تغيير اضاءة العربية الداخلية بلمبات ليد

**الجنرال** · 14-06-2014 12:25 PM

السلام عليكم ورحمة الله

محتاج نصيحة من خبراء الكماليات:

انا عايز اغير اضاءه العربية الداخلية للمبات الليد .. الحقيقة انا عايز اعمل كذا حاجة:
1- ليد داخل العربية: ويشمل (الصالون - درج التابلوه)
2- عمل لمبات الترحيب الخارجية (فى المراية - في الاوكرة مقبض الباب) خصوصا ان العربية مش مجهزة لكده

العربية كيا سيراتو الشكل الجديد

محتاج نصايحكوا ... ابدأ منين .. وايه الحاجات اللى اخلي بالي منها وايه اللى اعمله

وشكرا

**محمد ابراهيم 9** · 14-06-2014 12:56 PM

متابع

**NightmarE84** · 20-06-2014 07:21 PM

متابع

**الجنرال** · 21-06-2014 01:09 AM

طيب .. انا خضت التجربة والحمد لله تمت بنجاح

الاول فكيت لمبات العربية كلها علشان اعرف مقاسها .. واخدت واحدة ونزلت التوفيقية

دورت على اللمبة اسمها (بلحة) وتكون ليد

والحمد لله لقيت اللمبة واشتريت ثلاثة للصالون فقط

مرضيتش اشتري للشنطة او درج التابلوه دلوقتى لحد لما اتأكد انها كويسة ..

الحمد لله شغالة كويس وبتنور جامد .. افضل بكتير من اللمبة العادية

لكن معرفش هتعيش قد ايه

والحمد لله :)

**FAR!D** · 21-06-2014 10:38 AM

انا بقالي بتاع 4 شهور شغال بيهم زي الفل
بس الحق يقال بحس انها بيئه اوووي بس عادي شغال

**الجنرال** · 21-06-2014 06:17 PM

بيئة !!!!

حرام عليك .. عموما هي ازواق ..

وهيا مش معمولة للتاكسي بس .. واستخدام التاكسي والميكروباص ليها لا يعيبها

عموما .. لسه هعمل ان شاء الله انوار الترحيب فى المرايات والاوكر .. الله المستعان :)

**FAR!D** · 21-06-2014 06:26 PM

المشاركة الأصلية كتبت بواسطة الجنرال

بيئة !!!!

حرام عليك .. عموما هي ازواق ..

وهيا مش معمولة للتاكسي بس .. واستخدام التاكسي والميكروباص ليها لا يعيبها

عموما .. لسه هعمل ان شاء الله انوار الترحيب فى المرايات والاوكر .. الله المستعان :)

انا مقولتش حاجه هيا في الاول و الاخر اذواق و ربنا يوفقك و تخلصهم