تويوتا تستدعى اكثر من ٢ مليون سياره لوجود عيوب فى الوسائد الهوائيه

**م/محمد صلاح** · 11-06-2014 03:50 PM

رابط الخبر
تويوتا تستدعي أكثر من 2 مليون سيارة من ضمنهم كورولا وياريس لوجود عيوب تتعلق بالأمان - نايل موتورز

**ashouhdy** · 11-06-2014 04:21 PM

هي اية حكاية العربيات الجديدة

التكنولوجيا وسعت منهم ولا اية

**midooo_119** · 11-06-2014 06:33 PM

تانى يا تويوتا

**bassem.naguib** · 11-06-2014 07:59 PM

انا مش متأكد من الكلام اللي حقولة إذا كام مظبوط ولا لأه .. ولكن على حد علمي أن هذه الاستدعاءات تمت للسيارات التي تصنيعها في مصنع أمريكا الشمالية .. وهذا لموديلات سابقة وليس للموديلات الحالية ..

يا ريت لو كان فيه لينك لجهة أجنبية تؤكد أو تنفي كلامي ده .

**Mohamed.Hany** · 11-06-2014 08:04 PM

الخبر صحيح و لكن في تفاصيل في الخبر الاصلي من ال dailymail و ال huffingtonpost
Toyota recalls 2.27million cars over defective airbag that could explode - and Honda and Nissan could be affected too | Mail Online
Toyota Recalls 2.27 Million Cars For Airbag Glitch
تكملة الخبر

١. الاستدعاء لبعض الموديلات مثل كورولا تندرا ياريس مصنعة عام ٢٠٠٣ و ٢٠٠٤ و لكزس موديل ٢٠٠٢-٢٠٠٤ مصنعة في السوق الامريكي و ليست للموديلا الحديثة ٢٠١٤
٢. تم استدعاء اكثر من ٣.٦ مليون سيارة هوندا و نيسان و BMW لنفس المشكلة في الايرباج العام الماضي و ده عشان هما مركبين نفس الايرباج من نفس الشركة المصنعة لتويوتا عشان هي بتورد لشركات كتير و اسم الشركة دي تاكاتا اليابانية.
٣. المشكلة حدثت في ايرباج تويوتا في حالة واحدة فقط فتم استدعاء جميع السيارات المجهزة بهذ الايرباج للتغير لوجود عيب من الشركة الموردة و حاليا تحصر شركات نيسان و هوندا عدد السيارات التي بها ذا النوع للاستدعاء
٤. الاستدعاء لاحتمالية حدوث عطل او عطل محتمل و الاستدعاء ده بتقوم بيه كل الشركات زي هوندا و نيسان و مرسيدس و اوبل و شيفروليه و BMW
٤. جنرال موتورز تسببت في قتل ما يزيد عن ١٣ شخص بسبب الايرباج و الفرامل و متحركتش غير السنة دي
GM recalls 2.7 million vehicles in U.S. - Chicago Tribune

**Mohamed.Hany** · 11-06-2014 08:12 PM

المشاركة الأصلية كتبت بواسطة ashouhdy

هي اية حكاية العربيات الجديدة

التكنولوجيا وسعت منهم ولا اية

دي حقيقة و لكن المشكلة في العربيات القديمة زي مواضح في المقال عام ٢٠٠٢ الي ٢٠٠٤

المشاركة الأصلية كتبت بواسطة حوكشه

انا كنت هشتريها كمان اسبوع بس قلقت جداااااا

ماهوش علاقة بالجديد

المشاركة الأصلية كتبت بواسطة م/محمد صلاح

وانا كنت هاشتري برضه الياريس ال ١٥٠٠ لمراتى كمان اسبوع .. بس بخ كده خلاص
وفى الاخر تلاقى اللى يقولك اعتمادية تويوتا .. سلملى على الاعتماديه

الحمد لله ان الخبر طلع قبل محضرتك تشتري حظك كويس ،
بس بعد مقريت المقال لقيت الاستدعائات شملت هوندا و نيسان و bmw عشان بيتعاملو مع نفس الشركة الموردة للايرباج ، و الاستدعائات بتاعة جنرال موتورز اللي قتلت ١٣ شخص بسبب الايرباج في شيفروليه و غيرها مش عارف بقي حضرتك بعد مصرفت نظر عن التويوتا و لقيت برضو الشركات المنافسة عندهم نفس المشكلة اختيارك هيكون ايه ، فعلا هتبقي حيرة جامدة.
خصوصا ان الاستدعائات دي للعربيات القديمة في اوائل ال ٢٠٠٠ ، هو حضرتك هتشتري زيرو و لا مستعمل ؟

**midooo_119** · 11-06-2014 08:35 PM

يعنى بيعملوا استدعاء لعربيات بقالها 12 سنه ؟؟؟؟؟

**Mohamed.Hany** · 11-06-2014 08:42 PM

المشاركة الأصلية كتبت بواسطة midooo_119

يعنى بيعملوا استدعاء لعربيات بقالها 12 سنه ؟؟؟؟؟

عادي مدام عيب صناعة و بيتسبب في مشاكل ، زي اخر استدعاء لتويوتا السنة اللي فاتت ل ٢ مليون عريية و موديلاتها كانت قديمة برضو اوال ال ٢٠٠٠.
و جنرال موتورز بعد ممات ١٣ شخص بدائو الاستدعائات لموديلات قديمة سابقة و هو ده الصح.
الصح هو الاعتراف بالخطأ و الاقوي هو من يملك القوة للاعتراف و الاستدعاء للاصلاح.
و ده اللي يخليك متطمن لبراند معين انه بيستجيب بسرعة و ياخد خطوات للاصلاح حفاظا علي سمعته زي مثلا تعديل ارتفاع العربية اللي كلف الشركة اكتر من ١٢٠٠٠ جنيه للعربية.
معتقدش ان ده ممكن ياثر علي الشركة قوي عشان كل الشركات مؤخرا عملت الاستدعاء ده عادي

الموضوع: تويوتا تستدعى اكثر من ٢ مليون سياره لوجود عيوب فى الوسائد الهوائيه

LinkBack

أدوات الموضوع

عرض

-

-

-

-

-

-

-

المواضيع المتشابهه

تويوتا تستدعى 6.39 مليون سيارة بسبب عيوب

سؤال فى الوسائد الهوائيه للكورولا 2014

فورد تسحب مليون سيارة لوجود مشاكل بخزان الوقود

تويوتا وفرت اكثر من 100 مليون دولار

الكلمات الدلالية لهذا الموضوع

المفضلات

المفضلات

ضوابط المشاركة