أسعار صيانة الـ 20000 كم لستروين سي إليزيه

**WASA_74** · 29-05-2014 03:35 PM

انا كنت بالأمس في المصرية الأوروبيه لصيانة السيارات وهو مركز خدمه معتمد من عز العرب لسيارات ستروين ومقره بجوار الموقف الجديد في الإسكندريه وقمت بعمل صيانة الـ 20000 كم وكانت الأسعار كالأتي:-

1- تغيير زيت موتور 10000 كم السعر 340 جنيه
2- مياه مساحات السعر 25 جنيه
3- فلتر زيت السعر 66 جنيه
4- فلتر تكييف السعر 136 جنيه
5- فلتر هواء السعر 68 جنيه
6- تيل فرامل أمامي السعر 700 جنيه !!!؟
7- مصنعيات 187 جنيه
كل ده بخلاف ضريبة المبيعات 10%

طبعا" الأسعار دي غير الأسعار إللي كانت معلنه في الدعاية بتاعة العربيه , والحجه دايما" سعر الدولار

هذا بالإضافة إلى أن مهندس الصيانة أخبرني بأن الطنابير محتاجه تتغير ( بسعر 1007 جنيه + الضريبه ) أو تتظبط على المخرطه ( بتكلغة 330 جنيه ) فقمت بتظبيطه على المخرطه.

إيه رأيكم في الأسعار دي؟

**the lawyer** · 29-05-2014 07:26 PM

انا معايا لوجان مانيوال وهي اقل طبعا من الاليزيه ودي اسعار بعض قطع غيار اللوجان :-
فلتر هوا 115 جنيه
فلتر زيت 60 جنيه
تيل فرامل امامي حوالي 475 جنيه
فلتر تكييف 120 جنيه .

نصيحة هات الزيت من برا وحتوفر 40 جنيه علي الأقل هات فالفولين أو ليكوي مولي 5w40

**islam.3bada** · 31-05-2014 04:51 PM

المصنعيات اقل بكـتــــــــييييييييييييي يييير من التوكيل بس القطع اغلى من سعرها فى التوكيل , انت بتقول الاسعار دى قبل الضريبة
انا فى اخر صيانة كان الزيت بـ 320 قبل الضريبة و الفلتر بـ 49 قبل الضريبة

انا رأى تكلم التوكيل و تعمل شكوى من زيادة اسعار القطع فى المصرية الاوروبية

**tameem2010** · 31-05-2014 05:02 PM

زيت ب 340 ليه ؟
الزيت سعره 300 جنيه موبيل وشيل وتوتال بنفس السعر
والطنابير باظت ازاي على 20 الف كم والتيل اللى راكب اصلي !!
ازاي يعنى
والمصنعيات رخيصة جدااااااااااااااااا

**hemaah48** · 01-06-2014 12:22 AM

خرط ايه انت فى توكيل ولا ورشه انا معايا c4 بيكاسوا وكان لى معاهم اكثر من مشكله وفى الاخر ذهبت الى توكيل القاهره توكيل القاهره حماده تانى خالص مفيش مقارنه .....
بص السى اليزيه هى هى ميكانيكا السى 4 الشكل القديم يعنى خد عندك تيل فرامل امامى وخلفى لا يتعدى ال350 جنيه يعنى من الاخر العربيه قطع غيارها ارخص من اللانوس بس الناس مش عارفه بص فى خالد وايهاب مكه فى فلمنج عندهم كله حاجه تخص السياره وايضا ميسره والاثنين فى فلمنج على الترام ولو فى اى مشكله فى العربيه كلمنى لانى حافظها والحمدلله انا كان معايا سى4 الشكل القديم من 2008

**S O P H O S** · 28-06-2014 03:41 AM

طب اسعار الفوانيس والمريات ايه

**scientist9508** · 30-06-2014 03:08 PM

بسم الله الرحمن الرحيم

الأخ الأفاضل

لماذا حدث عطل أو تشوه بالطنابير و التيل الراكب هو التيل الأصلى؟

لماذا خيرك بين شراء طنابير جديده و خرطها على المخرطه؟

و هل يوجد مخرطه فى التوكيل أصلآ ؟

بارك الله لك فيها و إن كنت أرجو أن تجيب أسألتى

السلام عليكم و رحمة الله و بركاته