الموضوع: تقرير تغيير خرطوم فايظ البنزين سوزوكي ماروتي

السلام عليكم
من فترة كنت لما بفول العربية البنزين بيقع علي الارض فافتكرت ان التانك اتملي ومخدتش واديت المهم كنت بشم ريحة بنزين احيانا في العربية مخدتش واديت قولت عادي ممكن الريحة طالعة من التانك
النهارده وانا بفول العربية اتملت وكبت بنزين فعامل البنزينة قالي روح لميكانيكي خليه يشوفلك خرطوم الفايظ فيه مشكله ممكن مش مربوط ولا حاجة
المهم روحت البيت وماقدرتش استني لما اروح لميكانيكي نزلت ابص علي الخرطوم ده والمفاجأة لقيتة مقطوع واكتشفت انا الافاندية بتوع التجميع كانوا شادينة علي الاخر فطق واتقطع رحت لازقة بشيكرتون وكلمت ابن عمتي كهربائي سيارات قالي تعالالي رحت واخد العربية ورايحله
المهم نزل تحت العربية وفك الخرطوم القديم وخده وراح لواحد ميكانيكي صاحبة وقام شاحتلي منه خرطوم استيراد محمل خرطوم فاخر جدا مش عارف بتاع عربية اية ده بس هو نفس الحجم وتحس انه مجلفن وكذا طبقة غير بتاعنا خالص بتاعنا عامل زي خرطوم المية ضعيف اوي المهم ركبة وبقوله حسابك كام مرضيش ياخد مني فلوس وقالي اي خدمة يابن خالي
قولت اصورلكم صورة الخرطوم المقطوع ودي صورتة


المهم ان انا لغاية دلوقتي مش فاهم ايه لازمة خرطوم الفايظ ده اصلا مكانوا قفلوا مكانه في التانك بلا وجع قلب اكيد برضو ليه فايدة بس احنا مش عارفينها
انا كنت سعيد جدا اني حليت المشكله دي وانا مروح قلت اسأل علي طاسات12 للعجل بتاعي المهم لفيت عليه الزقازيق حته حته محدش عنده طاسات12 مش عارف مش موجوده ليه كده ياريت لو فيه مكان بيبيعها تقولولي عشان انا محتاجها عشان اظبط بيها العربية والمنظر
والي اللقاء في تقارير قادمة

بسيطة الحمد الله