الموضوع: تقرير مصور عن تركيب طقم نواكل واسبويلر لسيراتو 2014

السلام عليكم ورحمة الله وبركاتة،،،،،،،،،،

الموضوع انى بعد ما اشتريت السيراتو ، و كنت بعمل SEARCE للمواضيع والصور الخاصة بها على الانترنت، اتكعبلت فى موقع بيعرض الاكسسوارات وبعض قطع الغيار الخاصة بالسيراتو2014 ، ودى اللينك بتاعة

www.ebay.com

وعجبنى ان الاكسسورات المعروضة صناعة كورى ، ومن نفس المصانع المغذية البتورد لمصانع السيارات فى كوريا ومنها كيا وهيونداى وشيفورلية،،،،،،،،،

فتوكلت على الله ، وعملت ORDAR باربع طلبات عبارة عن اطقم نواكل خاصة بمقابض الابواب والفوجات والفريم الخاص بالابواب ، وأسبويلر خلفى باضائة LED وبنفس لون السيارة.

تم دفع القيمة من خلال الفيزا كارد ، وتم استلام الطلبات على دفعات نتيجة اختلاف المورد من طلبية لاخرى (كلها موش من نفس المورد) ، وتم استلام اول طلبية بعد10ايام واخر طلبية وصلت بعد 20 يوم.

بعد استلام الاربع طلبات وبعد ما تم التاكد من سلامة القطع ومطابقاتها لل ORDAR، تم التركيب من خلالى وبدون اى مجهود او مساعدة ، لان كل القطع بتركب بشريط دبل فيس 3M الامريكى ، حتى الاسبويلر .

بالنسبة للتكلفة :

أجمالى السعر بالدولار للاربع قطع 342$ شامل مصاريف الشحن ، وتم السداد من خلال الفيزا كارد وخصم المعادل بالجم (2490جم).

تم اضافة جمارك واكراميات وخلافة فى حدود 410جم، يعنى جملة التكلفة حوالى2900جم.

طبعاً لو السعر يعتبر عالى ، هيكون نتيجة عدة عوامل :

- ارتفاع سعر الدولار لان البنك محاسبنى على اساس سعر الدولار( 7.23تقريباً). - المصدر كورى ، وكمان علشان الموديل لسة جديد ، انا شوفت نفس طقم نواكل المقابض للهيونداى IX35 موديل 2012 اقل حوالى 25%.

- كمان علشان انا بشترى قطعة واحدة ، السعر وتكلفة الشحن والمصاريف بتكون عالية ، لانها موش سعر تجارى والتكلفة متحملة على قطعة واحدة.

بس يا جماعة فرق الجودة عالى عالى عالى عالى عالى.

طبعاً ممكن واحد يسالنى، لية ما جبتهمش من مصر؟

اولاً/ الكماليات دى لسة مانزلتش مصر.

ثانياً /البينزل مصر فى الغالب الصينى او الدرجة الاقل جودة، لاكن الاصلى غالى ومفيش مستورد بيوافق يجيب منة كمية علشان معدل البيع هيكون ضعيف جداً.

مثلاً طقم نواكل المقابض الصينى الموجود فى مصر لاى عربية سعرة لا يتعدى50: 70جم ، و الطقم الشارية تكلفتة تقريباً 300جم .

ثالثاً/ فعلا ياجماعة فى فرق جودة عالى، والحاجة والالوان متطابقة مع العربية بالضبط وعلشان كدة كان التركيب سهل جداً لانك موش محتاج توفق حاجة.

ودلوقتى هسيبكم مع الصور، طبعاً هتلاحظوا ان النواكل عملت شغل عالى علشان لون العربية اسود، ودى كان قصدى انى اكسر حدة الاسود شوية.

وفى الاخر انا جاهز لاى استفسار أوسؤال أومساعدة، ولو اى واحد حابب يشوف على الطبيعة لو بيفكر يشترى انا تحت امرة.