يارس 2009 محيراني جدا

**cogy** · 04-06-2014 02:18 AM

انا الحمد لله اشتريت عربية يارس 2009 مانوال وكان عندي شوية استفسارات لاحظتها مع السواقة المستمرة للعربية هية كاملة مانوال سبورت جنوط وازاز كهربا ومرايات كهربا ع

1- سحب العربية بحس انوة بطيء نوعا ما خصوصا حتي لما بطلع علي الخامس العربية بتقعد وقت علي مسرغتها بتزيد تبقي 120

2- الباور بتاع العربية الباور طبيعي وشغال بس بحس انوة اتقل من الباور بتاع 2012 مش زية خالص بحس ان الباور تقيل بس مش تقيل لدرجة كبيرة مش عارف لية

انا ركبت زيها موديل 2012 وكانت ناعمة وخفيفة اوي علي الطريق وفقي الدركسيون والفيار

الي معاية الميزة الوحيدة في الثبات معرفش حد يحاول يشوفلي الفرق فين العربية بحس بسواقتها مش ناعمة للدرجة الي تخليني احس اني راكب يارس وسمعت ان الباور اصلا كهربا ملهوش زيت ولا اي حاجة

ولكم جزيل الشكر

**mohamedbook** · 04-06-2014 05:23 AM

موضوع السحب ده ممكن يكون فلتر البنزين عايز يتغير وممكن تنظيف رشاشات

**darkdefender** · 04-06-2014 12:34 PM

ياريت شوية معلومات يا باشا...

1) اخبارطقم الدبرياج (العربية صوتها عالي و مبتسحبش؟ حاول تطلع من ثبات علي الرابع لو العربية مبطلتش من اول تلميست دبرياج يبقي الطقم عايز يتغير) سعره 1150 عند المصرية اصلي في شارع دمشق.

2)فلتر البنزين و الرشاشات و البوبات و دول تشخصهم سهل....
روح اي محطت بنزين موبل او توتال و هات منظف كامل بيضاف للبنزين اسمه
STP Complete Fuel System Cleaner

ملحوظة مهمة يتم اضافتة علي تلت تربع تنك و العربية دايرة و تحرق بيه فالتنك دا جامد,,
العربية هتتاخر فالدوران حتي يخلص التانك دا و دا عادي جدا متخفش.. سعره 70-80 جم

3)البوابات روح لاي مكانيكيو هات معاك سبراي تنظيف الكاربراتير و البوبات من شركة ABRO

4) نظف فلتر الهواء كويس بكومبرسور في اي محطة..

5) زيت الموتور لو بقاله اكتر من 5000 كم غيره و كمان فلتر زيت و اهم حاجة هات زيت 10w-30 مش لازم موبيل دور عليه عند بتوع قطع غيار و محطات البنزين لانه دا احس زيت لليارس فالاداء و توفير البنزين..

لو بعد اضافة المنظف العربية اتحسنت و فضلت كدا يبقي الحمد لله متغيرش فلتر بنزين ,,بس لو اتحسنت و بعد اما التنك خلص رجعت تعبت تاني يبقي الفلتر لازم يتغير و دا سعره 570 الاصلي الاتنين قطعة في فلتر مش اصلي واحد قطعة عند المصرية بردو ب 200 جم شغال زي الفل الحمد لله و بقفل عداد بيه..

و لو عايزنمرة مكانيكي شاطر جدا و متخصص تويوتا ممكن ابعتلك نمرته علي الخاص..

تسارع يارس منويل 1300سي سي موتور سليم 100% 0-100 في 11-11.5 س
تسارع يارس منويل 1500 سي سي موتور سليم 100% 0-100 في 10 -10.5 س

**Yahia aly** · 07-06-2014 01:43 AM

السؤال بخصوص الباور فى سيارتى الياريس ،،،الباور بفيصل فجاءة اثناء السير مع العلم ان مؤشر أعطال الباور لم يضئ،،ويستمر الفصل لثوانى ثم يعود،،،لكن للمرة الثالثة فصل وتوقف تماماً عن العمل حتى قمت بتبطيل السيارة ثم اعادة التدوير مرة اخرى فعاد الباور. طبعا الامر سوف يزداد وتزداد معه الخطورة هل هناك إى اقتراح حتى يتم الكشف عليها.... شكرًا