الموضوع: مشكله فى الكلاكس

يا باشا لا توكيل ولا غيره لو عربيتك فى الضمان ومش عاوز تتعب نفسك وديها وريح دماغك بس لو حابب تشتغل بإيديك الخطوات كالأتى هنجرب كل خطوة على حدا واللى ماتنجحش ندخل على الخطوة اللى بعدها يعنى مش شرط تعملهم كلهم.
1-غير الكتاوت من علبه الفيوزات اللى فى الكبوت قبل ما تجرب مثلا غيره بكتاوت النور وانت ماشيى بالنهار وسيبه طول اليوم وانت بتتحرك وشوف هيعلق معاك ولا لا
2- الكلاكس بيشتغل بسلكين عادي خالص هتاخد وصلتين من البطارية الموجب والسالب وتوصلهم بالكلاكس وخد بالك علشان ما تتخضش :d
3- لو بتعرف تفك الطارة فك وش الطارة ووصل وصلتين بلدي فى الريش بتاع الطارة والأرضى وتركب الطارة تانى كدا لما تلمسهم الكلاكس هيشتغل ودي علشان نتأكد ان الطارة فيها مشكلة ولا لا .


كدا انت تكون عملت كل اللى ممكن يتعمل وان شاء الله توصل للمشكلة