صوت في كورولا ٢٠١٤

**Ahmed Gad** · 02-06-2014 12:12 AM

مساء الخير ع الجميع
عندي استفسار ياريت حد يفدني عنه اذا سمحتم. انا معايا كورولا ٢٠١٤ وماشاء الله عليها بس مضايقني صوت بيطلع من مع خبطة الكاوتش ف اي استرزات تنبيه ع الارض. وديتها التوكيل مرتين واتفحصت ومفيش حاجه ومش عارف اوصل للسبب لو حد عنده فكرة ياريت يفدني. وشكرا ليكم

**caeser** · 02-06-2014 01:21 AM

الحل بسيط لان كانت نفس المشكلة معايا املي الكاوتش نيتروجين وادعيلي

**Ahmed Gad** · 02-06-2014 01:25 AM

المشكله اني مش قادر احدد مصدر الصوت بالظبط ومبيظهرش ف كل الاوقات ولما روحت الوكاله مرتين خرج معايا مهندس جرب العربيه مش عارف يحدده ويقولي عادي رفعوا العربيه وشيكوا عليها مفيش برده احترت بصراحه

**abofandy** · 02-06-2014 02:45 AM

انا سمعت الشكوى دة قبل كدة خصوصا فى دول الخليج
وبالاخص السعودية وفية مواضيع كتير تقدر تعمل عليها بحث فى جوجل
وهى صوت الكفرات فى الكورولا 2014 الكل مضايق من صوتها بس مفيش حاجة من دى فى مصر
مشوفناش او مسمعناش اى شكوى عن صوت فى الكاوتش او الكفرات فى مصر
لكن فى مواضيع كتير اوى على منتديات الخليج بخصوص صوت الكفرات دى لكن فى مصر حتى الان لم تظهر تلك المشكله

والله وحدة اعلم سببها اية
ممكن يكون نوع الكاوتش نفسه
ممكن يكون النقشة بتاعته مع الطريق بتعمل صوت
ممكن يكون ضغط الهواء داخل الكاوتش
بس انا مشوفتش اية السبب الاكيد لانى فى مصر ومعرفش حد معاه فى الخليج العربية

**bassem.naguib** · 02-06-2014 12:07 PM

المشاركة الأصلية كتبت بواسطة abofandy

مشوفناش او مسمعناش اى شكوى عن صوت فى الكاوتش او الكفرات فى مصر
لكن فى مواضيع كتير اوى على منتديات الخليج بخصوص صوت الكفرات دى لكن فى مصر حتى الان لم تظهر تلك المشكله

والله وحدة اعلم سببها اية
ممكن يكون نوع الكاوتش نفسه
ممكن يكون النقشة بتاعته مع الطريق بتعمل صوت
ممكن يكون ضغط الهواء داخل الكاوتش
بس انا مشوفتش اية السبب الاكيد لانى فى مصر ومعرفش حد معاه فى الخليج العربية

بالظبط كدة

**aiman0173** · 02-06-2014 02:27 PM

في صيانة ال 5000 في السعودية اشتكيت من صوت زي شخلله بيطلع لما ادوس على عين القط اللي موجود في الطريق وخرج معي مندوب وجرب وقال لي عادي دا خلوص تيل الفرامل وموجود من اول موديلات 2010 ، فمش عارف هل هو ده الصوت اللي حضرتك تقصده والا صوت تاني

**Ahmed Gad** · 02-06-2014 07:31 PM

ده فعلا الصوت الي انا قصدي عليه
والمهندس قالي دي موجوده من اول ٢٠١١ او ٢٠١٠
بس ده ملوش علاقه بخلوص الفرامل خالص

**aiman0173** · 03-06-2014 06:52 PM

انا طبعا مش عارف هل الصوت ليه علاقة ولا لأ بخلوص تيل الفرامل ، بص هو قبل ما يخرج معي قال الكلام ده وبعد ما خرج وجرب اكد على كده وان ده صوت عادي بس انا بصراحة صممت انهم يكتب في امر الشغل عندهم الملاحظة دي وقلت لهم انا ما اضمنش بعد سنة ايه اللي هيحصل وتيجوا تقولوا سؤ استخدام
بس في اليوم ده العربية باتت عندهم علشان كان عندي كذا شكوى وسلموني عربية تانية موديل 2012 على ما افتكر وكان فيها فعلا نفس الصوت
يصراحة هو الصوت ممكن يدي فعلا ان التيل مش ثابت في مكانه وبيتشخلل مع عيون القط خاصة على السرعات العالية ، بس هو كلامه ان ده علشان يطول طول عمر تيل الفرامل وما يكونش التيل ضاغط على الطنبورة، الله اعلم
بس الغريب ان الزملاء في مصر بيقولوا ان الصوت مش موجود عندهم ، اعتقد انه موجود لكن عدم المشي بسرعة في مصر ممكن مخلي المشكلة مش باينة

الموضوع: صوت في كورولا ٢٠١٤

LinkBack

أدوات الموضوع

عرض

-

-

-

-

المواضيع المتشابهه

تم تفتيح العربية و الحمد لله - كورولا ٢٠١٤ -

كورولا ٢٠١٤ أو أوبل أسترا ٢٠١٤ ؟!!

الدفعه الجديده من كورولا ٢٠١٤ خلوصها ١٥،٥ سم

ثبات كورولا ٢٠١٤

رفع الزجاج مع الريموت-كورولا ٢٠١٤

الكلمات الدلالية لهذا الموضوع

المفضلات

المفضلات

ضوابط المشاركة