الموضوع: C250 vs c280

يا بهوات ارجو الافاده امامي سيارتين الاولى c280 2008 عامله ٤٧ عداد مش راشه حاجه وحالتها كويسه والفصال بينا وقف على ٢٦٠ او ٢٦٥ ولسه مردتش عليه
اما العربيه الثانيه c250 2010 عداد 65 الف حالتها جيده وراشه اكصدامين بس اليجانس مش افنتجارد وبيتكلم ف ٢٨٥ الف

السؤال هنا انا طبعا عارف ان الc250 تعتبر افضل من حيث الضريبه والتجديد واعاده البيع بس انا عموما مش بغير عربيات كثير يعني بغير كل كام سنه و انا معجب بالموتور بتاع ال٢٨٠ ال٣٠٠٠ سي سي ده لانه موتور جبار بس كلو بيقولي بلاش ايه رايكم والي يعرف الفرق بينهم في الكماليات يقولي عليها لو سمحتم وهل الاسعار كده مناسبه ولا لا وشكرا لمن سيهتم بالرد

ستين مشاهده ومحدش رد عليا هو السؤال صعب اوي كده