الموضوع: مشكلة في فتيس التيبترونيك ٦ سرعات للتوليدو ٢٠١٤

عشان الأعضاء الكرام ما يتوهوش وسط الصفحات الكتيرة في المشاركة هحكي هنا اللي تم في العربية و اللينك اللي فوق لمزيد من الاطلاع

وصف المشكلة
اللي حصل ان العربية و هي راكنة و اول ما نقلت عال d نقلت عالخامس مباشرة و مش راضية تغير لا تنزل و لا تطلع المهم نقلت عال N و ارجع تاني مفيش فايدة .. اطفي العربية و اشغلها ساعات تتحل المشكلة و ساعات لأ و حتى لو زبطت ما فيش دقايق و ترجع تاني .. مرة تانية و انا ماشي و العربية واخدة غيار سادس أوتوماتيك سمعت صوت زي خبطة من تحت الفتيس و من بعدها النقلة علقت عالسادس وقفت معلقة نقلت عال N و رجعت لل D رجع عالخامس و في المرة دي لمبة الموتور نورت

الذهاب للتوكيل
رحت التوكيل يوم الجمعة الصبح دخلو العربية عالكومبيوتر و قالو الكمبيوتر مش قاري اي مشكلة و لا حتى لمبة الموتور .. طلعو جربو العربية محصلتش معاهم .. فقلتلهم حد يطلع معايا و انا اللي هسوق لحد ما تطلع و قد كان ظهرت المشكلة بعد حوال ٢٠ دقيقة سواقة و التكييف شغال و اجري و اقف و امشي اول تاني تالت و اقف و هكذا (كنت عاوز احمل عالعربية لأني اعتقد المشكلة ما كانتش بتظهر و العربية باردة)
المهم دخلو العربية عالجهاز و المشكلة موجودة و لقوةالمشكلة متسجلة على ذاكرة الفتيس على حساس السلونويد لكل المرات اللي حصلت فيها (٣ مرات)
طلعو التقرير و قارنوه بالبراءات اللي عندهم قالو دي غالبا مشكلة ويرينج .. شيكو على مستوى الزيت و الفيش الخاجية للفتيس لقوها سليمة .. قالو احتمال تكون الضفيرة الداخلية للفتيس و بعتو التقرير لاسبانيا حسب كلامهم فقالولهم دا ال Valve Body هو اللي فيه المشكلة و هو اللي المفروض يتغير
المهم امبارح وصلهم الفالف بودي و النهاردة ركبوه و قالو هيحطو الزيت بس لازم في درجة حرارة معينة فهياخد وقت و لسه هيجربوا فالمفروض استلم العربية بكرة الجمعة ان شاء الله

دا كدا سريعا اللي حصل .. و انا عاوز استفيد من خبرتكم في الفتيس ده و مشاكله و عاوز اعرف التالي
١- الكلام اللي انا بحكيه و اللي هما عملوه دا منطقي و لا لأ
٢- ايه اهم الحاجات اللي ممكن تسبب مشكلة زي دي عموما و في عربيتي تحديدا و خصوصا ان العربية ما كملتش ٢٠٠٠ كم
٣- هل يمكن تكرار المشكلة دي نتيجة ان في مشكلة اكبر هي السبب و لا دا مجرد عيب صناعة و انتهى
٤- و لو في مشكلة اكبر ممكن تكون في ايه
٥- زي ما ذكرت المشكلة بتبان مع المشيان الكتير او الحر و الزحمة و التكييف حسب رؤيتي و ممكن اكون غلطان .. هل الموضوع ليه علاقة بالسخونة و لا لأ و لو بيسخن ممكن تكون المشكلة فين

١- الكلام اللي انا بحكيه و اللي هما عملوه دا منطقي و لا لأ
منطقى وكمان حسب الارور اللى اتسجل ...طبعا زى ما حضرتك قولت فى السلونويد فالف يبقى العيب فى سلونويد من اللى موجود فى الفالف بودى او الروزتة اللى موصلة للكنترول الفتيس


٢- ايه اهم الحاجات اللي ممكن تسبب مشكلة زي دي عموما و في عربيتي تحديدا و خصوصا ان العربية ما كملتش ٢٠٠٠ كم
عيب تصنيع فى حساس من حساسات الفتيس
٣- هل يمكن تكرار المشكلة دي نتيجة ان في مشكلة اكبر هي السبب و لا دا مجرد عيب صناعة و انتهى
لو المشكلة لم تشخص صح يبقى العيب هيبقى موجود!!!
٤- و لو في مشكلة اكبر ممكن تكون في ايه
ممكن يكون فى حساس من حساسات السرعة اللى على الفتيس
٥- زي ما ذكرت المشكلة بتبان مع المشيان الكتير او الحر و الزحمة و التكييف حسب رؤيتي و ممكن اكون غلطان .. هل الموضوع ليه علاقة بالسخونة و لا لأ و لو بيسخن ممكن تكون المشكلة فين
حسب طريقة حلهم للمشكلة ممكن يكونوا غيروا روزتة بس وممكن يكونوا غيروا فالف بودى بس وممكن يكونوا السلونويد اللى على الفالف بودى ....الايام القادمة هتقدر تعرف هما عملوا اية
بس انا اعتقد انهم ما قالولك غيروا الفالف بودى يبقى غيروة ويبقوا ناس محترمين لو غيروا الروزتة كمان....
ياريت تطلب الاجزاء المستبدلة
وانشاء اللة يكون خير

يجماعه ده فتيس عادي ولي dsg مش فاهم ؟؟

المشاركة الأصلية كتبت بواسطة joe_2004

١- الكلام اللي انا بحكيه و اللي هما عملوه دا منطقي و لا لأ
منطقى وكمان حسب الارور اللى اتسجل ...طبعا زى ما حضرتك قولت فى السلونويد فالف يبقى العيب فى سلونويد من اللى موجود فى الفالف بودى او الروزتة اللى موصلة للكنترول الفتيس


٢- ايه اهم الحاجات اللي ممكن تسبب مشكلة زي دي عموما و في عربيتي تحديدا و خصوصا ان العربية ما كملتش ٢٠٠٠ كم
عيب تصنيع فى حساس من حساسات الفتيس
٣- هل يمكن تكرار المشكلة دي نتيجة ان في مشكلة اكبر هي السبب و لا دا مجرد عيب صناعة و انتهى
لو المشكلة لم تشخص صح يبقى العيب هيبقى موجود!!!
٤- و لو في مشكلة اكبر ممكن تكون في ايه
ممكن يكون فى حساس من حساسات السرعة اللى على الفتيس
٥- زي ما ذكرت المشكلة بتبان مع المشيان الكتير او الحر و الزحمة و التكييف حسب رؤيتي و ممكن اكون غلطان .. هل الموضوع ليه علاقة بالسخونة و لا لأ و لو بيسخن ممكن تكون المشكلة فين
حسب طريقة حلهم للمشكلة ممكن يكونوا غيروا روزتة بس وممكن يكونوا غيروا فالف بودى بس وممكن يكونوا السلونويد اللى على الفالف بودى ....الايام القادمة هتقدر تعرف هما عملوا اية
بس انا اعتقد انهم ما قالولك غيروا الفالف بودى يبقى غيروة ويبقوا ناس محترمين لو غيروا الروزتة كمان....
ياريت تطلب الاجزاء المستبدلة
وانشاء اللة يكون خير

اولا شكرا جزيلا لاهتمامك و ردك
ثانيا زي ما ذكرت هما غيروا الفالف بودي بس ما جابش سيرة الروزته
انت قصدك تغيير الروزته من باب الاحتياط .. و معلش اعذر جهلي ايه فايدة الروزته و الفالف بودي

المشاركة الأصلية كتبت بواسطة mido102

يجماعه ده فتيس عادي ولي dsg مش فاهم ؟؟

فتيس عادي ..