محتاج اراء الخبراء هااااااااام جدا للغايه

**Egypt_Fiancee** · 06-06-2014 05:03 PM

السلام عليكم ورحمة الله وبركاته
زملائي واحبائي في منتدى نايل موتورز
اخوكم محتاس حوسه كبيره ومش عارف افكر
وبصراحه تعتب من كتر التفكير في موضوع السواقه والعربيه

ندخل في صلب الموضوع
العبد لله بعرف اسوق بس خفيف جدا وماسوقتش قبل كده في القاهره غير مرات يتعدوا على الصوابع في مركز تدريب قياده وكنت بتعلم تعتبر هاديه نوعا ما وسوقتش بره في شوارع رئيسيه
المهم عاوز اجيب عربيه نظرا لظروف شغلي والبهدله اللي بتبهدله في المواصلات العامه والقرف اللي بشوفه يوميا لما بفكر اكرب ميكروباص ولا زحمة المترو التي اصبحت لاتطااااااق
بس محتار وتعبت من كتر التفكير في نوع العربيه اللي اجيبها
ناس تقولي هات الهيونداي اكسنت 1300 عمليه ومش مكلفه بنزين وناس تقول هات دايو لانوس هربيه كويسه جدا وموفره بردوا
وناس تقول هات عربيه جديده وانت كده كده مش اول مره هاتجيبها تروح تنزل بيها في الزحمه وكده
على اساس ان العربيه المستعمله بتكون فاتحه بوقها بالبلدي كده
واللي هاتدفعه صيانه وتصليح تجيب بيه عربيه جديده وتدفعه قسط وهي هي العمليه
في واحد اقترح عليا اجيب السايبا تيبا عربيه سعرها معقول جدا وحنين ويوم ماتفتح العربيه الجديده بقها زي مابسمع في الشارع مش ااقل من 4 او 5 سنين
وفي نفس الوقت عايز عربيه اجيبها وتعقد معايا فتره كبيره يعني مش ااقل من 3 سنين مثلا لو فكرت اغيرها في حالة المستعمله
لكن لو جديده اعتقد هاتعقد معايا اكتر من كده بكتير باذن الله
فاكنت بفكر لو عربيه مستعمله تكون في هيونداي جيتز او شيفروليه افيو هاتشابك
بصراحه العربيتين دول مجنون بيهم وبعشق حاجه اسمها هاتشابك
بس فيها ناس قالتلي ان عربيات الهاتشباك بتتباع بالعافيه :( صح الكلام ده ولا غلط
بس هل العربيه دي هاتفيدني عائليا خصوصا باني مقبل عالزواج باذن الله كمان كام شهر وبصراحه عاوز اتجوز وتكون معايا العربيه خصوصا اني مخلي فلوس العربيه على جمب
وهل اجيبها اتوماتيك ولا مانيوال خصوصا من كتره شكاوي الناس من زحمة القاهره وتعبهم من المانيوال
ولما اجيبها باذن الله هل يفضل انزل مدرسه تعليم قياده من تاني واتدرب على العربيه اللي هاجيبها باذن الله ولا اتدرب على عربيه مركز التدريب
فاتنصحوني بيه افادكم الله

**احمد فهمى** · 06-06-2014 11:12 PM

اشترى جيتز اوتوماتيك ويلاش مانيوال خلاص اصبح لا يتوافق مع مصر ومفيش حاجه اسمها بيعها صعب الهاتش باك له ناسو ومطلوب وخصوصآ لو جيتز لكن تفيو لا العربيه نفسها مش مرغوبه زي هيونداي ولازم تروح مدرسة سواقه ويفضل تكون بتاعة المرور وبعدها تتعلم تركن العرييه لوحدك يعنى تعد اسبوعين كده كل اللى بتعملو تخرج من ركنه وترجع تركن تانى ده الشئ الوحيد اللى هيحفظك مقاسات العربيه وطبعآ فى قواعد كتير للسواقه لازم تدرسها نظرى اولا والاشارات وبالتوفيق ان شاء الله

**Egypt_Fiancee** · 07-06-2014 03:42 PM

المشاركة الأصلية كتبت بواسطة احمد فهمى

اشترى جيتز اوتوماتيك ويلاش مانيوال خلاص اصبح لا يتوافق مع مصر ومفيش حاجه اسمها بيعها صعب الهاتش باك له ناسو ومطلوب وخصوصآ لو جيتز لكن تفيو لا العربيه نفسها مش مرغوبه زي هيونداي ولازم تروح مدرسة سواقه ويفضل تكون بتاعة المرور وبعدها تتعلم تركن العرييه لوحدك يعنى تعد اسبوعين كده كل اللى بتعملو تخرج من ركنه وترجع تركن تانى ده الشئ الوحيد اللى هيحفظك مقاسات العربيه وطبعآ فى قواعد كتير للسواقه لازم تدرسها نظرى اولا والاشارات وبالتوفيق ان شاء الله

متشكر جدا ياستاذ احمد على ردك ومتابعتك
طيب هل اشتري العربيه واورح مركز تعليم بيها يعلموني عليها
انا مطلع رخصه بس انا ليا فتره كبيره جدا مسوقتش وهو خوف ليس اكثر ولا اقل
فاايه راي حضرتك

**borio1704** · 07-06-2014 04:21 PM

الزيرو أكيد له رونق ومتعة خاصة... بس التعليم له ضريبة.. غالبا بتأثر على العربية

مفيش حد بيتعلم ببلاش

أنا رأيي العربية المستعملة هي أفضل خيار لو لسه جديد في السواقة

ورأيي كمان تكون العربية قطع غيارها سهلة ورخيصة .. خصوصا الأجزاء الخارجية زي الفوانيس والاكصدام..

لإن طبيعي إنك تحصل معاك بعض الحاجات البسيطة زي حكات أو خبطات صغيرة في الأول.

خلي بالك.. العربية اللي فاتحة بقها هتوجع دماغك.. بس هتاخد معاها شوية خبرة تنفعك لما تجيب الزيرو إن شاء الله.

رأيي تشوف حاجة صغيرة زي كيا برايد مثلا (سيدان أو هاتشباك).. وانت في بداية جوازك مش محتاج عربية كبيرة.

وربنا يوفقك

**Egypt_Fiancee** · 18-08-2014 10:34 AM

يارجاله انا فكرت اشتري كيا ريو هاتشابك خليجي
ايه رأيكم

**S O P H O S** · 22-08-2014 09:26 PM

عربية كويسة والمنافس ليه الياريس الهتشباك

**Egypt_Fiancee** · 26-08-2014 12:23 PM

المشاركة الأصلية كتبت بواسطة S O P H O S

عربية كويسة والمنافس ليه الياريس الهتشباك

والله عايز اقولك
انا امبارح كنت في سمير ريان وروحت شوفت كيا ريو وركبتها
حاجه كده بسم الله ماشاء الله عليها

وريحه العربيه وهي جديده تعمل ادماااااااااااااااااااااا ااااااااااان

**omar101970** · 26-08-2014 12:37 PM

أنا حالخص رأيى فى النقط التاليه:-
1. بلا نقاش عربيه اوتو. القاهره زحمه جدأ ولازم عربيه اوتو.
2. عربيه كسر زيرو. لو مستعمل كتير حاتتعبك فى الأصلاح ولو زيرو بصراحه مش مناسبه مع حد لسه بيتعلم.
3. نوع العربيه حدد شويه انتا بتفكر فى ايه بس بوجه عام فكر فى عربيه قطع غيارها متوافره وسعرها معقول.
4. ان شاء الله لما تجيب العربيه ممكن تتمرن عليها بنفسك بانك الأول تطلع فى اوقات مش زحمه وشوارع هاديه ويكون حد جنبك بيعرف يسوق خصوصا فى الأول.
وربنا يوفقك يا أفندم