حجزت ياريس الجديده 1500 cc وأتمنى يكون اختيار موفق

**Waleed_zayan** · 08-06-2014 05:09 AM

الاخوه الأعزاء ، حجزت النهارده الياريس الجديده 1500 cc الفئه الاولى اللون فيرانى ، السعر 143500 جنيه من سمير ريان ، والاستلام اخر الأسبوع بإذن الله بورقها والإفراج الجمركى حسب كلامهم ،
سؤال للأعضاء اللى استلموها ، المفروض استلم معاها ايه ؟ واخد بالى من ايه ؟
وأتمنى يكون اختيار موفق ان شاء الله

**Optiplex** · 08-06-2014 06:11 AM

حضرتك اخدت القرار بالحجز يبقى مقتنع بالعربية بلاش تقلق نفسك منها و اديها شوية ثقة و هى فعلا احسن اختيار فى الفئة دة كان المنافس بتاعتها هى البيجوو 301 خصوصا لما كانت 1300 سى سى مع انى مبعترفشى بالبيجو الاقتصادى البيجو يا يتركب فئة 508 يابلاش فكدة مافيش قدامك غير كوري يا انا لو عرفت تطلع شوية للكورولا او الفلوانس يبقى ممتاز مقدرتش يبقى مبرووك عليك اسم عريق وواقف فى ظهرك