افيو 2014 ولا رينو سانديرو ولاميتسوبيشي اتراج ولا صني جديده ولا فيرنا

**hiatelklob** · 13-06-2014 11:49 AM

متابع ارائكم

**ahmed.Elashy** · 13-06-2014 05:17 PM

صعب تحكم لان الاتراج والسانديرو لسه نازلين مش هتعرف تحكم غير بعد تلات سنين ع الاقل من الاستخدام وظهور المشاكل
الفيرنا غير محببه ف السفر لعدم التحكم الجيد والسيطره علي العربيه ع سرعات عاليه
الصني كويسه او نقول احسنهم الي حد ما بس كوسائل امان فهي متنفعش
الافيو ع حسب مسمعت انها كويسه الي حد ما
بس كل العربيات دي اسمها سيارات مدينه
يعمي الشركات عاملاها عشان تلف بيها جوا البلد

**El Prince** · 14-06-2014 11:34 PM

القيرنا كانت معايا -تقفيل اقل جودة - حصان جامح يريد الانطلاق - سافرت بيها كذا مرة اسكندرية - عاوزه واحد عاقل -عمرى ما كنت هابيعها لولا ظروف صحية و لازم اسوق اوتو

اتفرجت ع الاتراج الاوتو الاولى انهارده - عربية مدينة - توفير فى البنزين - مالهاش فى السفر 3 سليندر- واسعه - ماتورها بتاع موتسيكل كبير-تقفيل نضيف و خامات معقوله

الباقى معرفش

اتمنى اكون قدرت افيدك
تحياتى

**Ramy-Ahmed** · 14-06-2014 11:47 PM

السلام عليكم ورحمه الله وبركاته

ربنا يكرمك ويوفقك الي الصواب

انا رأيي ال سانديرو

**ahmedfouad** · 15-06-2014 12:33 AM

سانديرو او ميسوبيشى او صنى بالترتيب

**mohamedsalah84** · 15-06-2014 09:29 AM

منصحكش بالاتراج لانها 3 سلندر 1200 سى سى يعنى موتورها ضعيف مش حيتحمل تكييف مع سفر و تحميل.. بالنسبة للباقى انا شايف افضلهم الصنى من ناحية كل حاجة.. هى معايا و ما شاء الله جميلة بس كان ليا شوية تعليقات على التقفيل اول ما اشترتها لكن والله ما شاء الله واسعة و مريحة و تكييفها حلو.. و ربنا يكتبلك الخير ان شاء الله

**Karim tolba** · 15-06-2014 10:34 AM

هههههههههههههه يا باشا انت ظالم الصنى كدا لية بس حرام عليك عليك بتقارنها بفيرنا وارتاج ال 1200 cc والافيو الزبالة طيب ازاى بس !!! الصنى فئة اعلى من الحجات دى كلها اصلا

**a11** · 18-06-2014 08:38 AM

ياباشاا. الصني طبعا تكسب ف كل حاجه السعر ووسائل الامان والتوكيل محترم جدا والاتسلع والعلو عن الارض والسمعه وكل حاجه وموتورها ياباني والفتيس ياباني مش هندي الكلام ده من مهندس صديق ف التوكيل يعني مش هايضحك عليا