الموضوع: بعد ما لفيت على المعارض احترت اكتر

السلام عليكم
عاوزة احكيلكم على الى لاقيته واخد رأيكم وافيد حد غيرى
انا كنت بدور على مستعمل فى حدود 70 وبعد كده استقريت انى اجيب جديد بالقسط
مواصفاتى
اتوماتيك / تستحمل مشوار طويل يومى / عائلية الى حد ما يعنى مش ليا لوحدى وعندى عيال / قطع غيارها معقولة / سعر اعادة بيعها يبقى كويس عشان لو مقدرتش اكمل قسطى او حصل اى حاجة او حبيت اغير اقدر ابيعها / وسائل الامان عالية عشان جديدة فى السواقة
لفيت على كذا معرض منهم BAuto - الحاوى - موتور وان - الشناوى - وكلمت اللليثى والملك وسمير ريان

اختياراتى فى الأول كانت بين جين 2 و نيسان الشكل القديم
بعد ما شفت
جين 2 - نيسان قديم - نيسان سوبر صالون جديد - سيراتو- ريو - النترا - افيو - وشدانى بيجو 301 وهقلكم على كل حاجة لوحدها معلش هطول بس عشان لو حد حابب يعرف الى عرفته :
جين 2 استقريت عليها بعد بحث من على النت سعرها 116 اقل معرض 114
استقريت على Bauto عشان عامل اول سنة تأمين مجانا وكنت هقسط على بنك القاهرة عشان تبع شغلى بفائدة 8.2 % وهدفع 40% وشركة التأمين وثاق بفائدة 3.25
بس بصراحة فعلا التقفيل بتاعها على ادها على الرغم مواصفاتها حلوة وهى مش واسعة اوى يعنى فى حجم الافيو مثلا فى الكنبة الى ورا
لما شفت الحجات التانية شكلها و وسعها احلى بس الاوبشنز اقل
نيسان القديم قالى Bauto كل الالوان فى نفس سعر الجين
الجديد السوبر عاملة 127 الف وال Ex عاملة 117
لسيراتو وكيل بيتكلموا فى الفئة التانية فى حدود 144 فى كل المعارض تويد الفين تنقص الفين
الريو 138 وكيل ومفيش خليجى بس كان العرض الاحلى فى الحاوى الفئة التانية خليجى 144 بالضمان
الافيو 102
بيجو 301 استلام فورى 130 بعد شهرين 126 تقفيل اسبانى ونازل عليها خصم 15 الف عشان اول اصدار 2015
النترا 147
الخلاصة ان كل المعارض زى بعض فعلا الى بيشيله فى سعر العربية بيحطه فى حاجة تانية وده بعد الحسابات بالورقة والقلم مش هتفرق فى الف مثلا فى قصة القسط والاهم خدمة المعرض ومخازنه فين ومدى اعتنائهم بالعربيات
كلع حابب يبيع ومش بيقولوا كل حاجة مرة واحدة الا اذا كنت عارف ومدور كويس وبتأل على كل التفاصيل
بالنسة للفوائد على حسب المقدم 30% النسبة 10% لو 40% تبقى 9% لو 30% تبقى 8% وبتزيد وتقل .5% على حسب المعرض وعلى حسب العربية والبنك

طبعا المقارنات بعيدة عن بعضها بس انا مش مستريحة اوى للجين 2 وبالذات اهم عيب فيها سعر اعادة البيع وده شئ مهم برده

النيسان المصرى مش عجبانى خاااالص القديمة برقبتها بس فاضية يعنى اجيب حاجة فاضية بسعر اقل
لو عليت شوية فى هطلع فى الريو والبيجو مقارنة بين كورى وفرنساوى تقفيل اسبانى

سيراتو عالى اوى سعر الفئة العالية معقول الفاضيو بس اعادة بيعها مضمون زى الانترا
افيو ارحم الموجود فى السعر وانها كورى وكده بس انا عارفاها مش واسعة وفاضية وضعيفة مضفعش فيها 102 ولسة فوايدهم


انا كده قلت الى لاقيته عشان لو حد حب يعرف بس بجد مش عارفة اعمل ايه ياريت تنصحونى بسرعة عشان عاوزة اتصل بالمعرض واوقله استنى على الجين دلوقتى لأنى مش مستريحة اوى ليها

افيدونى الله يخليكم ومتتأخروش عليا بالله عليكم

الصني الشكل القديم حلوة .. والبيجو 301 أحدث وأكتر كماليات وأوسع وأقيم و .. أحلى .. والله أعلم.