الموضوع: مائة في المائة طائرات ( Planes 100% )

المشاركة الأصلية كتبت بواسطة Elawany13

أستاذ ahmed_eng2001
ما شاء الله
شكلك متخصص
شكرا على المعلومات وعلى المشاركة

العفو يا فندم .. لا شكر على واجب

انا كنت متخصص .. و اشتغلت فترة بسيطة فى مصر للطيران و بحب الصيانة جدا ... و لسة فاكر حاجات كتير .. و بالطبع ناسى حاجات اكتر :) الحمد لله على كل حال


و نقول كلمتين كمان من الى فاكرينهم

بعض الفروق بين البوينج و الايرباص ....
1- المانيوالز Manuals .... الى هى كتيبات الصيانة ...

بوينج بتشرح فى المانيوال بتاعها انت بتعمل ايه بالظبط ... و تفهمك بالراحة

الايرباص .... خطوات بتمشى عليها .. و مش مهم تفهم ليه بتعمل كدة .. لو عاوز تفهم روح اسأل واحد اكتر منك خبرة ..

2- عصا التحكم فى القيادة
بوينج بتستخدم عصا القيادة التقليدية الكلاسيكية ... و التى تعمل بشكل اليكترونى
ايلارباص بتستخدم عصا القيادة الجانبية ... الى عاملة زى الجوى ستيك .... و بعض الطيارين اكدوا عدم راحتهم فى التعامل مع الجوى ستيك .... عصا القيادة التقليدية تعطى انطباع اكثر فى التحكم .. ( وجهات نظر )

3- مقصورة القيادة فى اغلب موديلات الايرباص اكبر من اغلب موديلات البوينج المماثلة ... مفيش غير مقصورة البوينج 747 الى حجمها معقول .. و ال 777 اقل شوية ... ال 737 ضيقة اوى .. مقصورة ال 320 مثلا اكبر من ال 737 بفرق واضح

4- بوينج فضلت فترة طويلة هى الرائدة فى المجال ده ... و كانت تتبعها ايرباص .. بس فى الاونة الاخيرة ايرباص اصبحت متقدمة قليلا عن البوينج

5- فيه بعض الطرازات فى بوينج كانت عاملة زى المايكروباص .... و كانت حمارة شغل .. زى ال 737 - 300 الموديلات القديمة ... تطلع القاهرة اسوان الساعة 7 صباحا ... و تفضل طول النهار شغالة شارتر بين اسوان ابو سمبل ... و فى اخر النهار ترجع مطار القاهرة تانى ( الكلام ده قديم شوية )
الايرباص ال 320 .... متقدرش تعمل الكلام ده ... انا مش بقول انها اوحش ... بس فى الحتة دى .. 737 تكسب


البوينج بدأت طائرات الركوب ب 707 ... ثم 717 و بعديها 727 .. و هكذا حتى 787 و دى احدث تصميم طائرة من بوينج
بعض الطرازات البوينج فى مصر للطيران :-

737 , 777

الايرباص بدأت ب 300 ثم 310 ثم 320 ثم 330 ثم 340 .. و الان 380 ... و عملت شوية تعديلات على ال 320 و نزلت منها 319 و كمان 321


300-600 اشهر طائرة فى تاريخ ايرباص .. لأنها الاولى تقريبا فى خط الانتاج
320 - 321 - 319 كلهم تقريبا حاجة واحدة .... فيه شوية فروق بسيطة فى التصميم و الابعاد
330
340 للمسافات الطويلة

تقبل مرورى