أفيدوني في لانسر بومة الزجاج الأمامي إتشرخ ؟ ؟ ؟

**manfromegy** · 12-06-2014 05:45 PM

السلام عليكم أعضاء المنتدي الكرام.
أرجو الأفادة بخصوص زجاج عربيتي لانسر بومة إتشرخ من عند الحته بتاعه المرية أروح لحد بتاع لحام شروخ يعمله ﻷن الشرخ بيزيد وهل اللحام دا بينفع ولا مالوش لازمة و أستني علي ما يبوظ خالص و أشوف واحد جديد
و الجديد نوعه إيه لاني مش عاوز أجيب جريش و عاوز أجيب نوع نضيف وبالأخص اللي بيكون فيه حمايه ضد الشمس

تنصحوني بإيه و منين في القاهره و شكرا

**shiko85** · 12-06-2014 06:05 PM

المشاركة الأصلية كتبت بواسطة manfromegy

السلام عليكم أعضاء المنتدي الكرام.
وعليكم السلام ورحمة الله وبركاته
أرجو الأفادة بخصوص زجاج عربيتي لانسر بومة إتشرخ من عند الحته بتاعه المرية أروح لحد بتاع لحام شروخ يعمله ﻷن الشرخ بيزيد
الشرخ حوالى كام سم ؟؟
هل اللحام دا بينفع ولا مالوش لازمة
بينفع لو اتعمل صح و اتعمل بدرى
و أستني علي ما يبوظ خالص و أشوف واحد جديد
لو الشرخ بيزيد زى ما حضرتك بتقول يبقى خطر تستنى عليه لانه ممكن لا قدر الله يتكسر خالص و حضرتك سايق و ده هيسبب مشاكل و فيه خطوره كبيره

**iNjECTOR** · 12-06-2014 07:33 PM

السلام عليكم ورحمة الله وبركاته
قدر الله وماشاء فعل ...
فور ودون تردد قم بالذهاب لاحد المراكز المتخصصة للاحام الزجاج

**manfromegy** · 12-06-2014 07:37 PM

الشرخ طوله حوالي 20 سنتيمتر بس مش مستقيم جاي من نص الزجاج يمين المرايه شويه و واخد كرف لناحية الشمال و اول ماحصل الشرخ روحت لواحد في بنها كفر الجزار بعد كوبري كفر الجزار بتاع لحام لاني كنت راجع من مصر حط عليه ماده و علي الماده بلاستيك شفاف عادي و فوقها سوليتب و قالي اروحله بعدها بيومين و امشي عادي بيها لحد ماروحله طبعنا حسيت إنها بتزيد في طول الشرخ روحتله النهارده قالي اروحله علي 8بالليل و هايعملها و ينشفها فا إيه رأيكم في الموضوع دا بيتنصب عليا ولا ايه

**shiko85** · 12-06-2014 07:50 PM

المشاركة الأصلية كتبت بواسطة manfromegy

الشرخ طوله حوالي 20 سنتيمتر بس مش مستقيم جاي من نص الزجاج يمين المرايه شويه و واخد كرف لناحية الشمال و اول ماحصل الشرخ روحت لواحد في بنها كفر الجزار بعد كوبري كفر الجزار بتاع لحام لاني كنت راجع من مصر حط عليه ماده و علي الماده بلاستيك شفاف عادي و فوقها سوليتب و قالي اروحله بعدها بيومين و امشي عادي بيها لحد ماروحله طبعنا حسيت إنها بتزيد في طول الشرخ روحتله النهارده قالي اروحله علي 8بالليل و هايعملها و ينشفها فا إيه رأيكم في الموضوع دا بيتنصب عليا ولا ايه

20 سم كتير جدا و من الوصف بتاع حضرتك يبقى كده الزجاج ده خطر و لازم يتغير خصوصا حضرتك بتسافر و الزجاج عرضه لهواء شديد و زلط كمان
اللى بيعمل معالجه للزجاج قالى المفروض اكبر شرخ يتعمل 7 سم (بس على حسب عمق الشرخ و بدايته شكلها عامل ازاى)
و لما كنت بعالج الشرخ كان الشرخ مش بيزيد بعدها خالص و بيختفى و يتبقى اثار بسيطه
شكلها نصبه غير ان كده كده الزجاج ده لازم يتغير
ربنا يعوض على حضرتك بس نصيحه مهما كان سعر الزجاج فهو لا يساوى ابدا اى خطر ممكن حضرتك او حد مع حضرتك يتعرض له