما بجيب أول وبشيل رجلى من على الدبرياج واكبس بنزين سنه سنه تبدأ تتحرك بس المشكله ان الحركه مش سلسه، يعنى فيها نطات (مش محسوسه اوى، يعنى مش نطات حد مبيعرفش يسوق) .. زى متقول كده رجه وتظبط طول لما اكبس بنزين

لما اجى اغير من الاول للتانى او من التانى للتالت بحاول اشيل رجلى من على الدبرياج براحه وواحده واحده علشان برضه ساعات بتنتش ..العربيه بقى على السلانسيه مش متلته، يعنى لو كبست بنزين، الموتور سلس فى زعيقه

انا شكيت فى الديسك والاسطوانه، وخاصة ان عندى الدبرياج تقيل شويه، بس عزم العربيه كويس فى المطالع

فا عندى شك ان الديسك يكون معووج مثلا؟ او مفتول او التيل ممسوح من حتت وحتت لأ؟

ممكن؟

**mando2002m** · 29-05-2014 08:08 PM

شيك على قواعد الماتور

**windows9x** · 31-05-2014 10:03 PM

هى دى ممكن تكون قواعد موتور؟ اصل انا سألت حاسس انها لو قواعد هحس بترزيع ومخمضه فى العربيه وهى واقفه من غير تعشيق

**windows9x** · 20-04-2015 11:27 PM

انا الدبرياش عندى نزل فى الدواسه ومطلعش تانى، طلعته بايدى كده طلع بس وقف و حجر ومش عارف اجيب نقلات

نزلت بصيت على التيوب بتاع الدبرياج والزيت لقيته سلبم

بصيت على ماستر الدبرياج اللى فى الدواسه سليم

ف اعتقد ممكن يكون حاجه فى الماستر اللى ناحية الفتيس، هنا بقى الميكانيكى لازم يحل الفتيس عن الموتور عشان يعرف المشكله؟

وسؤال تانى .. عايز اجيب طقم ديسك واسطوانه كويسين مش هاقول اصلى عشان كل اللى فى السوق مضروب .. اجيب منبن؟ ومحدش يقولى الشهابى علشان معندوش

**محسن نور** · 26-04-2015 05:22 PM

بص لو الدسك بايظ كدة من الاخر هتلاقى الدبرياخ تحت رجلك بيخف و يتقل حلوو لو اسطوانة بايظة هتلاقى و انتا بتزود بنزين عداد ال ار بى ام بيزيد و العربية مش بتسحب حلو يبقى كدة طقم دبرياج

اما الدبرياج سقط و انتا رفعته بايدك دة ماستر هرب و محتاج يتغير

و نصيحه منى دخل العربية على الجهاز و شوف مسجله حساس شكمان ولا لا لو مسجله غيرة لان اعراضة زى طقم الدبرياج و يخنق العربية و يفتحا و شوية العربية مخنوقه و شوية تلاقيها زى العفريت فى الجري

اما لو طقم دبرياج اسال على الهاشمية فى العباسية عندهم الطقم الاصلى