هل توافق على عوده دراسه اللغه المصريه القديمه (القبطيه) بجانب العربيه فالمدارس

**mtema99** · 12-10-2008 06:16 PM

هل توافق على عوده دراسه اللغه المصريه القديمه (القبطيه) بجانب العربيه فالمدارس

سؤال خطر على بالي بعدما رأيت لبس كبير عند جمهور كبير من الشعب المصري

فالغالبيه العظمى تعتقد ان اللغه القبطيه و كلمه قبطي مرتبطه بالديانه النصرانيه

و لكنها ليست كذلك

انها كانت فالماض لغه من اهم اللغات و حتى الان تدرس لدى اقسام معينه من كليات مختلفه

و هي مهما كانت تعبر عن تراث هذا البلد

و اعلم ان اللغه العربيه لغه القران و سيده لغات العالم و لغه اهل الجنه

و انا لم اقل نستخدم هذه مكان تلك او شي من هذا

ما اقوله هو ان السلاجقه اتراك و مسلمين و لم يتخلوا عن لغتهم الام مع اللغه العربيه

البوسنيين ايضا يعرفون العربيه (معظمهم) و لكنهم لم يتخلو عن ال صربوكروات او ال سلافيه الجنوبيه

فلما تخلى المصريين عن لغتهم

لا بل وصل لحد استقدام لغات اخرى بدل من تعلم لغتنا الام

كالانجليزيه و الفرنسيه و الالمانيه و الخ

**Ahmed Samy** · 12-10-2008 06:36 PM

شامم ريحة خناقه ...............

استر ياللي بتستر

عموما يا متيما انا مش شايفلها لازمة

هو احنا يعني بندرس عربي ؟؟؟؟؟ بلا خيبة

**mtema99** · 12-10-2008 06:43 PM

طيب و ليه مندرش اللغه العربيه بجد

ليه ميبقاش عندنا منهج صحيح لدراسه النحو و الصرف و البلاغه

ليه حتى لغه القران اصبحنا نميعها

و ال ايه كل ام او اب يفرح قوي لما ولاده يتكلموا انجليزي او فرنسي

فين اصلا لغه القران الصحيحه

هي مش نازله للعبادات بس

هي نازله عشان نتعامل بيها فين هي

يعني احنا كده مجتمع بلا اصول دينيه (اللغه العربيه)

و بلا اصول تاريخيه (اللغه القبطيه)

ايه لزمتنا فالدنيا

على الاقل نحاول و ممكن تتكتب لينا في يوم من الايام اننا حاولنا نرجع لغه ماتت

و نظبط لغه ميعت

**Stealth_Mode** · 12-10-2008 06:49 PM

طبعا لا اوافق
لاننا من العرب الفاتحين لمصر و الكثير مننا ليسوا مصريين اصلا، إذن لغتنا الاصليه هى العربيه، ومصرالان عربيه.
اللغه القبطيه هى لغه الاقباط الاصليه لان ليس لهم اصول عربيه. و لكن مصر الان عربيه، ولن اشارك فى هذا الوضوع مره اخرى منعا للمشاكل، شكرا.

**mtema99** · 12-10-2008 07:00 PM

المشاركة الأصلية كتبت بواسطة Stealth_Mode

طبعا لا اوافق
لاننا من العرب الفاتحين لمصر و الكثير مننا ليسوا مصريين اصلا، إذن لغتنا الاصليه هى العربيه، ومصرالان عربيه.
اللغه القبطيه هى لغه الاقباط الاصليه لان ليس لهم اصول عربيه. و لكن مصر الان عربيه، ولن اشارك فى هذا الوضوع مره اخرى منعا للمشاكل، شكرا.

متفق معك في هذا و عندك كل الحق و لن اجادلك

ان بس حبيت اطرح فكره و زادت في داخلي لما لقيت ولاد صغيره ميعرفوش يتكلموا كلمه عربي على بعض

هما مصريين من مصريين و لا عمرهم سافروا بره مصر

ففكرت بدلا من تعلم لغات ليه منعملش تنميه فالعربيه و صحوه فالقبطيه

ده كان وجهه نظري

و طبعا من وجهه نظري كما قلت سابقا تنميه العربيه هي الاهم عندي

**amir** · 12-10-2008 07:03 PM

طيب علي سبيل الجدل و النقاش
مش اولي من دراسه اللغه القبطيه , ودي بغض النظر عن كونها قبطيه او هيروغليفيه لغه
يعني لازمه للتواصل بين الناس مش هدف في حد ذاتها
مش اولي من كده اننا ندرس العربيه بتبحر
ده حتي ابسط حاجه يجهلها الغالبيه ان الارقام العربي اللي مستخدمه في الجرايد و الحكومه و حتي نمر العربيات دي ارقام هنديه مش عربيه
و الارقام العربيه هي اللي بنقول عليها انجليزي, و دي الموجوده علي الموبيلات!!!0123456789 و للاسف اللي مش مصدق و عنده ويندوز يدخل في اعدادات اللغه و يشوف بنفسه اسم الارقام المستخدمه عنده هيلاقيها عربي!!!!!
يبقي انهو الاولي؟!!!
ده غير ان الدراسه و التعليم في مصر محتاجين تطوير بطريقه رهيبه لأن كميه المعلومات القديمه او الهايفه او حتي الغلط كتير جدا خاصه في المناهج العلميه
يبقي انهو الاولي اننا نجري ورا لغه ميته تقريبا و لا تستخدم و نحاول ندرسها ولا نستفيد بعقول اولادنا بطريقه تفيدهم و تطور بلدنا!!!!

**CryptonX** · 12-10-2008 07:05 PM

ياريت تبقى لغة عربية و اللغة المصرية الفديمة و تبقى دراسة دراسة ..

بدل الانجليزي و الفرنساوي و الالماني الي مالهومش اي لازمة و كل الناس بستثقط فيهم .. الي عايز يتعلم انجيليزي او اي لغة عمره مايحتعلمها من مدرسة اعدادية و لا ثانوية ....

جاتكم القرف ... ( الدراسة مش انتوا :p ) .

**أبومعاذ** · 12-10-2008 11:33 PM

المشاركة الأصلية كتبت بواسطة TaoTao

لما ندرس عربي الأول نبقى ندعبس في القبطية والهيراطيقية والديموطيقية، للأسف كبار الكتاب الصحفيين لا تخلو مقالاتهم من أخطاء فادحة (لو كنت وقعت في أحدها أمام والدي في ابتدائي لنعتني بما أكره -على أقل تقدير-).

+1111111111111111

المشاركة الأصلية كتبت بواسطة TaoTao

بالنسبة للأرقام النمطان عربيان والنمطان مقتبسان بشكل ما من الهند، كل ما هنالك أن نمط منهم (اللاتيني الحالي) انتقل لأوروبا واستخدمته، والنمط الآخر استخدمه واستحسنه العرب.

الأرقام العربية هي رموز مستخدمة للتعبير عن الأرقام العددية. وتعتبر الأرقام العربية الأكثر استخداماً في العالم، حيث تستعملها معظم دول العالم. مع العلم أن العرب في الشرق الأوسط حاليا يستخدمون الأرقام الهندية (۰ ۱ ۲ ۳ ٤ ٥ ٦ ٧ ۸ ۹). أما عرب شمال أفريقيا فيستعملون الأرقام العربية(0 1 2 3 4 5 6 7 8 9).

http://ar.wikipedia.org/wiki/%D8%A7%...A8%D9%8A%D8%A9

-

-

مشاهدة نتائج الإستطلاع: هل توافق على ان يتم دراسه اللغه القبطيه بجانب العربيه في المدارس

الموضوع: هل توافق على عوده دراسه اللغه المصريه القديمه (القبطيه) بجانب العربيه فالمدارس

LinkBack

أدوات الموضوع

عرض

هل توافق على عوده دراسه اللغه المصريه القديمه (القبطيه) بجانب العربيه فالمدارس - انشر الموضوع فى :

-

-

-

-

المواضيع المتشابهه

قارئ كتب إلكتروني بيدعم اللغه العربيه في كافة أنواع الملفات

عوده بعد غياب النت الرخم... وشويه مشاكل فى العربيه..

اللغه العربيه و اللغه الغريبه

محتاجين حد يعرف قواعد اللغه العربيه...

دراسه للانوس هيه الافضل

الكلمات الدلالية لهذا الموضوع

المفضلات

المفضلات

ضوابط المشاركة