الموضوع: عاوزة رأيكم فى البيتلز ,,, ياترى فى حد ممكن يساعدنى

حضرتك ممكن تسألى فى قسم فولكس ... بس من محافظه لمحافظه ماعتقدش البيتلز تسعفك او توصل بيكي وانتى بنت ماينفعش العربيه تقف بيكي عالطريق

حضرتك ممكن تسألى فى قسم فولكس ... بس من محافظه لمحافظه ماعتقدش البيتلز تسعفك او توصل بيكي وانتى بنت ماينفعش العربيه تقف بيكي عالطريق

شكرا لردك باشمهندس محمد وسعيدة بنصيحتك

بيتلز افضل عربية في الفة دي .....
انا عندين مويل 64 1300
و سافرت بيها من اسكندرية للمنيا للقاهرة للغردقة لمرسى علم و رجعت نفس اللفة دي في 15 يوم
و كنت بسافر بيها كتير من المنيا الى القاهرة تقريبا كل 15 يوم

هيه بس محتاجة انك تتعودي على مقاسات العربية عشان البومبيهات بتاعتها تلخبط شوية في الاول لكن بعد كده هتحبيها جدا ....

اهم ميزة فيها انها مش مكلفة في الصيانة و كمان موفرة في البنزين

سعيدة بردك ونصيحتك استاذ مزاجانجى
بس ليا بعد اذنك سؤال هل لو سافرت بيها كل يوم هل هتسعفنى ولا هتبقى فيها مشكلة ولا الافضل اجيب جديد قسط " حضرتك تنصحنى باية "

يافندم انا نصيحتي لأي بنت تبعد عن القديم والمستعمل ... الحاجات دى هاتتعبك عند الميكانيكيه ومش هى العربيه اللي تعتمدي عليها فى سفر يومى .. توكلى على الله وهاتى حاجه جديده تفرحك وتشيلك مش تتعبك وانتى اللى تشيليها

يافندم انا نصيحتي لأي بنت تبعد عن القديم والمستعمل ... الحاجات دى هاتتعبك عند الميكانيكيه ومش هى العربيه اللي تعتمدي عليها فى سفر يومى .. توكلى على الله وهاتى حاجه جديده تفرحك وتشيلك مش تتعبك وانتى اللى تشيليها

شكرا ليك باشمهندس محمد

المشاركة الأصلية كتبت بواسطة فاتنة

السلام عليكم اولا ...

ان شاء الله انا ناوية اشترى عربية لانى محتاجاها جدا للسفر من محافظة لمحافظة
ودى اول مرة هركب فيها عربية ودورت كتير فى مواضيع مختلفة على سيارة بسعر كبداية بمبلغ 10,000 وملقتش غير انواع محدودة ما بينها " الفيات , اللادا , البيتلز ,السيات "

لكنى بميل للبيتلز لانى عرفت انها بتتحمل عن باقى الانواع على اساس ما قرأته وانها بتتحمل ظروف السفر فهل معايا حق او كل الانواع دى فى نفس المستوى واعطالها كثيرة

ياريت حد ينصحنى بخبرته
:_alshmokh22[1]:

حضرتك البيتلز سيارة عملية جدا سواء على الطريق السريع او داخل المدينة بس لازم تكون فى اهتمام بيها ومراجعة اشياء معينة لعدم تعطلها لانها كعربية اعطالها قليلة جدا بيكون فيها بلاوى بس بتمشى ومبتقلش باصلها
لو عايزة تشترى عربية بالمبلغ ده ممكن تلاقى بس هتتعبى فى البحث عن حاجة كويسة اصيلة مش متهانة والكشف عليها هيكون فى الخطوات التالية..........1- اول كشف الزواية بسب ان العربية ممكن يكون الدنجل بتاعها معووج وده مقرف جدا فى تغييره وبيخلى العربية مش موزونة على الطريق ويكون الكشف عند واحد بتاع زوايا كومبيوتر.............2- كشف الميكانيكى هيكشف على الماتور ويشوف حالتة ويبص على العفشة والفتيس
.................. ممكن يتم الكشف عند سمكرى بس العربية ده مش زى الفيات ممكن يعنى صاجها شديد
...........لو حضرتك من سكان شرق القاهرة فى مديح الميكانيكى فى او سنان فى جسر السويس غالى شوية فى المصنعية بس نضيف فى شغله وفى واحد ظبط زوايا بالكمبيوتر فى ميدان ابن الحكم فى مدخل مدينة الزهور عند نادى 6 اكتوبر ................. اى استفسار عن هذه السيارة انا موجود

انا عندى كام سؤال بخصوص البيتلز
العفشة بتاعة 1300 مختلفة اوي عن ال1302 و 1303 ولا مش هتبقا فارقة اوي ؟؟
فراملها توقفها ولا ضعيفة ؟
بتسخن فى الصيف ؟
العفشة و علبة الدركسيون متوفرين ل1302 ولا لا ؟
دواساتها و دريكسيونها ناعمين ولا لا ؟
شكرااا

Sent from my Nexus 5 using Forum Runner