استفسارات بخصوص تغيير زيت الفرامل للماروتى

**waelgam2005** · 09-06-2014 08:07 PM

عربيتى موديل 2012 وعامله 37 الف كيلو وبقالها معايا سنتين وشهرين ومغيرتش زيت الفرامل قبل كدا فا عاوز اعرف الحاجات دى بعد اذنكم :
- فيه مشاكل لو حطيت زيت فرامل دوت 4 لانى اللى اعرفه ان الماروتى بيتحطلها دوت 3
- ايه افضل نوع فى الزيت سواء كان دوت 3 او دوت 4
- ياريت اى حد يقولى طريقة تغيير زيت الفرامل علشان ابقى عارف لما اوديها لاى حد يغيرلى الزيت
- اخر استفسار انا مكشفتش على التيل قبل كدا بس الفرامل كويسه معايا ماعدا لما باجد اشد الهاند بريك بسمع صفاره من ورا ومبسمعهاش لما بفرمل فهل ده تيل خلفى ولا ايه ؟
وشكرا ليكم

**M R. Z E C O** · 09-06-2014 08:18 PM

لو عايز الحق ..حطيت دوت 3 او 4 مش هتفرق قوي طالما فيها 3 ريح دماغك ......وخلي البيغير الزيت يكشفلك عالصفارة وكده الموضوع انتها

**lidosasa** · 09-06-2014 08:30 PM

طبعاً لا ينصح نهائياً بتغيير الزيت إلى dot 4 لأنه مش مناسب للعربية وحيعمل مشاكل كتير خليك فى ال dot 3 وفيه أنواع كتير لكن الناس كلها بتشكر فى بيندكس ولوكهيد نوعين محترمين وتروح لفنى فرامل محترم يبص ليك على التيل ويغير ليك الزيت ويسحب هوا من دورة الزيت