مشكله في فتيس a7 1600 2015

**mabdou2005** · 14-06-2014 09:33 PM

صاحبي اشتري عربيه a7 1600 من نور الدين الشريف بناء علي نصيحتي ان العربيه بالموتور الجديد والفتيس هتبقي انسب اختيار
بعد ما استلام العربيه ورخص ظهر عيب غريب انه لما بيجي ينقل لل r او d العربيه تبطل المهم طلع علي التوكيل بها عند نور الدين الشريف يوم الخميس وقالوله عنكشف علي العربيه بالكمبيوتر يوم السبت

النهارده كلمني وقالي رحت اخدت العربيه ومفيهاش حاجه طبعا الكلام معجبنيش ازاي العيب يروح لوحده المهم قالي هاعدي عليك علشان اجرب العربيه
جيت اجرب العربيه لقيت العيب رجع تاني ومع كل نقله الي d او r العربيه تتخنق والrpm ينزل وتبطل المهم طبعا اتجنيت ازاي العيب يحصل في العربيه وهي لسه معملتش ١٠٠ كيلو

كلمت الاستاذ احمد خليل مدير مبيعات اسكودا وشرحت له العيب المهم الراجل اهتم جدا و قالي هاكلمك المهندس نور يبعتلك عربيه الخدمه

المهم فضلت انا وصاحبي نحاول مع العربيه وكل ما ننقل تبطل لغايه ما طلعنا بيها علي التوكيل
واحنا في السكه الكمبيوتر قراءه gear box error واحنا علي باب التوكيل
دخلوه العربيه علي الكمبيوتر علشان يعرفوا كود الerror المهم جربنا تاني العيب كان راح بعد كده رفعوا العربيه علشان يشيكو علي الوصلات الكهربائيه بتاعه الجيربوكس وطبعا نفيش اي مشكله

بعد ساعتين قالولي ان هما شاكين في البنزين خصوصا ان صاحبي فول اول تفويله من محطه تعبانه ناحيه المطار

وطلبوا نسيب العربيه لبكره علشان يفضوا تانك البنزين ويحطوا بنزين تاني وبعد كده نجرب تاني
طبعا انا الكلام ده مش عاجبني لان العربيه قراءت gear box error فا ده ايه علاقته بالبنزين

صراحه انا مروح وانا حزين جدا لان لو العيب طلع اي حاجه تانيه غير موضوع البنزين هاحس بذنب كبير ناحيه صاحبي الي كان هيجيب تويوتا كورالا وانا الي نصيحته بالاوكتافيا بناء علي تجربتي للعربيتان الي الان

عموما انا مستني لبكره وربنا يستر

**mo7a_mo7a** · 14-06-2014 09:38 PM

لا حول ولا قوة الا بالله

لو البنزين وحش حتقدر تعرف بسهولة ان العربية تبطل وانت بتهدي علي المطبات او تترعش في الطلعة

علي كل انا لا اثق في نور الدين وانا بردوا من الاسكندرية

اصدقاء ليا كتير شكروا في مركز tvag علي السريع قبل ما توصل كبري ابيس

**mo7a_mo7a** · 14-06-2014 10:26 PM

انا من وقت للتاني بدخل علي موقع سكودا التشيك ابص لو في اخبار عن تغيير الوكيل

لكن لحد دلوقتي ارتوك مستمر

**A.Adel** · 14-06-2014 10:41 PM

لسة عضو معاه toledo حصله نفس المشكلة

مع إن الفتيس ده مفيهوش أي حاجة جديدة
جايز يكون patch منه بقى نازل فيه عيب

**hugan** · 14-06-2014 10:56 PM

هي العربيات الصيني كده
كلها مشاكل
في ايه
سكودا سيات فولكس
فتيس مابيكملش سنه
رينو فلوانس
عربياتها بتنقص زيت
الاوربي انضرب علي الاخر

**svneleven** · 15-06-2014 05:21 AM

لو بنزين ايه علاقته بالنقل من r ل d؟ طبعا بيستعبطو. خليك معاهم و ان شاء الله خير. و أنت مالكش ذنب حتي لو العربية فيها حاجة أنت نصحت الراجل باللي انت مقتنع بيه و هو مسؤل عن تصرفاته. أنا عارف أن الموضوع محرج لكن انت كان قصدك خير.

**mabdou2005** · 15-06-2014 03:12 PM

البنزين طلع نظيف والناس في نور الدين الشريف مش عارفين العيب والبهاوات مسحوا كود الerror من غير ما يسجلوا وقالوا لصحبي اطلع جرب تاني لغايه ما العربيه تسجل error وابقي تعالي او هنبعتلك عربيه الخدمه

انا شاء بكره صاحبي هيطلع علي حمايه المستهلك والنهارده هاحاول ابعت ميل للتشيك واطلب تغير العربيه
وعلي فكره كلمت احمد خليل النهارده وقالي انا راجل بتاع مبيعات روح للمهندس نور

-

-

الموضوع: مشكله في فتيس a7 1600 2015

LinkBack

أدوات الموضوع

عرض

-

-

-

المواضيع المتشابهه

سكودا فليشيا تقرير عن تغيير فتيس موتور 1300 الى فتيس موتور 1600

مقارنة تفصيلية مبين تويوتا كورولا 2015 و سكودا a7 2015

أسعار وكماليات اوكتافيا a7 1600 cc 2015

هيونداي سوناتا 2015 بمحرك 1600 تيربو

مشكله فى فتيس لانسر بومه 1600

الكلمات الدلالية لهذا الموضوع

المفضلات

المفضلات

ضوابط المشاركة