الموضوع: شيفي كروز وكيا سيراتو face to face

اخباركم ايه يااحلي اعضاء .... يارب تكونوا بخير

النهارده روحت فرع منصور اللي عند رابعه واتفرجت علي الكروز والنتيجه كالآتي "وده تأكيدا لكلام دكتور شهدي علشان الناس تتطمن" :)

1- الشكل الخارجي يوحي بالفخامه
2- الكاوتش كوري نوعه كومهو اعتقد انه جيد والجنوط 16
3- الشنطه واسعه جدا
4- الابواب تحسها تقيله والعربيه بشكل عام الصاج بتاعها محترم ومحمل
5- الصالوت بشكل عام كويس والفرش كان نفسي يبقي جلد لكنه قماش بس خامه محترمه ومع الاخذ في الاعتبار ان الكنبه الخلفيه لاتتسع لثلاثة اشخاص بالغين زي ماقال دكتور شهدي وده استغربته جدا لان العربيه من بره حجمها كبير.
6- اما بالنسبه للتقفيل الداخلي الخاماه المستخدمه محترمه والتابلوه بجد خامته حلوه لكن تصميمه كلاسيكي
7- العربيه مش فيها (بلوتوث و جراب نظاره ويو اس بي ومفتاح تابلوه وفتحه تكييف لدرج التابلوه وباركينج سينسور و........)
8- العربيه بصفه عامه عايزه واحد بيدور علي ثبات لان وزنها ثقيل وامان لان فيها abs اتنين air bag و esp و tc و ebd

سألتهم علي شاشة my link قالي مش عندهم سألته اذا كان ممكن اركبها عند حد هما بيتعاملو معاه قالي لا مش في ولو حاولت تعملها هاتخرج من ضمان الكهرباء قالي استني بعد ال 5 الاف كيلو تطمن علي كهرباء العربيه وبعدين ركبها.
سألته اذا كان في هدايا مع التسليم قالي انت وحظك :)

بعد كده رحت عند الحاوي هو في نفس الشارع بعد منصور بشويه قولت اشوف السيراتو والكروز وجها لوجه ... لقيت اللي موجود موديل 2015 بس اول فئه ب 147 سألته علي الخليجي قالي ممكن يجيبهالي وهاتكون في حدود 152 وفيها اتنين air bag وجنوط 16

بصراحه الكروز حاجه فخيـــــــــــمه :) من حيث التصميم الخارجي والخامات المستخدمه في التقفيل الداخلي ... السيراتو اي نعم عربيه شبابيه اكتر وتصميمها الجديد حلو بس الكروز في رأيي حاجه تانيه :) الكنبه الخلفيه فعلا اوسع التصميم الداخلي بالذات للتابلوه انا حسيته افضل ... العربيه فيها USB, Bluetooth, بس مش فيها جراب للنظاره بردو.

الخلاصه ان شاء الله نويت اشتري الكروز والله الموفق والمستعان :)