الموضوع: استلام بيكانتو 2015

المشاركة الأصلية كتبت بواسطة ayat630

السلام عليكم .. الحمدلله أخيرا هاستلم بيكانتو موديل 2015 يوم السبت الجاي ..
مع اني وانا رايحة احجز قالي 2014 !! ما علينا ..

بس عندي شوية استفسارات عشان معنديش الا معلومات بسيطة :



1- الوكيل قالي غليت 1400 جنيه مش عارفة ليه ؟! هل ده عادي ؟


2- قالي ورقها بعد 3 ايام من يوم الاستلام ؟ هل استلمها ولا استنى الورق ؟


3- هل فيه حاجة آخد بالي منها ولا اطمن عشان وكيل وكده ؟


شكرا :) :)

اولا الف مبروك على العربيه الجديده ربنا يديكى خيرها ويكفيكي شرها
بالنسبه لزيادة السعر اعتقد عادى عشان استمرار هبوط الجنيه مقابل بقية العملات وارتفاع سعر الدولار وكل التوكيلات رفعت الاسعار فعلا
بالنسبه للورق ده طبيعي لان التوكيل بيستلم العربيات ويبدا فى توزيعها على الحاجزين قبل الافراج الحمركى مايحلص
ان شاء الله وقت الاستلام تأكدى ان كل حاجه شغاله فى العربيه وجربيها .. من اضواء وزجاج وخلافه وطبعا هاتراجعى على الاستبن والعده بتاعة العربيه (الكوريك) والولاعه وكل حاجه .. وتأكدى من استلام مفتاحين
فى اول ١٠٠٠ كيلو ان شاء الله السرعه لا تتعدي ٨٠ والار بي ام لا يتعدى ٣ ويستحسن ماتشغليش التكييف اول ١٠٠٠ كيلو اللى هى فترة التليين

الف مبروك مره تانيه وربنا يفرحك بيها ويبعد عنك العين وماتنسيش تتصدقى بنية شكر ربنا على النعمه وليس بنية رد الحسد

شكرا جدا يا أستاذ محمد :) الله يبارك فيك

ربنا يكرمك :)

طالما السعر مش متحدد في استمارة الحجز يبقي ممكن يزود السعر عادي.
عادي الورق ممكن تستني علي ما ييجي لكن هو بيديكي جواب من المعرض عشان تعرفي تتحركي بالعربية.
يا ريت تاخدي معاكي حد تستلمو العربية و تستلمو في النور مش باليل و تتفرجي علي كل حاجة أكنك بتشتري مستعمل و تراجعي ال أوبشنز واحده واحده و تجربي كل حاجة من كلاكس لللنور للمساحات لكل حاجة.
ألف مبروك و ربنا يكفيكي شرها.

المشاركة الأصلية كتبت بواسطة م/محمد صلاح

اولا الف مبروك على العربيه الجديده ربنا يديكى خيرها ويكفيكي شرها
بالنسبه لزيادة السعر اعتقد عادى عشان استمرار هبوط الجنيه مقابل بقية العملات وارتفاع سعر الدولار وكل التوكيلات رفعت الاسعار فعلا
بالنسبه للورق ده طبيعي لان التوكيل بيستلم العربيات ويبدا فى توزيعها على الحاجزين قبل الافراج الحمركى مايحلص
ان شاء الله وقت الاستلام تأكدى ان كل حاجه شغاله فى العربيه وجربيها .. من اضواء وزجاج وخلافه وطبعا هاتراجعى على الاستبن والعده بتاعة العربيه (الكوريك) والولاعه وكل حاجه .. وتأكدى من استلام مفتاحين
فى اول ١٠٠٠ كيلو ان شاء الله السرعه لا تتعدي ٨٠ والار بي ام لا يتعدى ٣ ويستحسن ماتشغليش التكييف اول ١٠٠٠ كيلو اللى هى فترة التليين

الف مبروك مره تانيه وربنا يفرحك بيها ويبعد عنك العين وماتنسيش تتصدقى بنية شكر ربنا على النعمه وليس بنية رد الحسد

حضرتك موضوع التكييف و 80 كم ده جبته منين؟ من المانيوال؟ ما أعتقدش. عامة المانيوال هو الفيصل لكن كل العربيات بيتكتب أنك تشغل التكييف عادي جدا و تجيب السرعة اللي انت عاوزها لكن المهم ما تحملش علي الموتور جامد و لا تزود ال ار بي ام جامد يعني تاخد العربية واحدة واحدة.

المشاركة الأصلية كتبت بواسطة svneleven

حضرتك موضوع التكييف و 80 كم ده جبته منين؟ من المانيوال؟ ما أعتقدش. عامة المانيوال هو الفيصل لكن كل العربيات بيتكتب أنك تشغل التكييف عادي جدا و تجيب السرعة اللي انت عاوزها لكن المهم ما تحملش علي الموتور جامد و لا تزود ال ار بي ام جامد يعني تاخد العربية واحدة واحدة.

جبته منين ؟؟
من الكشك اللى على اول الشارع

من المانيوال ؟؟
لأ من الاوتوماتيك

ماتعتقدش ؟؟
والله دى حاجه ترجعلك تعتقد او ماتعتقدش مايهمنيش فى حاجه

ردي كان على صاحب الموضوع وهو حر ياخد بيه او مايخدش ولم اطلب من حضرتك تقييم لرأيي

المشاركة الأصلية كتبت بواسطة م/محمد صلاح

جبته منين ؟؟
من الكشك اللى على اول الشارع

من المانيوال ؟؟
لأ من الاوتوماتيك

ماتعتقدش ؟؟
والله دى حاجه ترجعلك تعتقد او ماتعتقدش مايهمنيش فى حاجه

ردي كان على صاحب الموضوع وهو حر ياخد بيه او مايخدش ولم اطلب من حضرتك تقييم لرأيي

مع احترامنا لرأيك يا استاذ محمد : كلامك فعلا مش مظبوط كله : بمعنى صح ان العربية يتم المحافظة عليها اول 1000 ميل او 1600 كم المسماه بفترة التليين .. و ده كتيب العربية (المسمى بالمانيوال اللى يقصده الراجل) الموصى من التوكيل انه لا يتم زيادة عدد لفات المحرك حتى تتعدى ال 4 RPM و ليست محسوبة بسرعة معينة .. يعنى العربية ممكن تجيب بيها 110 عادى . و كمان ينصح بعدم السير بسرعة واحدة طوال فترة 1600 كم الأولى بمعنى لا تسيير فى زحام متواصل و لا طرق سريعة ينصح بتنوع السرعة و ذلك لتعود الموتور على السرعات المختلفة . و موضوع التكيف مفيش اى توكيل او شركة بالعالم بتقول انه لا يتم تشغيله اول 1000 كم ( يعنى عايزها تجيب عربية فالصيف ده و تمشى من غير التكيف اول 1000 كم ده هتتسلق فالجو ده )
و احنا هنا كلنا فالمنتدى اخوات و بننصح بعض و انا شايف ان الأخ svneleven مغلتطش فيك علشان ترد عليه بالشكل ده .. يا ريت تراجع كلامك لأنك كده غلط فيه .. تحياتى ..

شكرا جدا eslamsubaru ،، svneleven على الإفادة :)

وحصل خيييير يا جماعة :)

المشاركة الأصلية كتبت بواسطة م/محمد صلاح

جبته منين ؟؟
من الكشك اللى على اول الشارع

من المانيوال ؟؟
لأ من الاوتوماتيك

ماتعتقدش ؟؟
والله دى حاجه ترجعلك تعتقد او ماتعتقدش مايهمنيش فى حاجه

ردي كان على صاحب الموضوع وهو حر ياخد بيه او مايخدش ولم اطلب من حضرتك تقييم لرأيي

عامة كتر خير حضرتك و أنا أسف لو كان كلامي ضايقك أو استفزك.