الى اهل الخبره في المرسيدس والبيجو

**abdalmalk** · 29-05-2014 08:26 PM

عيز اعرف الفرق بين المرسيدس والبيجو في كل حاجه الامان في البنزين قطع الغيار و الاحسن في الاخر اشتري انهي الفرق بين ال 504 والمرسيدس 200 موديل الثمانينيات

**ENG.MaRk** · 29-05-2014 09:12 PM

انت بتتكلم في الجيل الجميل

**amrelsaqqa** · 29-05-2014 09:19 PM

المرسيدس طبعا ومازال الفرق محترم في السعر
اصلا هتركب المرسيدس هتلاقى كل الاوبشن والامان اللى في الجديد مش هتحس انك راكب عربية قديمة بس بشرط الحالة

انما طبعا البيجو ﻻ باور وﻻتكييف وﻻ اي حاجة

استهلاك البنزين زي بعض مش فارقة كدة كدة الاتنين بياكلوا بس بنزين 80 و ﻻيهمك
قطع الغيار مش عارف ايه نظام المرسيدس بس البيجو مش رخيصة على موديل وسعر العرببة واحتمال تلاقى قطع للمرسيدس اسهل منها

**ahmedalaahosny** · 29-05-2014 10:41 PM

مرسيدس طبعا البيجو ٥٠٤ قطع غيارها بدات تقل عن زمان وصراحة هي لاشكل ولا مضمون ( مقارنة بالمرسيدس ) انما المرسيدس برستيج عالي وخد بال سيادتك ان اللي معاًه حته اوتوماتيك بيتي انجكشن استحاله يبيع اقل من ٥٠ الف انما سيادتك ممكن توقع واحده موديل ٧٩ ب ٣٧ او ٣٨ الف نضيفه وربنا يوفقك للي فيه الخير هو بس عيبها ان المانيول الدبرياج فيها عالي وناشف انما الدركسيون ناعم جدا وباور وحل الدبرياج انك تروح لميكانيكي يوطي الدبرياج لغاية ماتحس ان الوضع مقبول وابتدي بقي خد علي الطلعه بالدبرياج ده بس الصراحه ممتعه جدا ف السواقه بس لما تاخد عليها دي عشره عمر عن تجربه هتنبسط منها اوي

**hugan** · 29-05-2014 10:42 PM

ياه
ولا زمان
لو رجعت 10 او 15 سنه للخلف
كانوا ملوك السوق في البيع والشراء
المرسيدس افضل طبعا بس في فرق سعر بينها وبين الاسد العجوز
واحد صاحبي لسه مخلص مرسيدس 200 78 ب41 الف
ال 504 لو رايقه تعمل لها 25