الموضوع: محتاجة مقارنة

ال byd تفصل اتنين من الباندينو .. والفاو دريم دى انا عمرى ما شوفتها فى الشارع
بس الباندينو هاتبقى مناسبه ليكى اكتر كبنت

المشاركة الأصلية كتبت بواسطة marwa1790

شكرا لحضرتك بس حضرتك تقصد بايه ان البي واي دي تفصل ٢ من الباندينو كحجم ؟؟؟؟ تاني حاجة هل دي افضل اختيار ليا وخاصة اني سواقتي للاسف مش ناعمة لان كان معايا قبلها فيات ١٣٢

اقصد فى الحجم وف كل حاجه

ميزانيه حضرتك كام الاول وعاوزه جديد ولا مستعمل .. علشان انا شايف ان الباندينو هاتكون عاوزه معامله كويسه شويه وخصوصا ان حضرتك نازله من 132

المشاركة الأصلية كتبت بواسطة marwa1790

انا معايا اربعين وعاملة حسابي اني اقسط الباقي ومش عارفة ايه حيبقي معقول في الرانج ده وفي ناس اقترحت اني اجيب صيني زيرو واريح نفسي من المشاكل ٥سنين ولا فيه اقتراح افضل ؟

للاسف دلوقتى علشان الواحد يركب عربيه زيرو كويسه ب 100,000 بقى صعب يلاقى حاجه كويسه يعنى مثلا البيكانتو عدت ال 100 الف وانا شايف انها متستاهلش اكتر من 40 الف والكلام بردو بينطبق على الباندينو هيا تقريبا سعرها اول فئه من حاجه وستين لغايه اعلى فئه حاجه و تمنين ... يعنى انا رأيي بالمبلغ ده ممكن تشوفى دايو جوليت حاله نظيفه هاتكون ب 40 الف ومفيش اقساط او حاجه اعلى زى صنى او اوبترا او لانسر او جين 2 حالات نظيفه موديلات من 2006 ل 2009العربيات دى كلها أحسن بمراحل من العربيات اللى زى الباندينو والبيكانتو والاى تين .. الخ .. ده مجرد رأى فقط ولحضرتك حريه الاختيار وانا تحت امرك فى استفسار .