هوة ممكن عربية فيها ايموبﻻيزر تتسرق

**tito29** · 12-06-2014 03:37 PM

الحرامي المحترف عادة بيقطع العربية و تتباع قطع غيار و أجزائها تتوه في وسط قطع غيار السيارات الأستيراد
و طبعا ده بيحصل بسهولة جدا في السيراتو و الألنترا و مع حجم الطلب الرهيب علي قطع غيارهم و صعوبة ملاحقة مصدر قطع الغيار (أللي مصدرها عربيات مسروقة طبعا)

في العربيات التويوتا و الألماني بتكون نفس نظرية تغيير الكنترول يونيت بس مع الفارق الرهيب في أن لو ظهرت قطعة غيار واحدة لموديلات حديثة فالشرطة تستطيع ببساطة جدا ملاحقة هذا المصدر (و كمان كتير من هذه القطع عليه تكويد يعني تقدر تعرف أصل العربية المتاخد منها القطع) و ده بالأضافة ألي أن قليل جدا من راكبي هذه السيارات عايز يشتري قطع غيار مستعملة
يعني مافيش طلب و كمان مخاطرة كبيرة للحرامي يبقي حايسرقها ليه؟

هي كلها عرض و طلب و مش فرق تكنولوجيا لأن الأيموبيلايزر هو هو واحد و نفس الفكرة

**a7medalaa** · 12-06-2014 03:51 PM

مفيش اي نظام حماية ملوش ثغرات بس الفكرة ان ال immobilizer هيصعب عملية السرقة جدا وهيقصرها علي العصابات المتخصصة فقط و مش اي حرامي معدي في الشارع كده هيقوم كاسر زجاج العربية و سارقها عشان الكلام ميكونش نظري اوضح اكتر :

اولا هو ايه ال immobilizer و ايه مكوناته ؟
ببساطة و بدون دخول في تفاصيل فنية الايموبلايزر بيتكون من Control unit و sensor و Original key بتاع العربية
الفكرة: لما تحط المفتاح في الكونتاكت تيجي تدور ال ECU بتاع العربية مش هيسمح بحقن البنزين (يعني العربية مش هتدور) الا لما يجيله Signal بقيمة معينة من ال sensor اللي بيكون راكب قريب من الكونتاكت عشان يحس ان المفتاح الاصلي بتاع العربية موجود ... طيب لحد دلوقتي نظريا العربية مستحييييل تدور من غير مفتاحها الاصلي .. مظبوط بس ده نظريا انما في مشكلة ايه هي ؟ دلوقتي تخيل معايا لو المفتاح الاصلي ضاع ايه اللي هيتم ؟ سهلة هجيب ال Spare وهدورها و اروح اعمل عليه مفتاح في التوكيل ... كوييس طب لو ال immobilizer unit نفسها هي اللي باظت ايه الحل ؟ بسيطة برضوا هروح التوكيل اشتري ايموبلايزر unit جديدة و اخليهم يبرمجوا مفتاح جديد و ندورها بس يا سيدي اديك قلت بنفسك المشكلة ... المشكلة انك لو شيلت الايموبلايزر unit وركبت واحدة جديدة متبرمجة علي مفتاح معين ووصلتها و دورت العربية هتدور يعني لو الحرامي جابها بمفتاحها كده وفك القديمة ووصل الجديدة يحط مفتاحة في الكونتاكت الايموبلايزر(بتاعه) زي الشاطر يقري مفتاحه و يconfirm ان ده المفتاح الاصلي ويبعت ال signal لل ECU والعربية هتدور عادي جدا ! ... طب ليه انا قولت انه هيقصر السرقة علي العصابات و هيصعبها جدا ؟ لان اولا ال immobilizer بتاع ال BMW 3 series مثلا ممكن يكون غير ال 5 series غير بتاع الالنترا غير بتاع الكروز غير بتاع الفلوينس بمعني اصح الحرامي عشان يسرق مثلا سيراتو هيشتري ال immobilizer unit الخاص بيها ويبرمج عليه مفتاح و يروح يسرقها .. تاني مشكلة ؟ اليموبلايزر بيكون متخبي عادة في مكان سخيف و مش سهل الوصول اليه و عند الحرامي عامل الوقت شيئ مهم جدا ده غير ان العربيات اللي فيها انذار اول ما تفك فيشة الايموبلايزر الانذار هيشتغل و تفضح الدنيا و لو عمل فيها ذكي وفك فيشة البطارية و ووصل بعدها رجع فيشة البطارية اول مايجي يركب فيشة البطارية العربية هتشغل الانذار برضه و هتفضح الدنيا لو بقي تغلب علي كللل ده هيوصل الunit اللي معاه و يدور :D :D ببساطة شديدة في الظروف العادية شبه مستحيل ان العربية اللي فيها ايموبلايزر تتسرق بس يظل فيه ثغرات للنظام يمكن استغلالها بس صعبة و محتاجة العربية تكون مركونة في منظقة مقطوعة عشان ياخد راحته :D ربنا يحمي عربياتنا و يستر طريقنا ..

**tito29** · 12-06-2014 04:04 PM

في السيراتو و الألنترا بيكون الحرامي معاه كنترول يونيت شغال من غير أيموبيلايزر أساسا و بيفتح الكابوت و يشيل القديم و يركب أللي معاه و ده بيتم بسرعة جدا لأن الكنترول يونيت علي الوش جانب البطارية علي طول و بعدها يدخل العربية يكسر فبرة الدركسيون و بأستعمال مفك صلب يكسر قلب الكونتاكت و يلفه تلاقي العربية دارت و بالسلامة طار بالعربية.

ربنا يسترها علينا و عليكم

**abdoumahros** · 12-06-2014 04:07 PM

المشاركة الأصلية كتبت بواسطة eslam34

يعني برضو الحرامي بيسرقها بنفس السهولة وﻻ الموضوع بيكون صعب وﻻ ايه وﻻ الواحد ميشتريش عربيات في البلد دي

الموضوع سهل جدا بدليل سياره صديق لي
النترا 2013 كان في دريم بارك وركن العربيه في الباركنج وسابها لمده 10 دقايق بس لانه افتكر انه نسي السجاير ورجع للعربيه ولم يجدها معني كده انها اتسرقت في اقل من 10 دقايق
ويدل ان اللص كان شايفه وهوا بيركنها
الحمد لله الشرطه رجعتها بعد حوالي 3 شهور وكانت الفبره اللي تحت الدكسيون مخلوعه وفي اسلاك طالعه الباشا الحرامي بيوصل اسلاك معينه بتلغي الانذار والامبوليزر ازاي معرفش وودينا العربيه للتوكيل وظبطها وعلي فكره العربيه اتمسكت في كمين يعني كانت ماشيه موش مركونه

**ashouhdy** · 12-06-2014 04:18 PM

معلش توضيح بسيط
حني لو غير الكونترول لازم يكون معاة المفتاح الاصلي بالكود الاصلي

مينفعش يتغير من غير ما ياخد الاوك من الاصلي

حتي التوكيل عشان يطلع تكويد لمفتاح جديد لازم يبعت للشركة الام وهي اللي بتديلوة الكود.

الكلام دة ثقة.
ومؤكد

حاجة تانية مفيش اسلاك تلغي عمل الايموبيلايزر

وعشان يغير ايموبيلايزر العربية محتاج 3 حاجات

المفتاح الاصلي
الكود الاصلي
كونترول يونيت جديد متكود بالشفرة الجديدة

**ashouhdy** · 12-06-2014 04:26 PM

متديش المفتاح الاصلي ابدا لاي حد

و احتياطي غطي رقم ال vin

ومتقلقش ان شاء الله

**M.ABDOU** · 12-06-2014 05:50 PM

انا ليا زميل ليا مهندس خبره جداااااااا شغال فى مرسيدس ومعاه شهادات من البرازيل والمانيا فى مرسيدس

المهم قعدت معاه مره بنتكلم فى الايموبلايزر وطريقه عمله

الخلاصه

بالنسبه للعربيات العاديه بتاعتنا التيوتا او البيجو او اللى مثلهم علشان تتخطى الايموبلايزر انت محتاج الاتى

حضرتك حتجيب كنترول يونت مع الفحمه بتاعتها ( الجزء اللى راكب فى الكونتكت ) مع المفتاح المشفر بتاع الكنترول ده

وتركبهم التلاته مع بعض واحتمال برضه ان الموتور ميدورش برضه وارد لاختلاف بعض موديلات الكنترول

العربيات اللى زى مرسيدى او بى ام دبليو

العربيات دى مبيكونش فيها كنترول يونت واحد بس

على سبيل المثال لا الحصر مرسيدس فيها ما يقارب 14 كنترول يونت وعلشان تدور كلهم لازم يأكدوا ان المفتاح ده بتاع العربيه دى وحتى لو غيرت كنترول يونت بتانيه من الوكيل نفسه لسبب مثلا ان الكنترول باظت لازم الكنترول الجديد يتعرف على الكنترولات التانيه

حاجه كده لان كل واحد ليه mac address لوحده وبيتم ده عن طريق جهاز الكمبيوتر

الخلاصه لو عربيتك مرسيدس او بى ام دبيلو او ما شابه حطها فى نص الطريق واجعص اجعص اجعص حرامى مش حيقدر يمشيها الا بمفتاحها او يحملها على ونش

حتى الجر مش حتتجر معاه

لو عربيتك زى الفئه العاديه الموضوع شبه مستحيل ا للحرامى العادى ويكون صعب جدا لو حرامى مثقف

**M.ABDOU** · 12-06-2014 05:56 PM

المشاركة الأصلية كتبت بواسطة abdoumahros

الموضوع سهل جدا بدليل سياره صديق لي
النترا 2013 كان في دريم بارك وركن العربيه في الباركنج وسابها لمده 10 دقايق بس لانه افتكر انه نسي السجاير ورجع للعربيه ولم يجدها معني كده انها اتسرقت في اقل من 10 دقايق
ويدل ان اللص كان شايفه وهوا بيركنها
الحمد لله الشرطه رجعتها بعد حوالي 3 شهور وكانت الفبره اللي تحت الدكسيون مخلوعه وفي اسلاك طالعه الباشا الحرامي بيوصل اسلاك معينه بتلغي الانذار والامبوليزر ازاي معرفش وودينا العربيه للتوكيل وظبطها وعلي فكره العربيه اتمسكت في كمين يعني كانت ماشيه موش مركونه

يا باشا ما احنا بنقول من الاول ان الالنترا 2013 بتاعه غبور نازله بدون ايموبلايزر

زيها زى البيجو 504 سلكتين ودور

لكن ان اسأل نفسك او سمعت ان فى عربيه تيوتا مثلا من 2008 سمعت انها اتسرق من غير مفتاح او من غير ونش ؟؟؟؟

الموضوع: هوة ممكن عربية فيها ايموبﻻيزر تتسرق

LinkBack

أدوات الموضوع

عرض

-

-

-

-

المواضيع المتشابهه

سادس عربية تتسرق وقتلوا زميلنا

يعنى اية عربية تتسرق من شارع جامعة الدول العربية ؟!

اللوجان ممكن تتسرق

انت ممكن تتسرق اعمل حسابك

هل العربيات اللى فيها ايموبيليزر ممكن تتسرق؟؟

الكلمات الدلالية لهذا الموضوع

المفضلات

المفضلات

ضوابط المشاركة