الموضوع: عملت حادثة عاوز مساعدة :(

نوع زيت الفتيس ايه

فين الشباب
مش ده الفتيس العادي اللي في كورلا 2008 الخليجي ولا انا غلطان

معلش قدر الله ما شاء فعل وقضاء اخف من قضاء ..


للاسف التوكيل هيبقى غالى جدا في الحاجات دى وخصوصا في حاجات زي القنطرة والكوبلن لو مش مأمن ع العربية يبقى بلاش

يبقى الحل ايه ؟
تدور كويس في الاستيراد وتاخد العفشجى او الميكانيكى معاك يبص كويس على كل حاجة
بمعنى في الحاجة الجديدة : تكون القنطرة مش معووجة طبعا ومش باين عليها اي اثار استعدال ويكون شكلها جديدة لانج ، الكوبلن مش مبوش ومش مفكوك قبل كدة بالبرشام الاصلى بتاعه ، الشمعدان ببلية العجلة والبلية سليمة مش خشنة ومش مبوشة ( لو احتجت تغيرهم بس ان شاء الله مش هتغيرهم لان تقريبا انت دخلت بالعربية من تحت من الوسط ، بمعنى ما خبطتش بالعجلة نفسها من اقصى الجنب ( لانك ما جبتش سيرة المقص او الفردة ؟؟!! )


اللى ممكن تجيبه جديد التيش والمساعد لو احتجت تغيره ولو هتغير المساعد غير الناحيتين مع بعض لو بقالهم فترة وربنا معاك

خلى بالك لو كنت دخلت بجنب العربية يبقى غالبا هتغير مقص و مساعد وشمعدان لان 90% اتعوجوا لانهم اضعف من القنطرة والكوبلن خصوصا لو كانت الفردة نفسها ادمرت من الخبطة والعربية عمرها ما هتظبط زوايا من غير ما يتغيروا

طبعا اجل الكلام ده للاخر بس اعمل حسابك عليهم لا قدر الله لو رحت تظبط زوايا والعربية ما ظبطتش هتغيرهم


من الاخر الفكرة كلها في الصنايعي النضيف المحترم اللى يسد معاك في الليلة دى كلها من غير ما يقطم وسطك في المصاريف او يعكلك حاجة والعربية ترجع بوضع الفبريكة تانى بدون خبط بدون حدفة بدون اي مشاكل

ربنا معاك واتمنى حد يفيدك في صنايعي محترم وامين وشاطر

وطبعا الحمد لله انها جت على قد كدة ، تحمد ربنا ودايما تبص للاسوأ لا قدر الله كان ممكن تدخل في عمود ، او العربية تعدي الناحية التانية ، او تنقلب لا قدر الله ، او الخبطة تيجى في كرتيرة موتور او في فتيس ودى كانت هتزعلك اكتر بكتير ، حمد لله على سلامتك

المشاركة الأصلية كتبت بواسطة amrelsaqqa

معلش قدر الله ما شاء فعل وقضاء اخف من قضاء ..


للاسف التوكيل هيبقى غالى جدا في الحاجات دى وخصوصا في حاجات زي القنطرة والكوبلن لو مش مأمن ع العربية يبقى بلاش

يبقى الحل ايه ؟
تدور كويس في الاستيراد وتاخد العفشجى او الميكانيكى معاك يبص كويس على كل حاجة
بمعنى في الحاجة الجديدة : تكون القنطرة مش معووجة طبعا ومش باين عليها اي اثار استعدال ويكون شكلها جديدة لانج ، الكوبلن مش مبوش ومش مفكوك قبل كدة بالبرشام الاصلى بتاعه ، الشمعدان ببلية العجلة والبلية سليمة مش خشنة ومش مبوشة ( لو احتجت تغيرهم بس ان شاء الله مش هتغيرهم لان تقريبا انت دخلت بالعربية من تحت من الوسط ، بمعنى ما خبطتش بالعجلة نفسها من اقصى الجنب ( لانك ما جبتش سيرة المقص او الفردة ؟؟!! )


اللى ممكن تجيبه جديد التيش والمساعد لو احتجت تغيره ولو هتغير المساعد غير الناحيتين مع بعض لو بقالهم فترة وربنا معاك

خلى بالك لو كنت دخلت بجنب العربية يبقى غالبا هتغير مقص و مساعد وشمعدان لان 90% اتعوجوا لانهم اضعف من القنطرة والكوبلن خصوصا لو كانت الفردة نفسها ادمرت من الخبطة والعربية عمرها ما هتظبط زوايا من غير ما يتغيروا

طبعا اجل الكلام ده للاخر بس اعمل حسابك عليهم لا قدر الله لو رحت تظبط زوايا والعربية ما ظبطتش هتغيرهم


من الاخر الفكرة كلها في الصنايعي النضيف المحترم اللى يسد معاك في الليلة دى كلها من غير ما يقطم وسطك في المصاريف او يعكلك حاجة والعربية ترجع بوضع الفبريكة تانى بدون خبط بدون حدفة بدون اي مشاكل

ربنا معاك واتمنى حد يفيدك في صنايعي محترم وامين وشاطر

وطبعا الحمد لله انها جت على قد كدة ، تحمد ربنا ودايما تبص للاسوأ لا قدر الله كان ممكن تدخل في عمود ، او العربية تعدي الناحية التانية ، او تنقلب لا قدر الله ، او الخبطة تيجى في كرتيرة موتور او في فتيس ودى كانت هتزعلك اكتر بكتير ، حمد لله على سلامتك

الحمد الله طبعا
ومتشكر جدل علي النصيحة
هيا للاسف الكوتش والجنط اتخبطوا ؟؟ كد انا محتاج شمعدان

مفيش اي معلومات عن زيت الفيتس

الحمد الله طبعا
ومتشكر جدل علي النصيحة
هيا للاسف الكوتش والجنط اتخبطوا ؟؟ كد انا محتاج شمعدان

مش بيبان غير لما تركب كل حاجة وتيجى تظبط زوايا او لو معووج جامد يبان او لو العفشجى عنده خبرة ممكن بالشكل يعرف او حسب الخبطة يقول مثلا انه طالما الخبطة جت في كذا كذا يبقى اكيد اتعوج ..

هو بيبقى صلب ولو اتعوج ملى واحد مش بيبان بس الملى ده بيفرق جامد في عدلة العجلة والزوايا ..

اما المساعد لو في حاجة بيبان بسهولة وممكن يتعدل في المخرطة وكذلك الكوبلن ، لو الكوبلن عندك كويس يعنى الراسين مظبوطين ومجرد انحناء في الكوبلن ، ممكن تحاول تعمله في المخرطة ، بيحطه ع المكبس ويعدل التنية اللى فيه ويرجع يلففه ع المخرطة يتأكد انه ظبط ، ويرجع يحطه ع المكبس تانى وهكذا لحد ما يظبط تماما ، بس حاول قدر الامكان تخليه ما يفكش الراس بتاعت الكوبلن لان الفبريقة بتبقى بشحم معين وبرشام معين صعب يتعوضوا وممكن بسهولة لو الراس اتفكت الكوبلن يبدأ يبوش بعدها ويدخل له تراب ويبوظ

وطبعا لو لقيت استيراد رخيص وكويس هات وركب على طول