ال الار بى ام بيلعب

**windows9x** · 06-06-2014 01:31 PM

روحت امبارح لهانى عصمت وشكوتى كانت ان الار بى ام بتاع العربيه بيكون واقف على ال 8 وبشكل متكرر كل دقيقه مثلا او دقيقه ونص ينزل لل 6 ويرجع تانى ولو شغلت التكييف ينزل لل 5 وساعات اقل وممكن العربيه تفصل لو مكبستش شويه بنزين

المهم كشف بالكمبيوتر وقاللى هنكشف على طرمبه البنزين، كشف المكيانيكى اللى هناك وقاللى زود بنزين، المهم قاللى الطرمبه كويسه

طب نضف بوابه، نضفنا بوابه .. وزى ما هى المشكله

طب غير حساس الحراره اللى على الماتور .. قلتلهم ليه؟ دا ايه علاقته بال ار بى ام، قالولى بيدى اشاره للكونترول عشان يتحكم فى كميه البنزين، اقتنعت وغيرته، بس برضه المشكله مازالت قائمه

غير بوابه طيب .. غيرنا بوابه بواحده استيراد وبرضه نفس المشكله، وكان كمان بدال البنزين تقيل .. فخليته يرجع البوابه القديمه

غلبوا فقالولى استنا المهندس هانى عصمت ييجى يبص عليها، بس انا كنت مستعجل فامشيت

انا متضايق جدا خصوصا ان العربيه بتفصل كتير وانا مشغل التكييف .. ومحتاج مساعدتكم

**hossamalsadik** · 06-06-2014 03:17 PM

جرب كنترول تانى وكوده وجرب والموضوع مابيخدش وقت لو مازالت
عندك حساس الهوا او حساس الكرنك يتشيك عليهم

**Ahmed Saad** · 08-06-2014 12:45 PM

لما كشف سكان طلعوا أعطال ايه لانها ممكن تكون حساس ايدل أو ايرماس هما اللي يخلو ال rpm يلعب بالترتيب ايدل وبعدين ايرماس

**windows9x** · 08-06-2014 03:57 PM

الجهاز مطلعش حاجه، لانه قاللى انا شايف كل حاجه كويسه وده الغريب!

ان الار بى ام كان فيه مشكله قدام عينيه بس الجهاز مش مطلع حاجه، ولما قلتله طب نغير حساس الايدل من غير البوابه قاللى البوابه بتتباع بالحساس كامله

**windows9x** · 10-06-2014 02:11 PM

طيب ممكن يكون حساس كرنك او طرمبه بنزين؟

انا ساعات لما بلف الدركسيون على الاخر او اخد ملف جامد وطالع من الثبات على الاول، العربيه تفصل

**windows9x** · 11-06-2014 10:03 AM

كملنا امبارح كالاتى:

1- غيرنا طرمبه بنزين (مفيش فرق)
2- غيرنا كونترول وكودناه (مفيش فرق)
3- غيرنا موبينه (ولا الهوا)
4- شك ان تقسيمه سلوك البوجيهات مش مظبوطه وشيك عليها
5- خرمنا خرم بعد الفرن عشان نعرف لو كان الشكمان مكتوم وهو اللى كاتم الموتور فبيفصل

وبرضه مفيش فايده .. قاللى الموتور ال 1400 ده عزمه ضعيف ويمكن الكومبريسور بتاع التكييف يكون قافش!

انا يأست خلاص.

**محمود السيد** · 11-06-2014 11:58 AM

لاتياس من رحمة الله

**alzelafy** · 12-06-2014 05:09 AM

جرب بوابه تانيه عند حد تانى الموضوع مش هيبعد عن كدا

**windows9x** · 12-06-2014 11:05 AM

انا هجرب بوابه تانيه ان شاء الله

ممكن يكون بليه الكمبريسور تقيله مثلا؟

الموضوع: ال الار بى ام بيلعب

LinkBack

أدوات الموضوع

عرض

-

-

-

المواضيع المتشابهه

عداد الار بي ام بيلعب

الار بى ام بيلعب فيكترا ايه 2000

الار بى ام بيلعب بين 800 و 900

الار بي ام بتاع الاوبترا بيلعب علي السلانسية

الار بى ام بيلعب

الكلمات الدلالية لهذا الموضوع

المفضلات

المفضلات

ضوابط المشاركة