الموضوع: إلحقونييييي : صوت غريب في محرك السيارة

السلام عليكم يا جماعة الخير
معلهش أنا معظم موضوعاتي إستفسارات وده بسبب قلة الخبرة في السيارات
سافرت بالعربية من القاهرة للصعيد ورجعت تاني يوم ... انا وراجع كنت ماشي على 130-140 ولما زودت ل 150 - 160 شميت ريحة شياط أو حاجة بتتحرق قريبة من ريحة تيل الفرامل وبعدين إختفت وبعدين رجعت تاني وإختفت .. بعد بوابة الكريمات وقفت بالعربية وفتحت الكبوت وقربت من الموتور وشميت لقيت أثر الريحة جاي من ناحية الموتور . ولاحظت إن الموتور صوته مش طبيعي زي ما يكون صوت رولمان بلي هارش أو جنزير بيفرك أو حديد بياكل في بعضه يعني حاجة زي اشخشنة أو الكركرة ...
المهم رجعت للبيت والحمد لله ومن شوية نزلت أجيب حاجة من العربية فقولت أدورها علشان أطمن لقيت الصوت ده موجود بشكل عالي وغير طبيعي بطلت العربية وجيت اسألكم .. العربية عاملة 42000 كم ومغيرلها زيت وفلتر غيار 10000 كم لسه مكملش 5000 كم ولكن عدا عليه 7 شهور ونصف .. وكان فيه حد قالي إن الزيت صلاحيته بتنتهي بمرور 6 شهور من تغييره سواء قطع الكيلومترات بتاعته أو لأ ..
يا ريت تطمنوني الصوت ده ممكن يكون من إيه ؟! وممكن يكون من الزيت ولا المشكلة بعيده عن الزيت ؟!