حيره بين أوكتافيا a7 2015 فى مواجهة البيجو 508

**AhmdAbdelgawad** · 05-06-2014 08:36 AM

شباب السلام عليكم
ده اول موضوع ليه فى المنتدى انا بصراحه كنت خلاص شبه حسمت أمرى نحيه ال 508 بعد بحث دقيق بس الأوكتافيا 2015 لما نزلت بالفتيس العادى 1.6 لخبطت حسباتى تانى خاصة ان تانى فئه من الأوكتافيا اللى فيها معظم اللى انا عاوزه ب 214 في حين ان اول فئه من 508 الرائعه بردو ب 242 ارائكو هتساعدنى كتيييير.

**AhmdAbdelgawad** · 05-06-2014 08:38 AM

الصراحه انا كنت مش ببص على كل ما هو سكودا او باسات بسبب الفتيس ال dsg س لما رجعت الوكتافيا للفتيس القديم ابو 6 سرعات خلتنى اعيد تفكيرى

**Mamoud salah H** · 05-06-2014 08:48 AM

يا باشا الدنيا بتتقدم وتتطور مش بترجع لورا
والاوكتافيا كدة رجعت كتيييير اوي بالموتور ال ١٦٠٠ دة بتاع ٢٠٠٦ فحرام فلوسك بصراحة هاتها مستعملة بقي ووفر فلوسك انما كراي حلييك في البيجو او ممكن تشوف الاوبل انسجينيا

**Batman372** · 05-06-2014 08:51 AM

فرق الفلوس فى صالح ال a7 ...
و اتوقع نفس انتشار و مبيعات الفانتازيا ...
تحياتى ...

**amrelsaqqa** · 05-06-2014 08:58 AM

الـ 508
الاوكتافيا نزلت كتير في كل حاجة حتى العفشة بقت تورشن بيم كأي عربية فئة متوسطة والعزل والثبات مش اوى زي الفانتازيا اللى قبلها
بصراحة هى لا تقارن بالفانتازيا الفانتازيا احسن بكتير ولو زيرو يبقى الـ 508 في رأيي

**AhmdAbdelgawad** · 05-06-2014 09:19 AM

الانسجينا شكلها تحفه من بره ومن جوه بس للأسف لما قعدت فيها من جوه محبتهاش " ده رأى شخصى" يعنى انا استريحت فى 508 والباسات عنها هم دول اصلا كانو اختياراتى بس زى ما بقلكو لما نزل الفتيس الجديد بتاع الأوكتافيا غير حساباتى بالنسبه لموضوع الثبات انا لسه معملتش تست درايف بس بالنسبه لموضوع العزل انا لما قفلت الازاز وانا فى حاله الثبات كان العزل ممتاز الصراحه معرفش فى حاله التسارع الوضع هيبقى ايهز ده غير ان الموتور بتاع ال A7 110 حصان اما الفانتزيا كان 102 على حد معلوماتى وال A7 وزنها اقل 100 k من الفناتزيا فاعتقد هيدها مرونه اكتر

**iUsef** · 05-06-2014 10:47 AM

٥٠٨ طبعا
انا شايف ان الاوكتافيا مش فئه ٥٠٨ اصلا بس هو السعر اللي دخلها المنافسة

**mohamedhasanen** · 05-06-2014 11:43 AM

المشاركة الأصلية كتبت بواسطة iUsef

٥٠٨ طبعا
انا شايف ان الاوكتافيا مش فئه ٥٠٨ اصلا بس هو السعر اللي دخلها المنافسة

متفق معك تماما

**AhmdAbdelgawad** · 05-06-2014 11:49 AM

طيب يا جماعه انا سوقت عربيات كتير فى الفئه ده زى السيفيك والكورولا والمازدا 3 يعنى اغلبيه الفئه ده من اليابانى بس مركبتش الأوروبى فسؤالى لركاب الأوكتافيا سحبه العربيه ده عامله ازاى وبالنسبه للبيجو انا قريت فى القسم بتاعها ان سحبتها ما شاء الله كويسه.