الموضوع: بشرة خير

بشري كويسة
واحد كاتب الكلام ده علي الفيس جروب peugeot 301 fans
"
السلام عليكم اعضاء الجروب الاعزاء. انا لسه حالا راجع من توكيل مرغم علشان كان عندى شوية مشاكل فى العربية بخصوص ضعف اداء الفرامل مع تشغيل التكييف [المشكلة الغريبة]و مشكلة misfire و تصفير التيل مع الفرملة و غطاء وحدة الكونترول و نتشة مع تاخير استجابة الفتيس .العربية هاىلاين عاملة 6300 كيلو و ابلغتهم بالمشاكل دى مسبقا قبل ما اروح لهم و بصراحة كنت مضايق جدا لما كلمتهم , المهم رحت الساعة 2 ظهرا اليوم و قابلنى مهندس هناك اسمه احمد طوبار و هو شخص مهذب جدا سمع كل المشاكل بالتفصيل و بدا بعدها مباشرة يشتغل فى العربية و بعد حوالى 40 دقيقة بالضبط قالى اتفضل استلم العربية . قلت معقولة خلاص كده العربية خلصت طب كان فيها ايه . قاللى مشكلة العربية دى الاساسية ان فيها كونترول واحد بس و دا اللى عامل مشكلة الفرامل مع التكييف بالاضافة ان السوفت وير اللى عندى ماتغيرش و هو سوفت وير خاص ب البلاد الباردة و هو مش مناسب لمصر و غير السوفت وير للبلاد الحارة ودا بيسبب ان الكونترول الوحيد اللى فى العربية علشان يحافظ على ضغط الفريون بيقلل اداء الفرامل و السوفت وير دا نفسه هو سبب تاخير استجابة الفتيس و دا مش عيب فى الفتيس و قاللى معلومة جديدة و اول مرة اعرفها ان الفتيس الاوتوماتيك بتاع العربية Al4دا فتيس يابانى متجمع فى فرنسا و بالنسبة لمشكلة الmisfire قاللى دى مشكلة بنزين و المروحة بتشتغل على اقصى سرعة لان فييه بستم بيكون واصل ليه شوائب و بيسخن جدا و المروحة بتشتغل علشان تبرده و الحل لمنع تكراره هو تفويل التنك بنزين 95 مرة واحدة كل 6 شهور او وضع بوستر {محسن اداء الوقود} مرة كل 6 شهور و هو موجود بالتوكيل ب 200 جنيه و خارج التوكيل ب 30 جنيه بس ما يضمنوش و بالنسبة لمشكلة التيل كشف عليو و لاقاه تمام و حط علييه اسبراي لونه احمر بيمنع تاكله و قاللى يمشيك حوالى 10000 كيلو تانى على الاقل مع اعترافه بسوء خامة التيل و قال ان بنهاية السنة دى مشكلة التيل حتتحل لكن الاسبراى دا بيقلل استهلاك التيل و بالنسبة لغطاء الكونترول قال لى دا تبع الضمان و السبوع الجاى بالكتير حيتوفر عنده و التركيب مجانا و قاللى ابقى تابعنى بالتليفون .............المهم بعد كده سالته كم الحساب قاللى مفيش حساب انت تبع الضمان بصراحة انا مشيت من عنده راضى جدا جدا عن اداء التوكيل و فعلا العربية فرقتجامد فى السحب و مفيش تصفير و اداء الفرامل اتغير تماما و فعلا توكيل مرغم لحد دلوقت يعتبر توكيل كويس و انا حبيت انقل تجربتى لكم و اسف على الاطالة "

وهي فعلا بشرة خير