الموضوع: رائيكم فى معرض محمد زكى

السلام عليكم
انا كنت جبت العربيه بتاعتى منهم لوجان 2010 وبتعامل معاهم لغايت دلوقتى ﻻنهم بيجددولى التامين ناس محترمه بصراحه و ربنا يباركلك فى العربيه ان شاء الله

المشاركة الأصلية كتبت بواسطة zkralla

تعاملت معاهم فى شراء عربيتى اللوجان
محترمين
لما طلبوا منى مبلغ حجز سنة 2009 سألت نفسك سؤالك فى المنتدى هنا وكانت الإجابة أنهم ناس محترمة وأنى مخفش ,, وقد كان

تمام يا باشا الله يباركلك
طيب دفعت مبلغ الحجز كام واستلمت فى قد ايه ؟؟

المشاركة الأصلية كتبت بواسطة amintaha

السلام عليكم
انا كنت جبت العربيه بتاعتى منهم لوجان 2010 وبتعامل معاهم لغايت دلوقتى ﻻنهم بيجددولى التامين ناس محترمه بصراحه و ربنا يباركلك فى العربيه ان شاء الله

وعليكم السلام
اللهم امين ويباركلك يارب
تسلم يا باشا علي الافادة

المشاركة الأصلية كتبت بواسطة egyzizo

أنا برضه اشتريت منهم فى 2009 بالسعر الرسمى وبمقدم 10000 جنيه ، والعربية جاءت بعدها بأسبوعين فى وقت كانت قائمة الانتظار فى التوكيل 3 شهور.

تمام يا باشا الله يباركلك
هو كان قايلك اسبوعين وتستلم ولا قالك اسبوع وتستلم يعني هو جد فى كلامه ولا بيغير كل شوية زي معارض كتير

انا من اسكندرية واشتريت في سبتمبر 2009 كانت موديل 2010 كلمته وروحت حجزت ب الف جنيه يوم السبت
يوم التلات اتصل بيا اني اروح استلم الاربع روحت الاربع دفعت باقي المبلغ وكان بالسعر الرسمي للتوكيل وكان 66900 للفول اوبشنز ... التوكيل ايامها قالي 3 شهور علي الاستلام وكان الوحيد اللي متوفر عنده اللون النبيتي عشان اول العربية لما نزلت اللون النبيتي ده كان قليل جدا جدا جدا

المشاركة الأصلية كتبت بواسطة raklove

السلام عليكم

ايه رائيكم فى معرض محمد زكى بصراحة وامانه

ياريت اي حد جربه او اشترى منه يقولى رائية بصراحه

السؤال ده ممكن يخليني اتوقف
ده اسوأ معرض شفته في حياتي حراميه وزنانين اولا اشتريت من عندهم في 9 اللي فات مبدايا العربيه ناقصه المثلث والدواسات واغطية صواميل العجل انا كنت عارف ان العربيه بينزل معاها دواسات بس مكنتش اعرف الباقي سالتهم قاللي هجيبهالك جابهم وركبهم بعد اسبوع اخدت بالي انهم مش مظبطوين ببص عليهم لاقيتهم بتوع الباسات مش للجولف.......وطبعا ضربو على المثلث والاغطية....
ثانيا لما كلمتهم اول مرة باسالهم العربيه موجوده ولا لا قاللي اه موجوده رحت شفت العربيه وقلتلو هتديني تلات ايام اجيبلك الفلوس وادي 5 الآف للجديه تاني يوم الى طول زن زن امتى هتيجي تاخدها ايه ده منا قايلك خلاص انا هاخدها اكيد اديني تلات ايام يقولي اصلي في حد عايزها قلتلو ياباشا مش انا اتفقت معاك ومديك 5 الآف يقولي ماشي خلاص عشان خاطرك بس تاني يوم ها ايه ياباشا مش هتيجي تستلم حاجه اخر سفاله يلا انا مش مسامح في الدواسات ولا المثلث ولا اي حاجه ضحكو فيها عليا...