الموضوع: استفسار عن اجراءات بيع عربية؟؟؟؟

المشاركة الأصلية كتبت بواسطة moumen_hs

بص ياسيدى
1- عقد بيع ابتدائى فى ثمن البيع والتاريخ وشرط جزائى 5000 جم وبالاتفاق -على ظهر العقد اقرار استلام سيارة بالساعة والدقيقة وفى عقود بتبقى فيها الاقرار من تحت والعقد من المكتبة ب 1 جم النسخة ونسخة الى فيها الاقرار تبقى معاك
2- لو هتعمل توكيل للمشترى فى الشهر العقارى ب 25 جم عليك (ولا ننصح بية) لان العربية بتظل باسمك الى أن يبيع هو لنفسة أو للغير وبتفضل تدفع ضريبة ترفيهية لحد ماينقل العربية باسمة لو حضرتك أشتريت عربية تانية بيبقى موجود فى المرور عربيتين باسمك فالضريبة حوالى ثلت الضريبى الى بتدفعها للعربية الجديدة أن شاء الله ( أحسن قول شرط البيع التسجيل فى الشهر العقارى ) هيقولك مش معايا فلوس ارخص دلوقتى قولة سجل ومتمضيش مشترى الا فى المرور لانة لو سجل بعقد بيع فى الشهر العقارى ومضا مشترة لازم ينقل ملكية قبل 30 يوم وطبعا رسوم التسجيل علية وحضرتك لما تسجل فى الشهر العقارى خد صورة من عقد البيع لنفسك هتحتاجها لما تشترى عربيى تانية لو هو منقلش ملكية علشان موضوع الضريبة الترفهية
3- بتجبلة شهادة مخالفات سارية أو بتخش على النت أنت وهو ولو فى مخالفات أخصم تمانها من ثمن البيع لو وافق وأكثرهم بيطلب الشهادة المختومة مش مشكلة جبها من المرور بتاعك
4- لما بتبيع بقولك هبقى مبيلغ عند التسجيل دة عرف المهم المبلغ مش كبير يعنى لو العربية ب 50 الف مثلا بتبقى 2 او 3 الاف عند التسجيل وهو بياخد العربية والرخصة طبعا بعد ماتجيب شهادة المخالفات وربنا يوفقك فى احسن منها واى خدمة تحت أمرك

انا الجزئية رقم 2 مش فاهم اوى غير انه لازم نروح الشهر العقارى بعد ماعمل العقد الابتدائى واروح علشان يسجل العربية باسمه هناك
طيب لو انا اتفقت انا وهو ان البيع هيبقى فالمرور وهناك فى شهر عقارى فالمرور هيبقى الوضع ماشى ازاى
معلش بسال كتير

المشاركة الأصلية كتبت بواسطة moumen_hs

نقول كمان
البيع بيكون
1- بتوكيل بيع والى بيشترى بتوكيل بيعمل كدة علشان ميدفعش فلوس التسجيل بتاعة الشهر العقارى دلوقتى وكمان علشان ممكن يبعها لحد تانة المخاطر كما وضحنا العربية بتفضل باسمك والضريبة الترفهية لما تيجى ترخص عربية تانية باسمك بتدفع ثلث ضريبة غير الضريبة للعربية الجديدة

2- عقد بيع مسجل لو فى شهر عقارى فى المرور ماشى مفيش مشكلة ملوش علاقة بالمرور بيكون عقد البيع أمان ليك والمشترى على مزاجة يمضى مشترى أو لا هو حر مشكلتة بس مع المشترى أنة خلاص العربية بتبقى باسمة وميقدرش يبيع الا لما ينقل العربية باسمة . وبصورة عقد البيع متدفعش اى ضريبة لما تيجة تسجل عربية تانة باسمك غير التوكيل المرور مش بيعترف الا بعقد البيع ورقمى لو فى حاجة 01274947111

شكرا لتوضيح حضرتك واسف ان كنت ازعجتك

المشاركة الأصلية كتبت بواسطة أسامه الحسيني

مخاطر البيع بتوكيل ان لو قدر الله والعربيه عملت حادثه هتكون العربيه مسجله باسمك وتكون مضطر انك تثبت مش انت الى عملت الحادثه

شكرا لحضرتك على التنبيه