تبريد حجرة تخزين مسند اليد فى الفلوانس فيس ليفت...اكتشاف يا كوتش!!!!

**Hany Saad** · 07-06-2014 10:54 PM

كما هو معتاد....كل فترة لازم نكتشف شىء جديد فى الفلوانس!!!!
المرة دى اكتشاف ان حجرة تخزين مسند اليد بتتبرد مع التكييف بدرجة غير طبيعية!!!
طبعاً كلنا عندنا حجرة التخزين تحت مسند اليد الأمامى و انا متعود احط فيها بعض الحلويات و محفظتى و سلسة المفاتيح
بقالى كذا مرة ألاحظ ان بعد مشوار من الأسكندرية للقاهرة و لما بوصل و اجى امسك المحفظة و سلسة المفاتيح بلاقيهم ساقعين بطريقة ملحوظة جداً!!! الأول قلت تكييف العربية كويس و كده و مخدتش فى بالى
و بعدين اصبح الموضوع ملفت جداً و خصوصاً بعد اشتداد الحرارة فى الموجات السابقة بيبقى الفرق ملحوظ جداً....بس حجرة التخزين مغلقة جيداً بالمسند....ازاى التكييف بيدخل جوه و يبرد بالقوة دى؟؟!!
و فجأة وجدتها وجدتها و افتكرت ان الفلوانس فيها مخرج تكييف خلفى بيعدى بالظبط من تحت حجرة تخزين مسند اليد و هو اللى بيبرد الحجرة دى بالطريقة الجامدة دى....
يا ريت تجربوها و تحطوا فيها كنزات حاجة ساقعة و تقولولى ايه رأيكم؟
انعش نفسك فى الصيف
تحياتى

**M R. Z E C O** · 08-06-2014 12:13 AM

المشاركة الأصلية كتبت بواسطة abohend

ميزة كويسة
بس ممكن تبقى عيب في نفس الوقت
لأني لو حاطط في الحجرة دي جهاز ممكن يبوظ من الندي و لو حاطط نضارة هتشبر
و لو ساندويتش سخن هيبرد

الlandcruiser عاملة الموضوع ده بصورة أفضل
في زرار لتشغيل تبريد غرفة التخزين (و تعامل أنت براحتك)

طب ما الاس 600 والرولز فيهم حجات احسن

**ahmedelfeky** · 08-06-2014 12:30 AM

الله ينور ياهاني بيه طول عمرك سباق بالحاجات اللي فايته علينا
اعتقد لو قفلنا الفتحات الخلفيه للتكييف هتسقع درج التخزين اكتر منها مفتوحه
وعلي فكره في وصله بتركب ف التوكيل ب 80 جنيه لدرج التابلوه دي بقي حصري انت لازم
تنضم للجروب بتاعنا ع الفيس بقي ياهندسه

**yalahwy2010** · 08-06-2014 07:37 AM

الله ينور يا باشمهندس هانى

**yasser100** · 08-06-2014 08:01 AM

المشاركة الأصلية كتبت بواسطة ahmzd

سيارة رائعة حقا، بارك الله لأصحابها فيها، ورزقنا واحدة منها.

ربنا يرزقك و يرزق الجميع

**MoHaMed HaMeD** · 08-06-2014 10:46 PM

ياريت ياريس تنورنا فى الجروب ع الفيس يسعدنا ويشرفنا وجودك

**miceg** · 09-06-2014 05:06 PM

اكتشفتها النهاردة لما رجعت من الغردقة يامسيو هاني
لكن فنفس الوقت الطابلوه كله كان ساقع
بس ممكن تقول بسبب وجود مخرج تكييف خلفي بجوار المسند فالجو متظبط أحسن جوة المسند

**Hany Saad** · 09-06-2014 05:44 PM

خالد باشا....أولاً حمدلله على السلامة
أعتقد زى ما الكبير أحمد باشا الفقى قال أن يمكن غلق المخارج الخلفية بيزود هذا الأحساس....لأنى تجربتى كانت مبنية على غلق المخارج الخلفية لأنى بكون لوحدى فى العربية و أنا مسافر....التبريد كان مرضى جداً و أسقع بكتير من جو التكييف العام داخل السيارة.
يا ترى حضرتك كنت فاتح المخارج الخلفية و لا لأ؟

تحياتى

كويسة -

الموضوع: تبريد حجرة تخزين مسند اليد فى الفلوانس فيس ليفت...اكتشاف يا كوتش!!!!

LinkBack

أدوات الموضوع

عرض

تبريد حجرة تخزين مسند اليد فى الفلوانس فيس ليفت...اكتشاف يا كوتش!!!! - انشر الموضوع فى :

-

-

-

-

-

-

المواضيع المتشابهه

مسند اليد الحلو ده

مسند اليد

مسند اليد

صور مسند اليد أخيرا

مسند اليد او الذراع

الكلمات الدلالية لهذا الموضوع

المفضلات

المفضلات

ضوابط المشاركة