ياجماعه ياريت مساعده ضروري بعد اذنكم

**AhmedBale11** · 08-06-2014 05:23 PM

انا ولا مره في حياتي سوقت بايك
وناوي اشتري بايك بعد شهر تقريبا
لسه مش بعرف اسوق عندي كذا سؤال معلش
هحتاج وقت قد ايه على ماتعلم السواقه وهل هتكون سهله ولا صعبه وفي حد بيعلم ولا لا
كتير نصحوني ابدا ب 250 او 400 لكن اشكالهم مش عاجبني وحاسس انهم موتر ضعيف
وان شاء الله ناوي على600 او 900 او 1000 rr
بس بيقولو خطر على انك اول مره تسوق .. ممكن اعرف خطر ف ايه وهل لازم اجيب اقل حاجه فعلا
وسؤال كمان هل صحيح ان اللي اول مره يسوق لازم يدووق الاسفلت :D

ياريت يجامعه تجاوبوني على الاسئله دي
وشكرا

**Eng_hatemfathy** · 08-06-2014 06:44 PM

متابع
وكنت عملت جوله من كام شهر ورسيت علي برافا ٢٠٠ تريلا او بينللي ١٥٠ تريلا
اشكالهم حلوة وسعرهم حنين وتسارعهم مش جامد وقعدتهم تخلي الواحد يتعلم بسهوله مش زي الريس الواحد مكفي علي وشه ممكن ينسي فيم الفرامل:-)
بس طبعا الظروف الامنية وقفت الواحد شوية لما نشوف اخرتها ايه

**Abdm** · 09-06-2014 12:24 PM

بص يا أخى الكريم نصيحة لآى مبتدىء لا يركب الا مكنة 150 فى الآول يعنى لا يفضل تطلع الى 180 أو 200 وممنوع ال 250 أو الآعلى علشان تتعلم على مكنة خفيفية وسهلة التعامل والحركة .

ثانيا : المشى دة بستر ربنا سواء كان عربية أو دراجة .. والجميع راكبى الدرجات معرضون للوقوع على الآسفلت بسهولة جدا وكلة بستر ربنا فى الوقعة وفى الغالب بتكون خفيفة ومجرد كدمات أو أحتكاكات بسيطة ممكن قطع قميص أو بنطلون و حسب الظروف والسرعة . لكن الخلاصة ما فيش حد كبير نهائى على الوقوع من على الدرجات مهما كانت خبراتة ومن أقل حاجة و لآسباب تافه جدا وكلها أقدار ونصيب وكلنا ماشين بستر ربنا ولطفة وكرمة علينا .

أهم حاجة أية البهريز فى الموضوع .. الدعاء والآهم الآستغفار و أنت راكب وتذكر ربنا ولا تنسى دعاء ركوب الدابة أو السيارة أو الدراجة .

وربنا يسترها علينا جميعا