الموضوع: البونتو شكهلها طلعت اونطه

طبعا انا جايب العربيه من اقل من شهر و كنت مفكر انها رهيبه شكلها ممتاز و اوبشنز مناسبه للسعر و تكييف حلو اوي الخ

و لكن شويه بشويه ابتدت مشاكل كل ما اروح لحد الاقيه مش فاهم و بيفتي و قطع الغيار شحيحه

الموضوع ابتدي بالدينامو و بعد عناء بيشحن ضعيف و ماشيه علي كده
اخر حاجه فجاه لقيت السحب ضعيف خالص

يعني من الغيار الاول للتاني ادوس علي الدواسه بالكامل لحد ما تاخد السرعه و كذلك من التاني للتالت ابقي دايس علي دواسه البنزين كلها و تاخد بتاع ١٠ ثواني لحد ما توصل للسرعه

امبارح كان معايا ٣ راكبين و طالع كوبري علي التالت و دايس علي البنزين بالكامل بطيئه جدا !!

كل واحد بكلمه واحد يقوللي طرمبه بنزين وواحد يقوللي رشاشات

الواحد مش هاين عليه يبيعها و هي حلوه بس المشاكل دي بتخلي الواحد يكرهها

المشاركة الأصلية كتبت بواسطة aw2100

بص ماحدش بيبيع عربية مستعمله لو مريحاه وكلنا صرفنا شوية على العربية بعد ماتشتريها لغاية ماتعرف سكه قطع الغيار وتربى عربيتك وتفهمها وبعد كده حترتاح اوى
مشكلة الفيات الحديث لازم ميكانيكى متخصص فيات يشتغل فيها علشان العربيات دى معقدة وحوض الموتور ضيق
و1000 مبروك على عربيتك الجديدة

كلامك مظبوط يا باشا
و عاما اللي بيبع بيبقي في مشاكل مخبيها ( مش قاعده طبعا لكن الاغلبيه كده ) و بييبقي مش عايز يصرف عليها و يسبيب التركه للي بعده

لكن عاما لو انت بتحب عربيتك و مقتنع بيها هاتغير كل حاجه فيها و انت متاكد ان كل قطعه بتتغير هاتريحك في المستقبل طبعا

اهم شئ انك تتعامل مع صنايعيه فاهمه و بتخاف ربنا و مش غاليه

و ربنا يعين الجميع